ព័ត៌មានអន្ដរជាតិ
UN សម្រេចឲ្យបញ្ជូនទ័ពទៅ ហៃទី ដើម្បីកម្ចាត់ក្រុមបងធំ
ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃចន្ទទី២ខែតុលា បានបើកភ្លើងខៀវដល់បេសកកម្មដឹកនាំដោយប្រទេសកេនយ៉ា ក្នុងគោលបំណងកម្ចាត់ក្រុមបងធំ នាំស្ថិរភាពដល់ប្រទេសហៃទី។
ការអនុម័តនេះ កើតឡើងមួយឆ្នាំ បន្ទាប់ពីមេដឹកនាំនៅក្នុងប្រទេសការាបៀនដែលរងការបំផ្លិចបំផ្លាញដោយអំពើហិង្សាមួយនេះ អង្វរករសុំជំនួយជាលើកដំបូង។
ប្រជាជាតិក្រីក្របំផុតនៅអឌ្ឍគោលខាងលិច ត្រូវរងគ្រោះ ខណៈក្រុមបងធំប្រដាប់អាវុធ ចូលកាន់កាប់ផ្នែកខ្លះនៃប្រទេស ហើយបានបង្កអំពើហិង្សាដ៏ឃោរឃៅ ហើយសេដ្ឋកិច្ចនិងប្រព័ន្ធសុខភាពសាធារណៈ ក៏ធ្លាក់ចុះផងដែរ។
តាំងពីចុងឆ្នាំ២០២២មក នាយករដ្ឋមន្ត្រីហៃទី លោក Ariel Henry និងអគ្គលេខាធិការ UN លោក Antonio Guterres បានអំពាវនាវសុំការគាំទ្រពីអន្តរជាតិ ដើម្បីគាំទ្រកងកម្លាំងប៉ូលិសដែលកំពុងប្រយុទ្ធតស៊ូ ប៉ុន្តែសហគមន៍ពិភពលោកភាគច្រើន មិនអើពើធ្វើអន្តរាគមន៍ ក្នុងប្រទេសហៃទីឡើយ។
សេចក្តីសម្រេចកាលពីថ្ងៃចន្ទ បានអនុម័តដោយសំឡេងគាំទ្រចំនួន១៣ ខណៈប្រទេសចិន និងរុស្ស៊ី អនុបវាទ។ រឿងនេះ ត្រូវបានសាទរដោយរដ្ឋមន្ត្រីការបរទេសហៃទី លោក Jean Victor Geneus ថា ជាការនាំមកនូវក្តីសង្ឃឹមដ៏ភ្លឺស្វាងសម្រាប់ប្រជាជន ដែលបានទទួលរងនូវផលវិបាកដោយស្ថានភាពនយោបាយ សេដ្ឋកិច្ច សង្គមកិច្ច សន្តិសុខ និងមនុស្សធម៌ដ៏លំបាកអស់រយៈពេលជាយូរមកហើយ។
សេចក្តីសម្រេចនិយាយថា កងកម្លាំងនេះ មានគោលបំណងផ្តល់ការគាំទ្រផ្នែកប្រតិបត្តិការដល់ប៉ូលិសជាតិហៃទី រួមទាំងការកសាងសមត្ថភាពរបស់ខ្លួនតាមរយៈការធ្វើផែនការ និងប្រតិបត្តិប្រតិបត្តិការគាំទ្រសន្តិសុខរួមគ្នាផងដែរ។
បេសកកម្មនេះ ថែមទាំងមានគោលបំណងបង្កើតលក្ខខណ្ឌ ដើម្បីរៀបចំការបោះឆ្នោតដែលមិនបានធ្វើឡើងនៅក្នុងប្រទេសហៃទី ចាប់តាំងពីឆ្នាំ ២០១៦ មកម្ល៉េះ។
នៅក្នុងរបាយការណ៍នាពេលថ្មីៗ លោក Guterres និយាយថា ស្ថានភាពសន្តិសុខនៅក្នុងប្រទេសហៃទីកាន់តែអាក្រក់ទៅៗ ដោយសារតែសមាជិកក្រុមបងធំ មានទាំងគ្នាច្រើននិងមានអាវុធល្អជាងប៉ូលិសទៅទៀត។
យោងតាមរបាយការណ៍របស់ UN, ករណីឃាតកម្មជិត២៨០០ករណី ត្រូវបានកត់ត្រានៅក្នុងប្រទេសហៃទីចន្លោះខែតុលាឆ្នាំ២០២២ ដល់ខែមិថុនាឆ្នាំ២០២៣ ដោយក្នុងនោះមានអនីតិជនចំនួន៨០នាក់៕
ប្រែសម្រួល៖ Vann Vann
ប្រភព៖ CNA
ចុចអាន៖ បន្ទាប់ពីប្រធានាធិបតី ពេលនេះនាយករដ្ឋមន្ត្រី ហៃទី ត្រូវគេប៉ុនប៉ង ធ្វើឃាត
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព