ព័ត៌មានអន្ដរជាតិ
ប៉ូឡូញ ស្តីឲ្យ អ៊ុយក្រែន ថា ចេះដឹងគុណគេខ្លះផង!
ដោយរិះគន់សុន្ទរកថារបស់លោកប្រធានាធិបតី Zelensky នៅអង្គការសហប្រជាជាតិ, នាយករដ្ឋមន្ត្រីប៉ូឡូញ លោក Mateusz Morawiecki ស្តីបន្ទោសថា អ៊ុយក្រែន ត្រូវចេះដឹងគុណ និងមិនគួរភ្លេចប្រទេស ដែលបានជួយពួកគេបំផុតនោះទេ។
លោក Morawiecki បាននិយាយក្នុងកិច្ចប្រជុំជាមួយគណបក្សច្បាប់និងយុត្តិធម៌ (Pis) កំពុងកាន់អំណាចថា “គឺប៉ូឡូញដែលបានស្វាគមន៍ប្រជាជនអ៊ុយក្រែនរាប់លាននាក់, គឺប្រជាជនប៉ូឡូញ ដែលបានទទួលយកជនជាតិអ៊ុយក្រែន”។
នាយករដ្ឋមន្ត្រីប៉ូឡូញរូបនេះ បន្ថែមថា សុន្ទរកថារបស់ប្រធានាធិបតីអ៊ុយក្រែន លោក Volodymyr Zelensky នៅមហាសន្និបាតអង្គការសហប្រជាជាតិ (UN) គឺមិនសមរម្យទាល់តែសោះ។ កាលនោះ លោក Zelensky និយាយថា “មិត្តភក្តិអឺរ៉ុបមួយចំនួន គ្រាន់តែធ្វើពុតបង្ហាញដូចជាមានសាមគ្គីភាពនៅលើឆាកនយោបាយ ដោយបង្វែរបញ្ហាគ្រាប់ធញ្ញជាតិទៅជារឿងដ៏រំជួលចិត្តប៉ុណ្ណោះ”។
លើសពីនេះ លោក Morawiecki ក៏និយាយដែរថា អ៊ុយក្រែន អាចបែរខ្នងដាក់ប៉ូឡូញ ដើម្បីបង្កើតទំនាក់ទំនងជិតស្និទ្ធជាមួយអាល្លឺម៉ង់។ លោកព្រមានថា ទីក្រុងបែរឡាំង តែងតែចង់សហការជាមួយក្រុងមូស្គូ ជាជាងដឹកនាំបណ្តាប្រទេសនៅអឺរ៉ុបកណ្តាល ហើយថ្ងៃណាមួយអាចនឹងបោះបង់ទីក្រុងកៀវចោល ដើម្បីងាកទៅរករុស្ស៊ីវិញ។
លោក Morawiecki ថែមទាំងរំលឹកទៀតថា ក្នុងខែដំបូងពេលដែលជម្លោះនៅអ៊ុយក្រែនផ្ទុះឡើង អាល្លឺម៉ង់ ពិតជាស្ទាក់ស្ទើរក្នុងការផ្តល់អាវុធធុនធ្ងន់ដល់ទីក្រុងកៀវ។ យ៉ាងណា អាល្លឺម៉ង់ មិនបានឆ្លើយតបទៅនឹង សេចក្តីថ្លែងការណ៍របស់នាយករដ្ឋមន្ត្រីប៉ូឡូញទេ។
គួរបញ្ជាក់ថា ប៉ូឡូញ គឺជាប្រទេសមួយក្នុងចំណោមប្រទេស ដែលគាំទ្រអ៊ុយក្រែនយ៉ាងសកម្ម ពេលដែលជម្លោះចាប់ផ្តើមក្នុងខែកុម្ភៈឆ្នាំ២០២២ ប៉ុន្តែទោះបីជាយ៉ាងណាក៏ដោយ នាពេលថ្មីៗនេះ ទំនាក់ទំនងរវាងទីក្រុងវ៉ាសូវីនិងកៀវ មានភាពល្អក់កករខ្លាំង លើបញ្ហាគ្រាប់ធញ្ញជាតិ ហើយប៉ូឡូញ ក៏ឈ្លោះប្រកែកជាមួយអាល្លឺម៉ង់ផងដែរ ជុំវិញការចោទប្រកាន់ក្លែងបន្លំទិដ្ឋាការ ៕
ប្រែសម្រួល៖ Vann Vann
ប្រភព៖ VN Express
ចុចអាន៖ ប្រជាជនប៉ូឡូញ ១លាននាក់ ចេញធ្វើបាតុកម្មទ្រង់ទ្រាយធំបំផុត ក្នុងប្រវត្តិសាស្រ្តទីក្រុង វ៉ាសូវី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង