ព័ត៌មានអន្ដរជាតិ
តើប្រធានាធិបតីអាមេរិក រូបណា ធ្វើទស្សនកិច្ចវៀតណាម មុនគេ ចាប់តាំងប្រទេសទាំង២ ភ្ជាប់ចំណងការទូត?
ជាមួយនឹងដំណើរក្នុងខែវិច្ឆិកាឆ្នាំ២០០០, លោក Bill Clinton គឺជាប្រធានាធិបតីអាមេរិកដំបូងគេ ដែលទៅបំពេញទស្សនកិច្ចនៅវៀតណាម បន្ទាប់ពីប្រទេសទាំងពីរបានបង្កើតទំនាក់ទំនងការទូត។
បន្ទាប់ពីនោះ អ្នកស្នងតំណែងរបស់គាត់គឺលោក George W. Bush, Barack Obama និង Donald Trump សុទ្ធតែបានធ្វើទស្សនកិច្ចនៅវៀតណាម ក្នុងអំឡុងពេលកាន់តំណែងជាប្រធានាធិបតី។
លោក George W. Bush បានធ្វើទស្សនកិច្ចវៀតណាមចាប់ពីថ្ងៃទី១៧ដល់២០ខែវិច្ឆិកាឆ្នាំ២០០៦, លោក Barack Obama ចាប់ពីថ្ងៃទី២៣ដល់២៥ខែឧសភាឆ្នាំ២០១៦ និងលោក Donald Trump ចាប់ពីថ្ងៃទី១០ដល់១២ខែវិច្ឆិកាឆ្នាំ២០១៧។
ហើយចាប់ពីថ្ងៃទី១០ដល់ថ្ងៃទី១១ខែកញ្ញា ក្រសួងការបរទេសអាមេរិក បានប្រកាសថា លោក Joe Biden នឹងបំពេញទស្សនកិច្ចផ្លូវរដ្ឋនៅប្រទេសវៀតណាម តាមការអញ្ជើញរបស់អគ្គលេខាបក្សលោក Nguyen Phu Trong។
ដំណើរទស្សនកិច្ចនេះ នឹងប្រារព្ធខួប១០ឆ្នាំនៃទំនាក់ទំនងភាពជាដៃគូគ្រប់ជ្រុងជ្រោយរវាងវៀតណាម និងសហរដ្ឋអាមេរិក ហើយវានឹងក្លាយជាដំណើរទស្សនកិច្ចលើកដំបូងរបស់លោកប្រធានាធិបតី Biden ទៅកាន់ប្រទេសវៀតណាម ចាប់តាំងពីការឡើងកាន់តំណែងនៅដើមឆ្នាំ២០២១។
សេតវិមានបានប្រកាសនៅក្នុងសេចក្តីថ្លែងការណ៍មួយថា ប្រធានាធិបតីអាមេរិក នឹងជួបជាមួយមេដឹកនាំបក្សកុម្មុយនិស្តវៀតណាម លោក Trong និងមេដឹកនាំកំពូលវៀតណាមផ្សេងទៀតនៅទីក្រុងហាណូយ ដើម្បីពិភាក្សាអំពីវិធីធ្វើឲ្យកិច្ចសហប្រតិបត្តិការអាមេរិក-វៀតណាម កាន់តែស៊ីជម្រៅថែមទៀត។
សូមបញ្ជាក់ វៀតណាមនិងអាមេរិក បានស្តារទំនាក់ទំនងធម្មតាឡើងវិញក្នុងខែកក្កដា ឆ្នាំ១៩៩៥ មុននឹងឈានទៅរកភាពជាដៃគូគ្រប់ជ្រុងជ្រោយក្នុងខែកក្កដា ឆ្នាំ២០១៣៕
ប្រែសម្រួល៖ Vann Vann
ប្រភព៖ VN Express
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង