ព័ត៌មានអន្ដរជាតិ

លោក ភិថា ស្ថិតក្នុងបញ្ជីអ្នកមានឥទ្ធិពលទាំង ១០០ នាក់របស់ពិភពលោក

បានផុស

២ ខែ មុន

នៅ

ថ្ងៃព្រហស្បតិ៍ ១៤ កញ្ញា ២០២៣

ដោយ

ទស្សនាវដ្ដី Time លាតត្រដាងឈ្មោះអ្នកមានឥទ្ធិពលទាំង១០០នាក់នាពេលអនាគត ខណៈដែល Times 100 Next ចែកចេញជា៥ប្រភេទគឺ សិល្បករ, អ្នកមានភោគទ្រព្យ, អ្នកច្នៃប្រឌិត, កីឡាករ, អ្នកដឹកនាំ និងអ្នកតស៊ូមតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះដែរ ឈ្មោះរបស់លោក Pita Limjaroenrat មេដឹកនាំគណបក្សចលនាឆ្ពោះទៅមុខ ត្រូវបានគេចុះក្នុងបញ្ជីឈ្មោះមួយក្នុងចំណោមឈ្មោះទាំង ១០០ នៅក្នុងបញ្ជី Times 100 Next ដែល Pitha ត្រូវបានជ្រើសរើសឲ្យស្ថិតក្នុងប្រភេទមេដឹកនាំកំពូលៗ(Leaders)។

ទស្សនាវដ្ដី Time បានលើកឡើងពីលោកថា “តើអ្វីដែលគួរឲ្យកត់សម្គាល់ជាងការឈ្នះឆ្នោតរបស់ Pitha Limcharoenrat? គឺជាការប៉ុនប៉ងដើម្បីសម្រេចបាននូវគោលដៅរបស់គណបក្សចលនាឆ្ពោះទៅមុខ នៃនិស្សិតបញ្ចប់ការសិក្សានៅសកលវិទ្យាល័យ Harvard ដោយទទួលបាន ៣៨% នៃសន្លឹកឆ្នោតនៅក្នុងការបោះឆ្នោតរបស់ប្រទេសថៃនៅថ្ងៃទី ១៤ ខែឧសភា កន្លងទៅ។ ប៉ុន្តែផ្លូវទៅកាន់អំណាចរបស់ Pitha ត្រូវបានរារាំងដោយព្រឹទ្ធសភាដែលមិនជាប់ឆ្នោត និងឧបសគ្គផ្លូវច្បាប់ជាច្រើន។

ទោះយ៉ាងណាក៏ដោយ លោក Pitha ធ្លាប់មានប្រសាសន៍ទៅកាន់អ្នកគាំទ្របក្សថា “ខ្ញុំមានមោទនភាពចំពោះសមិទ្ធិផលរបស់យើង។ យើងអាចធ្វើបន្ថែមទៀតដើម្បីផ្ដល់ការត្រួតពិនិត្យ និងតុល្យភាពនៅក្នុងសភា ក៏ដូចជាសំឡេងសម្រាប់ប្រជាជននាថ្ងៃខាងមុខ”។

យ៉ាងណាមិញ ត្បិតថាលោកភិថាមិនបានក្លាយជានាយករដ្ធមន្រ្តីទី៣០របស់ប្រទេសថៃក្ដី ប៉ុន្តែកេរ្តិ៍ឈ្មោះរបស់លោកត្រូវបានគេកត់ចំណាំទុក ដោយសារតែភាពជាអ្នកដឹកនាំរបស់លោកកាលកន្លងមក ក្នុងនាមជាបុរសវ័យក្មេង និងជាអតីតនិស្សិតមួយរូបផងដែរ៕