កប៉ាល់ដឹកប្រេង២គ្រឿង បុកគ្នា ក្នុងព្រែកជីក ស៊ុយអេ

ទីភ្នាក់ងារតាមដានចរាចរណ៍ផ្លូវសមុទ្របានឲ្យដឹងកាលពីថ្ងៃអង្គារទី២២ខែសីហាថា កប៉ាល់ដឹកប្រេង BW Lesmes បានបុកជាមួយកប៉ាល់ដឹកផលិតផលប្រេង Burri នៅក្នុងព្រែកជីក ស៊ុយអេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារខាងលើបានបង្ហោះលើបណ្តាញ X ថា “ចរាចរណ៍ផ្លូវសមុទ្រ បានទទួលរបាយការណ៍ពីសាក្សីផ្ទាល់ភ្នែកឃើញកប៉ាល់ដឹកប្រេង ២ គ្រឿងបានបុកគ្នា ។ ឧប្បត្តិហេតុដែលត្រូវបានរាយការណ៍ គឺទាក់ទងនឹងកប៉ាល់ដឹកប្រេង Burri របស់កោះ Cayman និងកប៉ាល់ BW Lesmes របស់ប្រទេសសិង្ហបុរី”។

ទីភ្នាក់ងារតាមដាន ក៏បានបង្ហោះវីដេអូដែលបង្ហាញពីទិន្នន័យត្រួតពិនិត្យប្រតិបត្តិការសណ្តោងកប៉ាល់ Burri ចេញពី BW Lesmes បន្ទាប់ពីការបុកគ្នាផងដែរ ប៉ុន្តែទោះបីជាយ៉ាងណាក៏ដោយ ទំហំនៃការខូចខាតមិនត្រូវបានគេបញ្ចេញនោះទេ។

គួរបញ្ជាក់ថា ព្រែកជីក ស៊ុយអេ ដែលទទួលខុសត្រូវ ១២ ភាគរយនៃការធ្វើដំណើរពាណិជ្ជកម្មឆ្លងកាត់របស់ពិភពលោក ក៏ធ្លាប់ធ្វើឲ្យពិភពលោកចាប់អារម្មណ៍ផងដែរក្នុងឆ្នាំ២០២១ ពេលដែលកប៉ាល់ដឹកកុងតឺន័រខ្នាតធំមួយគ្រឿង ជាប់កឿង ជាហេតុបណ្តាលឲ្យស្ទះចរាចរណ៍រយៈពេល៦ថ្ងៃ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ផ្ទុះកប៉ាល់ដឹកប្រេងនៅ ថៃ បំផ្លាញផ្ទះជាង ៧០ ខ្នង និងមនុស្សស្លាប់-របួសជាង ១០ នាក់