រុស្ស៊ី ថា អាមេរិក អាចកើតសង្គ្រាមស៊ីវិល រវាងគណបក្សប្រជាធិបតេយ្យ និងសាធារណរដ្ឋ

អតីតប្រធានាធិបតីរុស្ស៊ី លោក Dmitry Medvedev បាននិយាយថា ការប្រឈមមុខដាក់គ្នារវាងគណបក្សប្រជាធិបតេយ្យនិងសាធារណរដ្ឋនៅក្នុងសហរដ្ឋអាមេរិក អាចឈានដល់ការកើតសង្រ្គាមស៊ីវិលពេញទំហឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់ទីភ្នាក់ងារសារព័ត៌មាន RT និង TASS កាលពីថ្ងៃសៅរ៍ទី២៦ខែសីហា លោក Medvedev កត់សម្គាល់ថា មានការបែកបាក់គ្នាខ្លាំងក្លា រវាងឥស្សរជននៅក្នុងសហរដ្ឋអាមេរិក។ វាជាការប៉ះទង្គិចគ្នារវាងការបង្កើតសាធារណរដ្ឋអភិរក្សនិយមនិងផ្នែកសេរីនិយម ដែលតំណាងដោយគណបក្សប្រជាធិបតេយ្យ។ នោះពិតជាធ្វើឲ្យអាមេរិក ត្រូវពុះចែកជាពីរ។

អនុប្រធានក្រុមប្រឹក្សាសន្តិសុខរុស្ស៊ីរូបនេះបន្តថា “បច្ចុប្បន្ន អាមេរិកកំពុងស្ថិតក្នុងស្ថានភាពនៃជម្លោះផ្ទៃក្នុង។ អាមេរិក​កំពុង​មាន​ជម្លោះ​ជាមួយ​ខ្លួន​ឯង។ លើសពីនេះទៅទៀត តាមទស្សនៈរបស់ខ្ញុំ ជម្លោះនេះគឺមិនអាចផ្សះផ្សាក្នុងទិដ្ឋភាពមួយចំនួនបានទេ។ ជម្លោះ​ក្នុង​ស្រុក​បែប​នេះ ​ច្រើន​តែ​បញ្ចប់​ដោយ​សង្គ្រាម​ស៊ីវិល។ ខ្ញុំមិនដឹងថានឹងមានអ្វីកើតឡើងនៅសហរដ្ឋអាមេរិកទេ ប៉ុន្តែពេលនេះ ជម្លោះកំពុងស្ថិតក្នុងកម្រិតខ្ពស់បំផុត”។

លោក Medvedev បានលើកឡើងពីការកាត់ទោសព្រហ្មទណ្ឌដែលកំពុងបន្តលើអតីតប្រធានាធិបតី ដូណាល់ ត្រាំ។ លោក Medvedev អះអាងថា ការចោទប្រកាន់លើលោក ត្រាំ មិនមែនធ្វើឡើងដើម្បីជាប្រយោជន៍ដល់យុត្តិធម៌ទេ ប៉ុន្តែគឺគ្រាន់តែរារាំងលោកត្រាំ ពីការចូលរួមក្នុងយុទ្ធនាការបោះឆ្នោតប៉ុណ្ណោះ”៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ត្រាំ ចូលប្រគល់ខ្លួននៅពន្ធនាគារក្នុងទីក្រុង Atlanta