ចោរម្នាក់ចូលលួចចម្លាក់ព្រះពុទ្ធរបស់ ជប៉ុន តម្លៃ ១.៥ លានដុល្លារក្នុងទីក្រុង Los Angeles (មានវីដេអូ)

ចោរ​ម្នាក់​​បានចូល​ទៅ​លួចចម្លាក់ព្រះពុទ្ធ​បុរាណជប៉ុន​តម្លៃ ១.៥ លាន​ដុល្លារក្នុង​វិចិត្រសាល​សិល្បៈ​នៅទីក្រុង Los Angeles ប៉ុន្តែចោរនោះក៏ត្រូវកាមេរ៉ាសុវត្ថិភាពថតជាប់ផងដែរ ។

រូបចម្លាក់សំរឹទ្ធដែលមានទម្ងន់ ១១៣ គីឡូក្រាមត្រូវចោរអូសចេញពីវិចិត្រសាល Barakat នៅម៉ោង ៣ និង ៤៥ នាទីព្រឹកថ្ងៃទី១៨ ខែកញ្ញា ហើយចោរត្រូវចំណាយពេលប្រហែល ២៥ នាទី ទើបយកបានសម្រេច ។

ពាក់ព័ន្ធនឹងបញ្ហាខាងលើ នាយកវិចិត្រសាលលោក Paul Henderson បានឲ្យដឹងថា ចម្លាក់សំរឹទ្ធនេះមានតម្លៃជាងប្រាក់ទៅទៀត ណាមួយយើងមិនអាចលក់ចម្លាក់នេះដូចទំនិញធម្មតាបានឡើយ ដូច្នេះលោកខ្លាចតែចោរយករូបចម្លាក់ទៅរំលាយយកសំរឹទ្ធលក់ ។

មកទល់ពេលនេះគេចាប់ខ្លួនចោរមិនទាន់បាននៅឡើយទេ ហើយសម្រាប់អ្នកដែលអាចប្រគល់ចម្លាក់មកវិញដោយសុវត្ថិភាពនឹងត្រូវជូនប្រាក់រង្វាន់ជាទីគាប់ចិត្តផងដែរ ៕

ប្រែសម្រួល៖ វារី

ប្រភព៖ dailymail

ចុចអាន៖ អ្នកទេសចរម្នាក់ធ្វើឲ្យបាក់រូបចម្លាក់ណិបទូនដ៏ល្បីល្បាញក្នុងប្រទេស អ៊ីតាលី