អ៊ីស្រាអែល រៀបផែនការ ចូលឆែកឆេរតាមផ្ទះនៅហ្គាហ្សា ដើម្បីកម្ចាត់ក្រុមហាម៉ាស់

មេដឹកនាំអ៊ីស្រាអែលបានប្តេជ្ញា ធ្វើឲ្យតំបន់ហ្គាហ្សា រួចផុតពីការគ្រប់គ្រងរបស់ក្រុមហាម៉ាស់ ហើយថែមទាំងដាក់ចេញផែនការ ចូលឆែកឆេរតាមផ្ទះដើម្បីស្វែងរកសកម្មប្រយុទ្ធ ក្នុងប្រតិបត្តិការមួយ ដែលអាចចំណាយពេលរាប់ឆ្នាំ ហើយអាចបណ្តាលឲ្យមានការបាត់បង់ជីវិតធំធេងក្នុងចំណោមប្រជាជនប៉ាឡេស្ទីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងកម្លាំងការពារអ៊ីស្រាអែល (IDF) បច្ចុប្បន្នកំពុងដាក់ពង្រាយនៅតាមព្រំដែន ជាមួយតំបន់ហ្គាហ្សា ខណៈខ្លួនត្រៀមបើកការវាយលុក ដើម្បីកម្ចាត់ក្រុមសកម្មប្រយុទ្ធហាម៉ាស់។

ទាហាន IDF ប្រដាប់អាវុធរាប់ម៉ឺននាក់រួមជាមួយរថពាសដែកជាច្រើនគ្រឿង បានស្ថិតនៅព្រំដែន ហ្គាហ្សា រួចទៅហើយ​ ដើម្បីរៀបចំសម្រាប់អ្វីដែលមន្ត្រីការពារជាតិកំពូលនិយាយថា នឹងក្លាយជាសង្រ្គាមបីដំណាក់កាល ដែលភាគច្រើន ប្រយុទ្ធដោយកងទ័ពជើងគោករបស់ខ្លួន។

មេបញ្ជាការថ្មើរជើងម្នាក់នៅក្នុង IDF បានប្រាប់ DailyMail.com កាលពីចុងសប្តាហ៍ថា ពួកគេបានត្រៀមខ្លួនរួចជាស្រេច ដើម្បីវាយលុកដោយភាពហានក្លា។

យោងតាមគេហទំព័រ Global Firepower ដែល​ចាត់​ថ្នាក់​យោធា​របស់​ពិភពលោក​ប្រចាំ​ឆ្នាំបានបង្ហាញ​ថា ​ក្នុង​ឆ្នាំ២០២៣ អ៊ីស្រាអែល ​មាន​កងទ័ព​ខ្លាំង​បំផុតលំដាប់​ទី១៨លើ​ពិភពលោក និងជាប្រទេសមាន​យោធា​ខ្លាំង​បំផុត​មួយ​នៅ​មជ្ឈិមបូព៌ា៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកជំនាញ៖ មេដឹកនាំអឺរ៉ុបទៅអ៊ីស្រាអែល មិនមែនជំរុញបទឈប់បាញ់ បែរជានាំគ្នាគាំទ្រសង្គ្រាមទៅវិញ