យោធាមីយ៉ាន់ម៉ាបណ្ដេញមន្ត្រីរបស់លោកស្រី ស៊ូជី ចេញពីតំណែង ហើយដាក់សមាជិកខ្លួនក្នុងរដ្ឋបាលថ្មី
Connect with us
Helistar Cambodia - Helicopter Charter Services

ព័ត៌មានអន្ដរជាតិ

យោធាមីយ៉ាន់ម៉ាបណ្ដេញមន្ត្រីរបស់លោកស្រី ស៊ូជី ចេញពីតំណែង ហើយដាក់សមាជិកខ្លួនក្នុងរដ្ឋបាលថ្មី

Published

on

យោធារបស់ប្រទេសមីយ៉ាន់ម៉ាកាលពីថ្ងៃចន្ទបានប្រកាសបណ្ដេញមន្ត្រីរដ្ឋាភិបាលដែលបានជាប់ឆ្នោតតាមបែបប្រជាធិបតេយ្យរបស់លោកស្រី អ៊ុងសាន ស៊ូជី ដោយបានដករដ្ឋមន្រ្តី និងសមាជិកសភាចំនួន ២៤ រូបចេញពីតំណែង ហើយបានតែងតាំងមន្ត្រីជំនួស ១១ រូបនៅក្នុងរដ្ឋបាលថ្មីរបស់ខ្លួន បន្ទាប់ពីដណ្តើមអំណាចបាននៅក្នុងរដ្ឋប្រហារមួយ ។

ការប្រកាសនេះត្រូវបានធ្វើឡើងនៅលើកញ្ចក់ទូរទស្សន៍ Myawadday ដែលគ្រប់គ្រងដោយយោធា និងរាប់បញ្ចូលទាំងការតែងតាំងថ្មីនៅនៅក្នុងតំណែងរដ្ឋមន្ត្រីដូចជា រដ្ឋមន្ត្រីក្រសួងហិរញ្ញវត្ថុ រដ្ឋមន្ត្រីក្រសួងសុខាភិបាល រដ្ឋមន្ត្រីក្រសួងព័ត៌មាន រដ្ឋមន្ត្រីក្រសួងការបរទេស រដ្ឋមន្ត្រីក្រសួងការពារជាតិ រដ្ឋមន្ត្រីក្រសួងព្រំដែន និងរដ្ឋមន្ត្រីក្រសួងមហាផ្ទៃ ។

យោធាបានដណ្តើមអំណាចកាលពីថ្ងៃចន្ទនៅក្នុងរដ្ឋប្រហារមួយដោយបានឃុំខ្លួនលោកស្រី អ៊ុងសាន ស៊ូជី និងមេដឹកនាំដទៃទៀតនៃគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រីនៅក្នុងការវាយឆ្មក់នៅពេលព្រឹក ។

កងទ័ពបាននិយាយថា ខ្លួនបានអនុវត្តការឃុំខ្លួនដើម្បីឆ្លើយតបទៅនឹង “ការលួចបន្លំសន្លឹកឆ្នោត” ដោយប្រគល់អំណាចទៅឲ្យមេបញ្ជាការយោធាលោកឧត្តមសេនីយ៍ Min Aung Hlaing និងបានប្រកាសដាក់ប្រទេសក្នុងស្ថានភាពអាសន្នរយៈពេមួយឆ្នាំ ។

ដោយនិយាយសង្ខេបក្នុងកិច្ចប្រជុំរដ្ឋបាលថ្មី យោធាបាននិយាយថា លោក Min Aung Hlaing បានសន្យាថានឹងអនុវត្ត “ប្រព័ន្ធប្រជាធិបតេយ្យពហុបក្សប្រកបដោយការរីកចម្រើន និងប្រកបដោយវិន័យពិតប្រាកដ” ។

ទន្ទឹមនោះលោកបានសន្យាថានឹងមានការបោះឆ្នោតដោយសេរីត្រឹមត្រូវ និងយុត្តិធម៌ ហើយប្រគល់អំណាចដល់គណបក្សឈ្នះឆ្នោត ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ តើរដ្ឋប្រហារលើកនេះអាចបញ្ចប់ជីវិតនយោបាយរបស់លោកស្រី ស៊ូជី ពិតមែនឬទេ?

ចុចអាន ៖ ព្រឹត្តិការណ៍សំខាន់ៗក្នុងប្រទេសមីយ៉ាន់ម៉ា ស្ថិតក្រោមការគ្រប់គ្រងរបស់យោធា

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ12 mins ago

ស្គាល់អត្តសញ្ញាណបុរសឆ្លងកូវីដរត់គេចពីមណ្ឌលចត្តាឡីស័ក

ព័ត៌មានជាតិ25 mins ago

អាជ្ញាធរ​រក​ឃើញ​ទីតាំង ១៤​កន្លែង​ទៀត (​សរុប ៧៧​កន្លែង​) ពាក់ព័ន្ធ​នឹង​ព្រឹត្តិការណ៍ ២០ កុម្ភៈ នៅ​រាជធានី​ភ្នំពេញ

ព័ត៌មានជាតិ1 hour ago

បន្ទាន់ក្តៅៗ រកឃើញបុរសឆ្លងកូវីដទៅពិនិត្យនៅពេទ្យឯកជន បិទមន្ទីរពេទ្យភ្លាមៗ

ព័ត៌មានជាតិ1 hour ago

ញៀន​ថ្នាំ​ផង​បែប​គំនិត​ហែក​ទ្វារ​បន្ទប់​ប៉ុនប៉ង​រំលោភ​សេពសន្ថវៈ​​បែកការ​ផ្អើល​ឆុ​ល​ចាប់​ក្របួច​ជាប់

ព័ត៌មានជាតិ2 hours ago

ជនសង្ស័យ​ម្នាក់​ធ្លាប់​ជាប់គុក​១​ឆ្នាំ​ ចេញ​មក​វិញ​ខ្លាំង​លើស​ដើម​ ត្រូវ​អាវុធហត្ថ​ឃាត់​ខ្លួន​បញ្ជូន​ទៅ​​វិញ

Sokha Hotels

ព័ត៌មានពេញនិយម

Helistar Cambodia - Helicopter Charter Services