ព័ត៌មានអន្ដរជាតិ
ឥណ្ឌានិងកាណាដា តឹងសរសៃ.ក ដាក់គ្នា ពាក់ព័ន្ធការស្លាប់ មេដឹកនាំចលនាបំបែកខ្លួន
រដ្ឋាភិបាលទីក្រុងញូវដែលីនៅថ្ងៃអង្គារទី១៩ខែកញ្ញា បានច្រានចោលការចោទប្រកាន់មិនសមហេតុផល របស់រដ្ឋាភិបាលកាណាដាដែលថា ភ្នាក់ងារឥណ្ឌា មានជាប់ពាក់ព័ន្ធក្នុងការសម្លាប់មេដឹកនាំចលនាបំបែកខ្លួន Khalistan លោក Hardeep Singh Nijjar ដែលជាពលរដ្ឋកាណាដា។
លោក Nijjar ដែលជាអ្នកគាំទ្រប្តូរផ្តាច់ចំពោះចលនា Khalistan ស្វែងរកឯករាជ្យនៅក្នុងតំបន់ Punjab នៃប្រទេសឥណ្ឌា ត្រូវបានគេបាញ់កាលពីថ្ងៃទី១៨ខែមិថុនា នៅខាងក្រៅមជ្ឈមណ្ឌលវប្បធម៌ Sikh ក្នុងទីក្រុង Surrey នៃខេត្ត British Columbia។
ការបដិសេធនេះកើតឡើង បន្ទាប់ពីរដ្ឋាភិបាលកាណាដា សម្រេចបណ្តេញអ្នកការទូតជាន់ខ្ពស់ឥណ្ឌាម្នាក់កាលពីថ្ងៃចន្ទ ខណៈទីក្រុងអូតាវ៉ាកំពុងស៊ើបអង្កេតលើអ្វីដែលលោកនាយករដ្ឋមន្ត្រី Justin Trudeau ចាត់ទុកជារឿងគួរឲ្យជឿជាក់ដែលថា រដ្ឋាភិបាលឥណ្ឌាអាចមានទំនាក់ទំនងជាមួយការសម្លាប់សកម្មជន Khalistani។
លោក Trudeau បានថ្លែងសុន្ទរកថាបន្ទាន់មួយទៅកាន់សមាជិកសភា នៅរសៀលថ្ងៃចន្ទទី១៨ខែកញ្ញា ដោយជូនដំណឹងដល់ពួកគេថា ភ្នាក់ងារសន្តិសុខកាណាដា បាននិងកំពុងបន្តពិនិត្យការចោទប្រកាន់ដ៏គួរឲ្យជឿជាក់ នៃទំនាក់ទំនងរវាងភ្នាក់ងាររបស់រដ្ឋាភិបាលឥណ្ឌា និងការសម្លាប់លោក Nijjar នៅលើទឹកដីកាណាដា។
ទោះបីជាយ៉ាងណាក៏ដោយ ជាការឆ្លើយតប ក្រសួងការបរទេសឥណ្ឌាបានចេញសេចក្តីថ្លែងការណ៍មួយថា “ការចោទប្រកាន់អំពីការជាប់ពាក់ព័ន្ធរបស់រដ្ឋាភិបាលឥណ្ឌា ក្នុងអំពើហិង្សាណាមួយនៅប្រទេសកាណាដា គឺជារឿងមិនសមហេតុផលទាល់តែសោះ និងមានរឿងនៅពីក្រោយខ្នង។ ការចោទប្រកាន់មិនច្បាស់លាស់បែបនេះ គ្រាន់តែជាការព្យាយាមបង្វែរចំណាប់អារម្មណ៍ពីក្រុមភេរវករ Khalistani និងពួកជ្រុលនិយម ដែលត្រូវបានផ្តល់ជម្រកនៅក្នុងប្រទេសកាណាដា និងបន្តគំរាមកំហែងដល់អធិបតេយ្យ និងបូរណភាពទឹកដីរបស់ប្រទេសឥណ្ឌាប៉ុណ្ណោះ។ ភាពអសកម្មរបស់រដ្ឋាភិបាលកាណាដាលើបញ្ហានេះ គឺជាក្តីព្រួយបារម្ភជាយូរមកហើយ”។
សូមបញ្ជាក់ថា កាលពីព្រឹកថ្ងៃចន្ទ រដ្ឋមន្ត្រីការបរទេសកាណាដា លោកស្រី Melanie Joly បានប្រកាសបណ្តេញប្រមុខចារកម្មឥណ្ឌា នៅក្នុងប្រទេសកាណាដា ដោយសារតែការចោទប្រកាន់ថា ឥណ្ឌាមានជាប់ពាក់ព័ន្ធក្នុងការវាយប្រហារនោះ ។ លោកស្រីនិយាយថា “ប្រសិនបើរឿងនេះពិតមែននោះ វានឹងក្លាយជាការរំលោភលើអធិបតេយ្យរបស់យើង”៕
ប្រែសម្រួល៖ Vann Vann
ប្រភព៖ RT
ចុចអាន៖ កាណាដា គំរាមពិន័យហាងផ្គត់ផ្គង់គ្រឿងទេសណា ដែលលក់ថ្លៃជ្រុល មិនគិតដល់ប្រជាជន
ក្រសួងវប្បធម៌ បើកវគ្គបណ្តុះបណ្តាល គរុកោសល្យ វិធីសាស្រ្តបង្រៀន និងគ្រប់គ្រងថ្នាក់រៀន
បញ្ជាក់បន្ថែមជុំវិញករណីសិស្សជួយចេញទឹកភ្លើង ២ ម៉ឺនរៀលនៅវិទ្យាល័យទួលទំពូង
៣វិធី រកប្រាក់ចំណូលបន្ថែមតាមអ៊ីនធឺណិតយ៉ាងងាយស្រួល
ពន្ធដារ ព្រមានម្ចាស់អចលនទ្រព្យប្រកាសបង់ពន្ធឱ្យទាន់ពេល ជៀសវាងរងនូវទណ្ឌកម្មរដ្ឋបាល
ឥណ្ឌាគាំទ្រអាជ្ញាធរមីនលើការអនុវត្ត “គម្រោងភូមិអស់មីននៅខេត្តកោះកុង”
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ១ សប្តាហ៍ មុន៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានជាតិ៦ ថ្ងៃ មុនលោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
សន្តិសុខសង្គម៤ ថ្ងៃ មុនបងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ១ សប្តាហ៍ មុនថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានអន្ដរជាតិ១ ថ្ងៃ មុនហេតុផល ៥យ៉ាង ដែលព្រលានយន្តហោះឡាវ មិនមានជើងហោះហើរត្រង់ទៅកាន់អឺរ៉ុប
-
ព័ត៌មានអន្ដរជាតិ៤ ថ្ងៃ មុនតើពិតជាមានមនុស្សក្រៅភពមែនឬ? ពេលនេះ អង្គការ NASA បញ្ចេញរបាយការណ៍ហើយ
-
សន្តិសុខសង្គម៥ ថ្ងៃ មុនអគ្គិភ័យឆេះផ្ទះតារាចម្រៀងលោក ណូយ វ៉ាន់ណេត ខូចខាតសម្ភារៈមួយចំនួន
-
ព័ត៌មានជាតិ៧ ថ្ងៃ មុនតើកូនៗលោក ឱម យ៉ិនទៀង កំពុងកាន់តួនាទីនៅស្ថាប័នណាខ្លះ?