បុរស នីហ្សេរីយ៉ា ៥ នាក់ ជីកយកលលាដ៍ក្បាលមនុស្សទៅធ្វើពិធីផ្លូវងងឹត ដើម្បីបន់ស្រន់ឲ្យក្លាយជាអ្នកមាន

បុរសជនជាតិនីហ្សេរីយ៉ា ៥ នាក់ ជីកយកលលាដ៍ក្បាលមនុស្សទៅធ្វើពិធីផ្លូវងងឹត ដើម្បីបន់ស្រន់ឲ្យក្លាយជាអ្នកមាន បែរជាត្រូវគេចាប់បាន ជាប់ពន្ធនាគារ ១២ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋអាជ្ញានីហ្សេរីយ៉ាបានប្រាប់តុលាការថា បុរសទាំងនោះជីកយកលលាដ៍ក្បាលពីសាកសពដែលគេកប់កាលពី ៣ ឆ្នាំមុន នៅទីបញ្ចុះសពមូស្លីមមួយកន្លែងនៅភាគខាងជើងប្រទេស ។ បុរសទាំង ៥ នោះមានវ័យចាប់ពី ១៨ ឆ្នាំដល់ ២៨ ឆ្នាំ ដោយពួកគេគ្រោងយកលលាដ៍ក្បាលទៅធ្វើពិធីផ្លូវងងឹត ដើម្បីបន់ស្រន់ឲ្យក្លាយជាអ្នកមាន ។

ទន្ទឹមនោះ តុលាការក្នុងទីក្រុង Minna របស់នីហ្សេរីយ៉ា ក៏បានប្រកាសដែរថា បុរសទាំងនោះមានពិរុទ្ធលើការចោទប្រកាន់ពីបទសមគំនិត រំលោភលើកន្លែងបញ្ចុះសព និងកាន់កាប់លលាដ៍ក្បាលមនុស្សដោយខុសច្បាប់ ។ យ៉ាងណាមិញ គ្រូពេទ្យបុរាណដែលជាអ្នកផ្ដើមគំនិត​មិន​ត្រូវ​បាន​ចាប់​ខ្លួន ​និង​ចោទ​ប្រកាន់នោះ​ទេ ។

ជំនឿខាងលើ ជួនកាលបង្កឲ្យមានអំពើឃាតកម្មកើតឡើងទៀតផង ជាពិសេសលើកុមារ ស្ត្រីទន់ខ្សោយ និងជនពិការ ។ យោងតាមទិន្នន័យរបស់ធនាគារពិភពលោកបានឲ្យដឹងថា មនុស្ស ៤ នាក់ក្នុងចំណោម ១០ នាក់ហើយ ក្នុងប្រទេសនីហ្សេរីយ៉ាដែលរស់នៅក្នុងភាពក្រីក្រ ទើបពួកគេព្យាយាមរកពិធីមានបានតាមផ្លូវកាត់បែបនេះ ៕

ប្រែសម្រួល៖ វារី

ប្រភព៖ BBC

ចុចអាន៖ ចាប់ខ្លួនមនុស្ស ២០០ នាក់ ដែលចូលរួមមង្គលការភេទទីបី នៅប្រទេស នីហ្សេរីយ៉ា