ក្រោយចាញ់ឆ្នោត ដឹងទេពេលនេះលោក ប្រាយុទ្ធ កំពុងនៅប្រទេសណា?

បន្ទាប់ពីចាញ់ឆ្នោតនិងស្ងប់ស្ងាត់ដំណឹងយូរមកហើយ ពេលនេះអតីតនាយករដ្ឋមន្ត្រីថៃលោក ប្រាយុទ្ធ ចាន់អូចា បានបង្ហោះ​រូបភាពពីដំណើរ​កម្សាន្ត​នៅ​ប្រទេស​ជប៉ុនលើកដំបូង​ ​ជាមួយ​លោក​ស្រីសាស្ត្រាចារ្យ​ Naraporn Chan-o-cha និង​ក្រុម​គ្រួសាររបស់លោកផ្ទាល់។

តាមរយៈគណនី Facebook លោកប្រាយុទ្ធបាន​​សរសេរសារយ៉ាងវែងអន្លាយថា “ជំរាបសួរ! វាជាលើកទីមួយក្នុងរយៈពេលជាង ១០ឆ្នាំ ដែលខ្ញុំមានឱកាសបាននាំគ្រួសាររបស់ខ្ញុំទៅកម្សាន្ត។ វិស្សមកាលនៅបរទេស ខ្ញុំចង់ចែករំលែករូបភាពផ្ទាល់ខ្លួនខ្លះពីដំណើរកម្សាន្តនេះ។ ហើយសង្ឃឹមថា នឹងមានឱកាសបានទៅលេងតំបន់ទេសចរណ៍ស្អាតៗជាច្រើនទៀត ទាំង​ក្នុង​និង​ក្រៅ​ប្រទេស​មាន​ច្រើន​ទៀត។

ក្នុងនោះផងដែរ អតីតនាយករដ្ឋមន្ត្រីថៃបានបញ្ជាក់បន្ថែមទៀតថា កាលដែលទៅជប៉ុនលើកនេះលោកមានឱកាស​បាន​ជួប​ប្រជាជន​ថៃ​ចាំមកទទួល​ស្វាគមន៍ដោយ​បរិយាកាស​ស្និទ្ធស្នាល និងកក់ក្ដៅបំផុត។ ដោយលោកប្រាយុទ្ធបានធ្វើការ​អរគុណដល់អ្នកដែលគាំទ្រនិង​លើក​ទឹក​ចិត្តមករហូតផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ស្រ្តីចិនម្នាក់ចតរថយន្ត​​លើ​ដំបូលផ្ទះពេលទឹកជំនន់​ ក្រោយដឹង​មូលហេតុ​ មហាជនថានាងឆ្លាតខ្លាំង