អ្នកទេសចរអង់គ្លេសម្នាក់ស្លាប់ ក្រោយធ្លាក់ពីលើជណ្ដើរឡើងទៅឋានសួគ៌កម្ពស់ ៩០ ម៉ែត្រ

អ្នកទេសចរជនជាតិអង់គ្លេសអាយុ ៤២ ឆ្នាំម្នាក់បានស្លាប់ ក្រោយធ្លាក់ពីលើកាំជណ្ដើរកម្ពស់ ៩០ ម៉ែត្រ ដែលគេហៅថា “ជណ្តើរទៅកាន់ឋានសួគ៌” ក្នុងប្រទេស អូទ្រីស ។

បុរសអាយុ ៤២ ឆ្នាំរូបនេះ ឡើងតែម្នាក់ឯងប៉ុណ្ណោះ នៅពេលដែលគាត់រអិលធ្លាក់ចូលទៅក្នុងជ្រលងភ្នំខាងក្រោមកាលពីថ្ងៃទី១២ ខែកញ្ញា។

មន្ត្រីប៉ូលិស និងឧទ្ធម្ភាគចក្រជួយសង្គ្រោះពីរគ្រឿងត្រូវបានបញ្ជូនទៅកាន់ទីតាំងដើម្បីជួយសង្គ្រោះគាត់ ។ ទោះ​ជា​យ៉ាង​ណា បុរស​នោះ​មិន​​ត្រូវ​បាន​គេ​សង្គ្រោះ​ទេ ប៉ុន្តែសាកសពរបស់គាត់ត្រូវបានរកឃើញដោយអ្នកជួយសង្គ្រោះ ។

សូមរំលឹកថា ការឡើងភ្នំគឺ “សម្រាប់តែអ្នកឡើងភ្នំដែលមានបទពិសោធន៍ប៉ុណ្ណោះ” ហើយគួរតែពិនិត្យមើលលក្ខខណ្ឌអាកាសធាតុ និងខ្យល់មុនធ្វើដំណើរ ។ វាត្រូវបានគេរៀបរាប់ថាពិបាក និងមិនណែនាំឲ្យអ្នកឡើងភ្នំដំបូងទៅឡើយ ៕

ប្រែសម្រួល៖ វារី

ប្រភព៖ indiatoday

ចុចអាន៖ អ្នកវិទ្យាសាស្ត្រអាមេរិក ជាប់នៅក្រោមដីប្រហែល ១ គីឡូម៉ែត្រ ដោយសារជំងឺ