ព័ត៌មានអន្ដរជាតិ

មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ

បានផុស

៣ years មុន

នៅ

ថ្ងៃចន្ទ ១១ កញ្ញា ២០២៣

ដោយ

មេទ័ពអាមេរិកនិយាយថា ការប្រយុទ្ធរបស់អ៊ុយក្រែនលើប្រទេសរុស្ស៊ីនៅសល់ពេលត្រឹម ៣០ ថ្ងៃទៀតប៉ុណ្ណោះ មុនពេលអាកាសធាតុរារាំងការវាយបករបស់ខ្លួន ។

ថ្លែងទៅកាន់ទូរទស្សន៍ BBC ជាមួយកម្មវិធី Laura Kuenssberg កាលពីថ្ងៃអាទិត្យទី១០ខែកញ្ញា ឧត្តមសេនីយ៍ Mark Milley និយាយថា លក្ខខណ្ឌអាកាសធាតុត្រជាក់ នឹងធ្វើឲ្យអ៊ុយក្រែនកាន់តែពិបាកក្នុងការគ្រប់គ្រង ក៏ដូចជាការវាយបកលលើរុស្ស៊ី ។

ស្របពេលជាមួយគ្នានោះដែរ លោកទទួលស្គាល់ថា ការវាយលុកគឺពិតជាដំណើរការយឺតជាងការរំពឹងទុកមែន ប៉ុន្តែគូសបញ្ជាក់ថា នៅតែមានការប្រយុទ្ធគ្នាយ៉ាងខ្លាំងក្លា។

លោក Milley លើកឡើងថា វាលឿនពេកដែលត្រូវនិយាយថាតើ ការវាយបកទៅរុស្ស៊ី ទទួលបរាជ័យមែនឬអត់ ប៉ុន្តែអ៊ុយក្រែន កំពុងរុលចូលក្នុងល្បឿនមួយដ៏គួរឲ្យកត់សម្គាល់ នៅតាមខ្សែត្រៀមជួរមុខរបស់រុស្ស៊ី។

លោកបន្តថា “នៅមានពេលវេលាដ៏សមរម្យមួយ ប្រហែលជា ៣០ ទៅ ៤៥ ថ្ងៃទៀត ។ បើអាកាសធាតុត្រជាក់ចូលមកដល់ នោះអ៊ុយក្រែនប្រហែលពិបាកហើយ ។ ពួកគេមិនទាន់បញ្ចប់ការប្រយុទ្ធ លើអ្វីដែលពួកគេកំពុងព្យាយាមឲ្យបានសម្រេចនោះទេ”។

គួរបញ្ជាក់ជាថ្មី មកទល់ពេលនេះ ការវាយលុកតបតរបស់ទីក្រុងកៀវ ដែលបានចាប់ផ្តើមក្នុងរដូវក្តៅ ហើយមានគោលបំណងរំដោះទឹកដីដែលកាន់កាប់ដោយរុស្ស៊ីក្នុងប្រទេសអ៊ុយក្រែនមកវិញនោះ គឺមិនទទួលបានលទ្ធផលជាដុំកំភួនអ្វីឡើយ ។ ប៉ុន្តែទោះជាយ៉ាងណា មេទ័ពអ៊ុយក្រែនអះអាងថា ពួកគេបានវាយបំបែកខែការពារជួរមុខដ៏រឹងមាំរបស់រុស្ស៊ីនៅភាគខាងត្បូង រួចទៅហើយ៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ុយក្រែន ប្រកាសបិទព្រំដែន មិនឲ្យស្រ្តីដែលចុះឈ្មោះចូលបម្រើកងទ័ព ចាកចេញពីប្រទេស