ប្រមុខណាតូ ព្រមានឲ្យលោកខាងលិច ត្រៀមខ្លួនសម្រាប់សង្រ្គាមរយៈពេលវែង

កាលពីថ្ងៃអាទិត្យទី១៧ខែកញ្ញា អគ្គលេខាធិការអង្គការណាតូលោក Jens Stoltenberg បានប្រកាសថា ប្រទេសលោកខាងលិច ត្រូវតែត្រៀមខ្លួនសម្រាប់សង្រ្គាមរយៈពេលវែង នៅអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើអះអាងពីការចង់បានសន្តិភាពក្នុងពេលឆាប់រហ័សនៅប្រទេសអ៊ុយក្រែនក៏ដោយ ប៉ុន្តែលោក Stoltenberg បានទទូចថា គាត់នៅតែគាំទ្រគោលដៅរបស់ប្រធានាធិបតី Vladimir Zelensky នៃជ័យជម្នះយោធាលើប្រទេសរុស្ស៊ី។

លោក Stoltenberg បាននិយាយក្នុងបទសម្ភាសន៍ជាមួយក្រុមប្រព័ន្ធផ្សព្វផ្សាយ Funke របស់ប្រទេសអាល្លឺម៉ង់ថា “សង្រ្គាមភាគច្រើនមានរយៈពេលយូរជាងការរំពឹងទុក។ ដូច្នេះ យើង​ត្រូវ​តែ​រៀបចំ​ខ្លួន​យើង​សម្រាប់​សង្រ្គាម​ដ៏​យូរ​នៅ​អ៊ុយក្រែន”។

លោក Stoltenberg និយាយថា “យើងទាំងអស់គ្នាប្រាថ្នាចង់បានសន្តិភាពឆាប់រហ័ស ប៉ុន្តែក្នុងពេលតែមួយ យើងត្រូវទទួលស្គាល់ថា ប្រសិនបើលោក Zelensky និងអ៊ុយក្រែនឈប់ប្រយុទ្ធ ប្រទេសរបស់ពួកគេនឹងបាត់ខ្លួន។ ប្រសិន​បើលោក​ពូទីន និង​រុស្ស៊ី​ដាក់​អាវុធ​ចុះ យើង​នឹង​មាន​សន្តិភាព”។

យោងតាមរបាយការណ៍ក្នុងរយៈពេលពីរខែចុងក្រោយនេះ មន្ត្រីលោកខាងលិច និងអ្នករៀបចំផែនការយោធាបានទទួលស្គាល់ថា ការវាយលុកដែលកំពុងបន្តរបស់អ៊ុយក្រែន ប្រឆាំងនឹងកងកម្លាំងរុស្ស៊ីទំនងជាមិនជោគជ័យឡើយ។

យោងតាមប្រធានាធិបតីរុស្ស៊ី លោក វ្ល៉ាឌីមៀរ ពូទីន, អ៊ុយក្រែន បានបាត់បង់ទាហានរហូតដល់ ៧១០០០ នាក់ ចាប់តាំងពីការវាយបកបានចាប់ផ្តើមនៅក្នុងខែមិថុនា៕

ប្រែសម្រួល៖ Vann Vann

ប្រភព៖ RT

ចុចអាន៖ មន្ត្រីជាន់ខ្ពស់ ណាតូ ចេញមុខសុំទោស ក្រោយប្រាប់អ៊ុយក្រែន កាត់ដីឲ្យរុស្ស៊ីដើម្បីសន្តិភាព