Connect with us

ព័ត៌មានអន្ដរជាតិ

ធ្លាយព័ត៌មាន ចិនកំពុងសាងសង់មូលដ្ឋានមីស៊ីលជិតព្រំដែន វៀតណាម

បានផុស

នៅ

អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang បាននិយាយក្នុងសន្និសីទសារព័ត៌មានមួយនៅទីក្រុងហាណូយថា ប្រទេសវៀតណាមកំពុងផ្ទៀងផ្ទាត់របាយការណ៍នានាដែលថា មូលដ្ឋានមីស៊ីលរបស់ចិនកំពុងសាងសង់នៅជិតព្រំដែនចិន-វៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលដ្ឋានមីស៊ីលនេះត្រូវបានគេរាយការណ៍ថាមានទីតាំងនៅស្រុក Ningming ក្នុងខេត្ត Guangxi ភាគនិរតីប្រទេសចិនដែលមានចម្ងាយប្រហែល២០គីឡូម៉ែត្រពីព្រំដែនចិនជាប់វៀតណាម។

ព័ត៌មានដែលមិនបានបញ្ជាក់នេះក៏កត់សម្គាល់ផងដែរថា មូលដ្ឋានមីស៊ីលនេះស្ថិតនៅចម្ងាយប្រមាណ៤០គីឡូម៉ែត្រពីការដ្ឋានសំណង់មួយផ្សេងទៀត ដែលគេជឿថាជាចំណតឧទ្ធម្ភាគចក្រយោធា។

សំដៅទៅច្បាប់ឆ្មាំសមុទ្រថ្មីរបស់ប្រទេសចិនដែលចូលជាធរមានកាលពីថ្ងៃទី១ខែកុម្ភៈ លោកស្រី Hang បាននិយាយថា ប្រទេសទាំងអស់ត្រូវតែគោរពតាមច្បាប់និងកិច្ចព្រមព្រៀងអន្តរជាតិ ជាពិសេស UNCLOS ឆ្នាំ១៩៨២ ដែលប្រកាសនិងអនុវត្តច្បាប់ដែនសមុទ្រក្នុងស្រុក។

អ្នកនាំពាក្យរូបនេះបានអះអាងជាថ្មីថា វៀតណាមមានភស្តុតាងប្រវត្តិសាស្ត្រនិងច្បាប់គ្រប់គ្រាន់ដើម្បីបញ្ជាក់អំពីអធិបតេយ្យភាពរបស់ខ្លួនចំពោះប្រជុំកោះ Paracel និងប្រជុំកោះ Spratly ដោយសមស្របនឹងច្បាប់អន្តរជាតិ។

ប្រទេសនេះនឹងចាត់វិធានការយ៉ាងម៉ឺងម៉ាត់ស្របតាមច្បាប់អន្តរជាតិដើម្បីការពារសិទ្ធិស្របច្បាប់របស់ខ្លួន៕

ប្រែសម្រួលដោយ៖ Vann Vann

ប្រភព៖ Tuoi Tre

ចុចអាន៖ ចិនព្រមានខ្លាំងៗ៖ ឯករាជ្យភាពរបស់កោះតៃវ៉ាន់មានន័យថា “សង្គ្រាម”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម