ព័ត៌មានអន្ដរជាតិ
មនុស្ស ៣ នាក់បាត់បង់ជីវិត ដោយសារផឹកទឹកដោះគោក្រឡុកនៅអាមេរិក
មនុស្ស ៣ នាក់បាត់បង់ជីវិត និង ៣ នាក់ទៀតត្រូវបញ្ជូនទៅមន្ទីរពេទ្យ ព្រោះផឹកទឹកដោះគោក្រឡុកដែលផ្ទុកបាក់តេរី Listeria ។
ហេតុការណ៍នេះបានកើតឡើងក្នុងហាង Frugals នៅរដ្ឋ Washington ចាប់តាំងពីខែកុម្ភៈ ទី២៧ ដល់ខែកក្កដា ទី២២ ដោយសារបុគ្គលិកលាងម៉ាស៊ីនការ៉េមសម្រាប់លាយជាមួយទឹកដោះគោក្រឡុកមិនស្អាត ។
ជាក់ស្ដែងហាងអាហារខាងលើបានឈប់ប្រើប្រាស់ម៉ាស៊ីនរបស់ខ្លួនតាំងពីដើមខែសីហាមកម្ល៉េះ ប៉ុន្តែមនុស្សដែលប៉ះពាល់បាក់តេរី Listeria នឹងបង្ហាញរោគសញ្ញារយៈពេល ៧០ ថ្ងៃ ក្រោយការឆ្លងដំបូង ។
ពាក់ព័ន្ធនឹងបញ្ហាដែលបានកើតឡើង ហាង Frugals ប្រកាសថា “យើងខូចចិត្ត និងសោកស្ដាយយ៉ាងខ្លាំងចំពោះគ្រោះថ្នាក់ណាមួយដែលយើងបង្កឡើង” ហើយពួកគេនឹងបញ្ឈប់ការលក់ទឹកដោះគោក្រឡុកដែលប្រើការ៉េមគ្រប់សាខាទាំងអស់ និងតេស្តរកមេរោគជាមុនសិន ។
មែនទែនទៅបាក់តេរី Listeriosis មិនសូវបង្កគ្រោះថ្នាក់ធ្ងន់ធ្ងរនោះទេ ប៉ុន្តែវាបង្កហានិភ័យសម្រាប់អ្នកដែលមានប្រព័ន្ធភាពស៊ាំចុះខ្សោយ ជាពិសេសមនុស្សចាស់អាយុលើស ៦៥ ឆ្នាំ អ្នកមានផ្ទៃពោះ និងទារកទើបនឹងកើត ។
ជារៀងរាល់ឆ្នាំ មានមនុស្សប្រហែល ២៦០ នាក់ស្លាប់ដោយសារបាក់តេរីនេះ ។ ពីឆ្នាំ ១៩៩៨ ដល់ ២០២១ មានអ្នកឆ្លងបាក់តេរី Listeria ជិត ២០០០ នាក់ ចំណែកឯតួលេខសរុបវិញគឺ ៥៨ ៧១៧ នាក់ឯណោះ ។
បើយោងតាម CDC រោគសញ្ញាទូទៅនៃការឆ្លងបាក់តេរីរួមមាន គ្រុនក្តៅ ប្រកាច់ ឈឺក្បាល ខ្សោយសាច់ដុំ បាត់បង់តុល្យភាព ករឹង និងច្របូកច្របល់ ។
ទន្ទឹមនេះ នៅក្នុងខែកុម្ភៈ ក្រុមហ៊ុន Fresh Ideation Food Group LLC បានប្រមូលមកវិញនូវផលិតផលអាហារជាង ៤០០ ដែលត្រូវបានបំពុលដោយ Listeria ផងដែរ ។ សូម្បីកាលពីឆ្នាំ ២០២២ ក៏មានមនុស្សពីរនាក់បានស្លាប់ បន្ទាប់ពីឆ្លងមេរោគ Listeria ពីក្នុងកញ្ចប់បន្លែ Dole ដូចគ្នា ៕
ប្រែសម្រួល៖ វារី
ចុចអាន៖ បាក់តេរី សាហាវ ត្រូវបានរកឃើញលើទឹកដី សហរដ្ឋអាមេរិក ជាលើកដំបូង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង