G20 នឹងបន្ថែមសមាជិក មួយទៀត

មេដឹកនាំនៃក្រុមប្រទេសសេដ្ឋកិច្ចជឿនលឿនទាំង២០ បានយល់ព្រមផ្តល់សមាជិកភាពអចិន្ត្រៃយ៍ដល់សហភាពអាហ្រ្វិក។ នេះបើយោងតាមសេចក្តីរាយការណ៍ជាច្រើន មុនកិច្ចប្រជុំកំពូលសប្តាហ៍នេះនៅទីក្រុងញូវដែលី ប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្លុកនៃប្រទេសអាហ្វ្រិកចំនួន៥៥ ដែលបច្ចុប្បន្នត្រូវបាន G20 ចាត់ថ្នាក់ជាអង្គការអន្តរជាតិទទួលបានការអញ្ជើញ គឺនឹងមានឋានៈដូចគ្នាទៅនឹងសហភាពអឺរ៉ុបដែរ នៅក្នុងក្រុមនេះ។

តាមសេចក្តីរាយការណ៍ នាយករដ្ឋមន្ត្រីឥណ្ឌាលោក Narendra Modi បានផ្ញើលិខិតកាលពីខែមិថុនា ដើម្បីជំរុញឲ្យមេដឹកនាំផ្សេងទៀត ទទួលយកសហភាពអាហ្រ្វិកចូលទៅក្នុងក្រុមនេះ។

ប្រព័ន្ធ​ផ្សព្វផ្សាយ​បាន​ដក​ស្រង់​ឯកសារ​នោះ ដែលមានខ្លឹមសារ​ថា “​នេះ​នឹង​ជា​ជំហាន​ដ៏​ត្រឹមត្រូវ​មួយ​ឆ្ពោះ​ទៅ​រក​ស្ថាបត្យកម្ម និង​អភិបាលកិច្ច​សកល​មួយ​ដែល​ត្រឹមត្រូវ យុត្តិធម៌ និងរួម​បញ្ចូល​គ្នា​បន្ថែម​ទៀត។ លោកនាយករដ្ឋមន្ត្រី ជឿជាក់យ៉ាងមុតមាំ ចំពោះសំឡេងកាន់តែច្រើ​នពីបណ្តាប្រទេសនៅប៉ែកខាងត្បូងលើវេទិកាអន្តរជាតិ ជាពិសេសប្រទេសនៅអាហ្វ្រិក”។

សូមបញ្ជាក់ បច្ចុប្បន្ន ប្រទេសអាហ្វ្រិកខាងត្បូង គឺជាសមាជិកអចិន្ត្រៃយ៍ G20 តែមួយគត់ ​ដែលតំណាងឲ្យទ្វីបនេះ។ ដោយឡែកអេហ្ស៊ីប និងម៉ូរីស គឺជាប្រទេសទទួលការអញ្ជើញ៕

ប្រែសម្រួល៖ Vann Vann

ប្រភព៖ RT

ចុចអាន៖ តើបញ្ហាអ្វី ដែលនឹងត្រូវផ្តោតសំខាន់ ក្នុងកិច្ចប្រជុំកំពូល G20 ឆ្នាំនេះ?