ព័ត៌មានអន្ដរជាតិ

ឥណ្ឌា ដាក់កម្លាំងប៉ូលិស ៨ ម៉ឺននាក់សម្រាប់រឹតបន្តឹងសន្តិសុខក្នុងកិច្ចប្រជុំកំពូល G20

បានផុស

៣ years មុន

នៅ

ថ្ងៃសុក្រ ៨ កញ្ញា ២០២៣

ដោយ

យោងតាមប្រព័ន្ធផ្សព្វផ្សាយឥណ្ឌាបានរាយការណ៍ថា រដ្ឋធានីញូវដែលីរបស់ប្រទេសឥណ្ឌាដែលនឹងធ្វើជាម្ចាស់ផ្ទះរៀបចំកិច្ចប្រជុំនៃក្រុមប្រទេស G20 បានដាក់ពង្រាយកម្លាំងប៉ូលិស ៨ ម៉ឺននាក់សម្រាប់ការការពារសន្តិសុខសុវត្ថិភាព ។

កិច្ចប្រជុំរយៈពេល ២ ថ្ងៃដែលនឹងចាប់ផ្តើមនៅថ្ងៃទី៩ ដល់ថ្ងៃទី១០ ខែកញ្ញា កំពុងស្ថិតនៅក្រោមការរឹតបន្តឹងសន្តិសុខទាំងនៅជុំវិញរដ្ឋធានី និងព្រលានយន្តហោះ ខណៈមេដឹកនាំក្រុមប្រទេស G20 រំពឹងថានឹងចាប់ផ្តើមមកដល់រដ្ឋធានីញូវដែលី ចាប់ពីថ្ងៃសុក្រ ទី៨ ខែកញ្ញានេះទៅ ។

ស្របពេលជាមួយគ្នានេះ រដ្ឋធានីត្រូវបានតុបតែងដោយផ្កាយ៉ាងស្រស់ស្អាត កន្លែងសាធារណៈមានការរៀបចំយ៉ាងល្អ ហើយអគារនានា និងចិញ្ចើមផ្លូវមានការលាបពណ៌ប្លែកៗ ខណៈតំបន់ជុំវិញវិមានប្រវត្តិសាស្ត្រ India Gate ដែលជាកន្លែងទាក់ទាញទេសចរណ៍ដ៏ល្បីល្បាញត្រូវបានបិទ ។

គួរបញ្ជាក់ថា សម្រាប់ជំនួបកំពូលលើកនេះ ប្លុក G20 នឹងផ្តោតកិច្ចពិភាក្សាលើការផ្តល់ប្រាក់កម្ចីបន្ថែមទៀតដល់ប្រទេសកំពុងអភិវឌ្ឍពីស្ថាប័នពហុភាគី, កំណែទម្រង់ស្ថាបត្យកម្មបំណុលអន្តរជាតិ, បទប្បញ្ញត្តិស្តីពីរូបិយប័ណ្ណឌីជីថល និងផលប៉ះពាល់នៃភាពមិនប្រាកដប្រជាភូមិសាស្ត្រនយោបាយលើសន្តិសុខស្បៀង និងថាមពល ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ G20 នឹងបន្ថែមសមាជិក មួយទៀត