ព័ត៌មានអន្ដរជាតិ
តម្រូវការប្រេង ធ្យូងថ្ម ឧស្ម័ន នឹងឡើងដល់កំពូលនៅឆ្នាំ ២០៣០
ទីភ្នាក់ងារថាមពលអន្តរជាតិ (IEA) បាននិយាយថា តម្រូវការឥន្ធនៈហ្វូស៊ីលពិភពលោកនឹងឈានដល់កម្រិតកំពូលនៅឆ្នាំ ២០៣០ ដោយសាររថយន្តអគ្គិសនីកាន់តែច្រើនឡើងនៅលើដងផ្លូវ ហើយសេដ្ឋកិច្ចរបស់ចិនកាន់តែរីកចម្រើនយឺត និងផ្លាស់ប្តូរឆ្ពោះទៅរកថាមពលស្អាតជាងមុន ។
ទន្ទឹមនោះ របាយការណ៍ពី IEA ដែលផ្តល់យោបល់ដល់បណ្តាប្រទេសឧស្សាហកម្ម ផ្ទុយនឹងទស្សនៈរបស់ក្រុមអ្នកផលិតប្រេង និងអង្គការនៃប្រទេសនាំចេញប្រេង ដែលមើលឃើញថា តម្រូវការប្រេងកើនឡើងយូរក្រោយឆ្នាំ ២០៣០ ហើយអំពាវនាវឲ្យមានការវិនិយោគលើវិស័យប្រេងថ្មីក្នុងកញ្ចប់ទឹកប្រាក់រាប់ពាន់លានដុល្លារ ។
នៅក្នុងទស្សនវិស័យថាមពលពិភពលោកប្រចាំឆ្នាំដែលបានចេញផ្សាយថ្ងៃទី២៤ ខែតុលានេះ IEA បានលើកឡើងថា តម្រូវការប្រេង ឧស្ម័នធម្មជាតិ និងធ្យូងថ្មមានកម្រិតខ្ពស់បំផុតគឺនៅក្នុងទសវត្សនេះ ជាពិសេសសេណារីយ៉ូដែលផ្អែកលើគោលនយោបាយបច្ចុប្បន្នរបស់រដ្ឋាភិបាល ។
នាយកប្រតិបត្តិ IEA លោក Fatih Birol បាននិយាយថា ការផ្លាស់ប្តូរទៅរកថាមពលស្អាតកំពុងកើតឡើងនៅទូទាំងពិភពលោកដោយមិនអាចបញ្ឈប់នោះទេ ។ ទន្ទឹមនឹងនេះ រដ្ឋាភិបាលរួមជាមួយក្រុមហ៊ុន និងវិនិយោគិនត្រូវនៅពីក្រោយការផ្លាស់ប្តូរថាមពលស្អាតជាជាងការរារាំងសកម្មភាពទាំងនេះ ។
ទោះជាយ៉ាងណាក៏ដោយ IEA បន្ថែមថា តម្រូវការឥន្ធនៈហ្វូស៊ីលត្រូវបានកំណត់ថានៅតែខ្ពស់ពេក ដើម្បីរក្សាបានដល់គោលដៅនៃកិច្ចព្រមព្រៀងប៉ារីសក្នុងការកំណត់ការកើនឡើងនៃសីតុណ្ហភាពសកលជាមធ្យមដល់ ១.៥ អង្សាសេ។
ហានិភ័យតម្រូវការខ្ពស់នេះ មិនត្រឹមតែធ្វើឲ្យផលប៉ះពាល់អាកាសធាតុកាន់តែអាក្រក់ បន្ទាប់ពីកំដៅបំបែកកំណត់ត្រារយៈពេលមួយឆ្នាំប៉ុណ្ណោះទេ ប៉ុន្តែថែមទាំងធ្វើឲ្យខូចដល់សន្តិសុខនៃប្រព័ន្ធថាមពល ដែលត្រូវបានបង្កើតឡើងសម្រាប់ពិភពលោកដ៏ត្រជាក់ជាមួយនឹងព្រឹត្តិការណ៍អាកាសធាតុតិចតួច” ។
សម្រាប់នៅឆ្នាំ ២០៣០ IEA រំពឹងថា នឹងមានរថយន្តអគ្គិសនីស្ទើរតែ ១០ ដងនៅលើដងផ្លូវទូទាំងពិភពលោក ហើយបានលើកឡើងពីគោលនយោបាយគាំទ្រថាមពលស្អាតនៅក្នុងទីផ្សារសំខាន់ៗថាជាការថ្លឹងថ្លែងលើតម្រូវការឥន្ធនៈហ្វូស៊ីលនាពេលអនាគត ។
ប៉ុន្តែការបញ្ចប់នៃយុគសម័យកំណើនសម្រាប់ឥន្ធនៈហ្វូស៊ីលមិនមែនមានន័យថា ជាការបញ្ចប់នៃការវិនិយោគឥន្ធនៈហ្វូស៊ីលនោះទេ ប៉ុន្តែវាជាការកាត់បន្ថយការកើនឡើងនៃការចំណាយណាមួយ ៕
ប្រែសម្រួល៖ នាង រតនៈ
ប្រភព៖ CNA
ចុចអាន៖ ពន្ធសកលលើមហាសេដ្ឋីអាចប្រមូលបានជាង ២៥០ ពាន់លានដុល្លារ ខណៈអ្នកមានខ្លះគេចមិនបង់
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៣ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ