តើរដ្ឋប្រហារលើកនេះអាចបញ្ចប់ជីវិតនយោបាយរបស់លោកស្រី ស៊ូជី ពិតមែនឬទេ?
Connect with us
Helistar Cambodia - Helicopter Charter Services

ព័ត៌មានអន្ដរជាតិ

តើរដ្ឋប្រហារលើកនេះអាចបញ្ចប់ជីវិតនយោបាយរបស់លោកស្រី ស៊ូជី ពិតមែនឬទេ?

Published

on

យោងតាមជននិរទេសខ្លួនភូមាម្នាក់បាននិយាយថា ការដណ្តើមអំណាចរបស់យោធាភូមាដោយការទម្លាក់រដ្ឋាភិបាលជាប់ឆ្នោតរបស់ខ្លួនដឹកនាំដោយទីប្រឹក្សារដ្ឋលោកស្រី អ៊ុងសាន ស៊ូជី ប្រហែលជាចុងបញ្ចប់នៃជីវិតនយោបាយរបស់លោកស្រី ។

លោក Maung Zarni អ្នកស្រាវជ្រាវជនជាតិភូមាដែលជាអ្នកប្រឆាំង និងជាអ្នកជំនាញខាងឯកសារប្រល័យពូជសាសន៍ដែលមានមូលដ្ឋាននៅទីក្រុងឡុងដ៍បានប្រាប់ទីភ្នាក់ងារ Anadolu ថា “ខ្ញុំគិតថានេះប្រហែលជាចុងបញ្ចប់នៃអាជីពនយោបាយរបស់លោកស្រី អ៊ុងសាន ស៊ូជី” ។

លោកបន្តថា “ចាប់តាំងពីយោធាដឹងថាដរាបណាលោកស្រី ស៊ូជី ដឹកនាំគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ពួកគេមិនអាចរំពឹងថាសាធារណជនភូមានឹងបោះឆ្នោតឲ្យអ្នកតំណាងយោធានោះទេ” ។

យោធាដែលត្រូវបានគេស្គាល់ជាផ្លូវការថាកងកម្លាំង Tatmadaw បន្ទាប់ពីភាពតានតឹងកាន់តែខ្លាំងឡើងជាមួយរដ្ឋាភិបាលស៊ីវិលបានឡើងកាន់អំណាច និងបានប្រកាសដាក់ប្រទេសក្នុងអាសន្នរយៈពេលមួយឆ្នាំ ហើយបានឃុំខ្លួនប្រធានាធិបតីមីយ៉ាន់ម៉ាលោក Win Myint លោកស្រី ស៊ូជី និងឥស្សរជនដទៃទៀតនៃគណបក្សកាន់អំណាច ។

លោកស្រី ស៊ូជី បានបម្រើការជាមេដឹកនាំនៃប្រទេសមីយ៉ាន់ម៉ាពីឆ្នាំ ២០១៦ ដល់ឆ្នាំ ២០២១ បន្ទាប់ពីការតស៊ូអស់រយៈពេលជាយូរមកហើយដើម្បីលទ្ធិប្រជាធិបតេយ្យនៅក្នុងប្រទេសអាស៊ីខាងត្បូងមួយនេះ ហើយបានទទួលរង្វាន់ណូបែលសន្តិភាពក្នុងឆ្នាំ ១៩៩១៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ព្រឹត្តិការណ៍សំខាន់ៗក្នុងប្រទេសមីយ៉ាន់ម៉ា ស្ថិតក្រោមការគ្រប់គ្រងរបស់យោធា

ចុចអាន ៖ ពលករចំណាកស្រុកមីយ៉ាន់ម៉ានៅថៃ ធ្វើបាតុកម្មប្រឆាំងរដ្ឋប្រហារក្នុងប្រទេសកំណើត

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services