ព័ត៌មានអន្ដរជាតិ
ហ្វេសប៊ុកលុបផេកដែលទាក់ទងនឹងទូរទស្សន៍យោធាមីយ៉ាន់ម៉ា បន្ទាប់ពីរដ្ឋប្រហារ
ហ្វេសប៊ុកបាននិយាយកាលពីថ្ងៃអង្គារថា ខ្លួនបានលុបផេកមួយដែលភ្ជាប់ទៅនឹងបណ្តាញទូរទស្សន៍ដែលគ្រប់គ្រងដោយយោធារបស់ប្រទេសមីយ៉ាន់ម៉ា បន្ទាប់ពីរដ្ឋប្រហារនៅដើមសប្តាហ៍នេះដោយមេដឹកនាំយោធារបស់ប្រទេស ។
អ្នកស៊ើបអង្កេតសិទ្ធិមនុស្សរបស់អង្គការសហប្រជាជាតិ (UN) កាលពីពេលកន្លងមកបាននិយាយថា ការនិយាយស្អប់ខ្ពើមនៅលើហ្វេសប៊ុកបានដើរតួនាទីយ៉ាងសំខាន់ក្នុងការបង្កអំពើហិង្សានៅប្រទេសមីយ៉ាន់ម៉ា ខណៈវេទិកាមួយនេះក៏បានហាមឃាត់បណ្តាញទូរទស្សន៍យោធានៅឆ្នាំ ២០១៨ ផងដែរ ។
យោងតាមអ្នកនាំពាក្យហ្វេសប៊ុកបានឲ្យដឹងថា ហ្វេសប៊ុកកំពុងចាត់ទុកស្ថានភាពរបស់ប្រទេសនេះថាស្ថិក្នុងភាពអាសន្ន និងចាត់វិធានការបណ្តោះអាសន្នដើម្បីការពារប្រឆាំងនឹងគ្រោះថ្នាក់ដូចជាការលុបមាតិកាដែលសរសើរ ឬគាំទ្ររដ្ឋប្រហារ ។
ពាក់កណ្តាលនៃប្រជាជនមីយ៉ាន់ម៉ាចំនួន ៥៣ លាននាក់ប្រើប្រាស់ហ្វេសប៊ុក ។ ក្រសួងព័ត៌មានបាននិយាយកាលពីថ្ងៃអង្គារ មួយថ្ងៃបន្ទាប់ពីកងទ័ពបានដណ្តើមអំណាចនៅក្នុងរដ្ឋប្រហារមួយថា យោធាបានព្រមានប្រឆាំងនឹងការបង្ហោះនូវអ្វីដែលខ្លួនបាននិយាយគឺជាពាក្យចចាមអារាម នៅលើបណ្តាញសង្គមដែលអាចញុះញង់ឲ្យមានកុបកម្ម និងបង្កអស្ថិរភាព ។
ហ្វេសប៊ុកបាននិយាយថា ខ្លួនបានហាមឃាត់បុគ្គល និងអង្គការយោធារបស់មីយ៉ាន់ម៉ាចំនួន ២០ នាក់នៅក្នុងឆ្នាំ ២០១៨ រួមមានបណ្តាញទូរទស្សន៍ Myawaddy និងមេដឹកនាំរដ្ឋប្រហារលោក Min Aung Hlaing ។ កាសែត Wall Street Journal ដែលបានរាយការណ៍ជាលើកដំបូងអំពីការដកទំព័រដែលភ្ជាប់នឹងបណ្តាញទូរទស្សន៍បាននិយាយថា សកម្មភាពនេះត្រូវបានធ្វើឡើង បន្ទាប់ពីកាសែត Wall Street Journal បានសួរហ្វេសប៊ុកអំពីផេកនេះ ។
អ្នកនាំពាក្យហ្វេសប៊ុកបាននិយាយថា ខ្លួនក៏កំពុងដកព័ត៌មានមិនពិតដែលអាចប្រថុយប្រថាននឹងអំពើហិង្សាដែលអាចកើតមាន ឬប៉ះពាល់ដល់ស្ថាប័ន ឬដែលធ្វើឲ្យលទ្ធផលនៃការបោះឆ្នោតទូទៅកាលពីខែវិច្ឆិកាឆ្នាំ ២០២០ រួមទាំងការអះអាងពីការលួចបន្លំសន្លឹកឆ្នោតជាដើម ។
គួររម្លឹកសាជាថ្មីថា កាលពីថ្ងៃចន្ទកងទ័ពមីយ៉ាន់ម៉ាបានប្រគល់អំណាចដល់លោកឧត្តមសេនីយ Min Aung Hlaing ហើយបានចាប់ឃុំខ្លួនមេដឹកនាំជាប់ឆ្នោត និងម្ចាស់ពានរង្វាន់ណូបែលសន្តិភាពលោកស្រី អ៊ុងសាន ស៊ូជី និងឥស្សរជនជាន់ខ្ពស់របស់គណបក្ស NLD ដោយនិយាយថា ខ្លួនធ្វើបែបនេះដើម្បីឆ្លើយតបនឹងអ្វីដែលហៅថាជាការបន្លំសន្លឹកឆ្នោត ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ធ្លាយវីដេអូមួយទៀត គ្រូបង្រៀនមីយ៉ាន់ម៉ាកំពុងតែរាំមិនដឹងថា រដ្ឋប្រហារផ្ទុះឡើងនៅក្រោយខ្នង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?