អ៊ុយក្រែន​ វាយប្រហារមីស៊ីលនៅគ្រីមៀ ចំពេលមេទ័ពជើងទឹករុស្ស៊ី កំពុងប្រជុំ

អ៊ុយក្រែននិយាយថា ការវាយប្រហារដោយមីស៊ីលកាលពីថ្ងៃសុក្រ លើទីស្នាក់ការកណ្តាលនៃកងនាវាសមុទ្រខ្មៅរបស់រុស្ស៊ីក្នុងតំបន់គ្រីមៀ គឺត្រូវចំពេលដែលមន្ត្រីកងទ័ពជើងទឹក កំពុងប្រជុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងនាវាដែលមានមូលដ្ឋាននៅទីក្រុងកំពង់ផែ Sevastopol ត្រូវបានគេមើលឃើញថា ជាកងទ័ពជើងទឹកល្អបំផុតរបស់រុស្ស៊ី។

នៅក្នុងសេចក្តីថ្លែងការណ៍ខ្លីមួយ យោធាអ៊ុយក្រែនអះអាងថា ការវាយប្រហារនោះ បានបណ្តាលឲ្យមនុស្សស្លាប់ និងរបួស ប៉ុន្តែមិនផ្តល់ព័ត៌មានលម្អិតបន្ថែមទេ ខណៈប្រភពពីយោធាអ៊ុយក្រែនបានប្រាប់ BBC ថា ការវាយប្រហារគឺប្រើមីស៊ីល Storm Shadow ដែលផ្គត់ផ្គង់ដោយចក្រភពអង់គ្លេស និងបារាំង។

ក្រោយមក សេចក្តីថ្លែងការណ៍យោធាអ៊ុយក្រែន និយាយថា មីស៊ីលបានសម្លាប់និងបង្ករបួសដល់កងទ័ពរាប់សិបនាក់ រួមទាំងមេបញ្ជាការកងទ័ពជើងទឹកផងដែរ។

យ៉ាងណាក្តី ភាគីរុស្ស៊ី អះអាងថា មានទាហានតែម្នាក់ប៉ុណ្ណោះដែលបាត់ខ្លួន ក្នុងការវាយប្រហារនេះ។

គួរបញ្ជាក់ជាថ្មី ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចាប់ផ្តើមការលុកលុយពេញប្រទេសអ៊ុយក្រែននៅខែកុម្ភៈឆ្នាំ២០២២ ដែលបង្កឲ្យមានការថ្កោលទោសយ៉ាងខ្លាំងពីសំណាក់អន្តរជាតិ៕

ប្រែសម្រួល៖  Vann Vann

ប្រភព៖ BBC

ចុចអាន៖ អាមេរិក ប្រកាសកញ្ចប់ជំនួយយោធាថ្មី តម្លៃ១២៨លានដុល្លារ សម្រាប់អ៊ុយក្រែន