ព័ត៌មានអន្ដរជាតិ
ហេតុអ្វីនាយករដ្ឋមន្ត្រីថៃច្រើនរូប ខ្លាចរអា មិនហ៊ានស្នាក់នៅភូមិគ្រឹះប្រណិតរបស់រដ្ឋាភិបាល?
Baan Phitsanulok ជាភូមិគ្រឹះដ៏ប្រណីតរបស់នាយករដ្ឋមន្ត្រី និងជាកន្លែងស្នាក់នៅសម្រាប់ភ្ញៀវសំខាន់ៗរបស់រដ្ឋាភិបាលថៃ។ ស្ថាបត្យកម្មមួយនេះរចនាតាមគំរូ Venetian Gothic និងសាងសង់ដោយស្ថាបត្យករជនជាតិអ៊ីតាលី Mario Tamagno ។
វាមានទីតាំងនៅផ្លូវ Phitsanulok ក្នុងទីក្រុងបាងកក ដោយសាងសង់ក្នុងរជ្ជកាលព្រះបាទរាមាទី៦ និងប្រគល់ជូន ឧត្តមសេនីយឯក Phraya Phahonphonphayuhasena។ ប៉ុន្តែហេតុអ្វីបានជាវិមានមួយនេះ ក្លាយជាកន្លែងភ័យខ្លាចសម្រាប់នាយករដ្ឋមន្ត្រីតាំងលំនៅ ក្រោយជាប់ឆ្នោតទៅវិញ?
តាមពិតភូមិគ្រឹះមួយនេះបានបោះបង់ចោលច្រើនដងហើយ ដោយសារតែវាប្ដូរពីម្ចាស់មួយទៅម្ចាស់មួយទៀត។ក្រោយមក វាត្រូវបានគេកំណត់ជាលំនៅឋានរបស់នាយករដ្ឋមន្ត្រីក្នុងឆ្នាំ ១៩៧៩ នាសម័យលោកឧត្ដមសេនីយ៍ Kriangsak Chomanan។
ចាប់តាំងពីពេលនោះមក ភូមិគ្រឹះរបស់ Phitsanulok ក៏ក្លាយជាផ្ទះខ្មោចដែលនាយករដ្ឋមន្ត្រីជាច្រើនខ្លាចដែរ។ នាយករដ្ឋមន្ត្រីជាច្រើនដែលបានស្នាក់នៅផ្ទះនេះ បានជួបប្រទះនូវហេតុការណ៍ចម្លែកៗជាច្រើន ដូចជាឮសំឡេងមនុស្សដើរ ឬសំឡេងទ្វារបើក និងបិទនៅពេលយប់ ព្រមទាំងបានឃើញស្រមោលមនុស្សដើរកាត់បង្អួច។ ជួនពេលខ្លះទៀត ឃើញនារីវ័យក្មេងស្លៀកសំលៀកបំពាក់ប្រពៃណីក៏មានដែរ។
នាយករដ្ឋមន្ត្រីដែលជួបប្រទះរឿងអាថ៌កំបាំងបំផុត គឺនាយឧត្តមសេនីយ៍ Prem Tinsulanonda ជានាយករដ្ឋមន្ត្រីទី១៦ ហើយគេនិយាយថា លោកបានស្នាក់នៅផ្ទះនេះតែ៧ថ្ងៃប៉ុណ្ណោះ រួចផ្លាស់ទៅស្នាក់នៅកន្លែងផ្សេងភ្លាមៗ។ ដោយសារតែគាត់មិនអាចទ្រាំទ្រនឹងព្រឹត្តិការណ៍ដ៏អាថ៌កំបាំង ដែលលោកបានជួបប្រទះគឺការឮសំឡេងមនុស្សដើរ ឬសំឡេងទ្វារបើក និងបិទនៅពេលយប់ ឬឃើញស្រមោលមនុស្សដើរកាត់បង្អួច។
នៅសម័យនាយករដ្ឋមន្ត្រីផ្សេងទៀត មានរឿងអាថ៌កំបាំងនៅក្នុងផ្ទះបានកើតឡើងជាបន្តបន្ទាប់ ជាឧទាហរណ៍ ក្នុងសម័យលោក Chuan Leekpai គេនិយាយថា ធ្លាប់ឮសំឡេងសេះស្រែកនៅពេលយប់។ ចំណែកសម័យលោក ថាក់ស៊ីន ស៊ីណាវ៉ាត្រា គេថានារីវ័យក្មេងស្លៀកសំលៀកបំពាក់ប្រពៃណីបង្ហាញខ្លួនទាំងយប់។
បច្ចុប្បន្ននេះ ភូមិគ្រឹះ Baan Phitsanulok នៅតែជាផ្ទះសំណាក់របស់នាយករដ្ឋមន្ត្រីថៃដដែល។ ប៉ុន្តែនាយករដ្ឋមន្ត្រីជាច្រើនគេចមិនស្នាក់នៅផ្ទះនេះទេ។ ដោយសារតែពួកគេខ្លាចហេតុការណ៍អាថ៌កំបាំងដែលគេប្រាប់ ដូច្នេះហើយ ទើបធ្វើឲ្យវិមាននេះក្លាយជាផ្ទះខ្មោច ដែលគ្មាននរណាម្នាក់ហ៊ានស្នាក់នៅ។
ទោះយ៉ាងនេះក្ដី លំនៅឋាននេះត្រូវបានគេប្រើជាកន្លែងជួបជុំក្រុមការងាររបស់នាយករដ្ឋមន្ត្រីជាច្រើន។ ក្នុងសម័យលោកឧត្តមសេនីយ Chatchai Choonhavan ដែលបានប្រើប្រាស់ផ្ទះនេះជាកន្លែងប្រជុំសម្រាប់ក្រុមសេដ្ឋកិច្ច។ ស្របពេលដែលកាលពីពេលថ្មីៗលោក សេតថា បានប្រើភូមិគ្រឹះដើម្បីពិភាក្សាបញ្ហារបស់រដ្ឋាភិបាលជាមួយក្រុមមន្រ្តីប៉ូលិស និងអគ្គលេខាធិការនៃនាយករដ្ឋមន្រ្តីប៉ុន្តែលោកមិនបានស្នាក់នៅផ្ទះមួយនេះទេ៕
ប្រែសម្រួល៖ សាង ស្រីល័ក្ខ
ចុចអាន៖លោក ភិថា ស្ថិតក្នុងបញ្ជីអ្នកមានឥទ្ធិពលទាំង ១០០ នាក់របស់ពិភពលោក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង