ព័ត៌មានអន្ដរជាតិ
ម្ចាស់ជំនួយធំជាងគេ ដែលជួយដល់ អ៊ុយក្រែន មិនមែនជា អាមេរិក ទេ
ចាប់តាំងពីរុស្ស៊ីបើកការវាយលុក អ៊ុយក្រែននៅខែកុម្ភៈឆ្នាំ២០២២មក សម្ព័ន្ធមិត្តរបស់ទីក្រុងកៀវ បានសន្យាផ្តល់ជំនួយផ្នែកយោធានិងមនុស្សធម៌ មានតម្លៃរាប់ពាន់លានដុល្លារ ដើម្បីជួយកងកម្លាំងប្រដាប់អាវុធអ៊ុយក្រែន ក្នុងការប្រយុទ្ធប្រឆាំងនឹងរុស្ស៊ី។
ប៉ុន្តែនៅពេលសង្រ្គាមអូសបន្លាយចូលដល់ខែទី១៩ លោកប្រធានាធិបតី Volodymyr Zelensky ហាក់ដូចជាកំពុងប្រឈមមុខនឹងការតស៊ូដ៏លំបាកមួយ ពោលគឺត្រូវបញ្ចុះបញ្ចូលទាំងប្រទេសជិតខាង និងសម្ព័ន្ធមិត្តលោកខាងលិច ឲ្យគាំទ្រខ្លួន។
សំណើចុងក្រោយរបស់រដ្ឋបាលលោក Joe Biden សម្រាប់កញ្ចប់ជំនួយថ្មី ក្នុងទំហំទឹកប្រាក់២៤ពាន់លានដុល្លារ បានបង្កឲ្យមានការជជែកវែកញែកយ៉ាងក្តៅគគុក នៅក្នុងសភាអាមេរិក។
អ្នកសាធារណរដ្ឋមួយចំនួននិយាយថា ប្រាក់គួរតែយកទៅចំណាយលើការបង្កើនសន្តិសុខ នៅតាមព្រំដែនអាមេរិកល្អជាង ខណៈមានក្តីបារម្ភអំពីអំពើពុករលួយក្នុងប្រទេស អ៊ុយក្រែន។
ទន្ទឹមនោះ នាយករដ្ឋមន្ត្រីប៉ូឡូញ លោក Mateusz Morawiecki បាននិយាយថា ប្រទេសរបស់លោក នឹងលែងជួយអាវុធដល់អ៊ុយក្រែនទៀតហើយ ចំពេលមានជម្លោះជុំវិញបម្រាមរបស់ប៉ូឡូញ លើការនាំចូលគ្រាប់ធញ្ញជាតិអ៊ុយក្រែន ដើម្បីការពារផលប្រយោជន៍របស់កសិករខ្លួន។
ខាងក្រោមគឺជាម្ចាស់ជំនួយទាំង១០ ដែលជួយដល់អ៊ុយក្រែន បូកទាំងជំនួយយោធា ហិរញ្ញវត្ថុនិងមនុស្សធម៌ គិតត្រឹមថ្ងៃទី៣១ខែកក្កដា ឆ្នាំ២០២៣៖
- សហភាពអឺរ៉ុប៖ ៨៤.៨ ពាន់លានដុល្លារ
- សហរដ្ឋអាមេរិក៖ ៦៩.៥ ពាន់លានដុល្លារ
- អាល្លឺម៉ង់៖ ២០.៩ ពាន់លានដុល្លារ
- ចក្រភពអង់គ្លេស៖ ១៣.៨ ពាន់លានដុល្លារ
- ន័រវែស៖ ៧.៤ ពាន់លានដុល្លារ
- ជប៉ុន៖ ៦.៥ ពាន់លានដុល្លារ
- កាណាដា៖ ៥.៤ ពាន់លានដុល្លារ
- ប៉ូឡូញ៖ ៤.៣ ពាន់លានដុល្លារ
- ហូឡង់៖ ៤.១ ពាន់លានដុល្លារ
- ដាណឺម៉ាក៖ ៣.៨ ពាន់លានដុល្លារ
ប្រែសម្រួល៖ Vann Vann
ប្រភព៖ Daily Mail
ចុចអាន៖ អាមេរិក ប្រកាសកញ្ចប់ជំនួយយោធាថ្មី តម្លៃ១២៨លានដុល្លារ សម្រាប់អ៊ុយក្រែន
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានអន្ដរជាតិ១ សប្តាហ៍ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ
-
ព័ត៌មានអន្ដរជាតិ២០ ម៉ោង agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស