មន្ត្រីអ៊ុយក្រែនជាង ២០០០នាក់ ព្យាយាមរត់ចេញពីប្រទេស

អ្នកនាំពាក្យសេវាឆ្មាំព្រំដែនជាតិអ៊ុយក្រែន លោក Andrey Demchenko បានប្រាប់សារព័ត៌មាន TSN កាលពីថ្ងៃសុក្រទី២៧ខែតុលាថា មន្ត្រីអ៊ុយក្រែនប្រមាណ២១០០នាក់ បានព្យាយាមចាកចេញពីប្រទេសដោយខុសច្បាប់នៅឆ្នាំនេះ។

ស្ថិតិនេ ត្រូវបានបង្ហាញជាការឆ្លើយតបទៅនឹងសំណើដោយផ្ទាល់របស់សារព័ត៌មានខាងលើ ទាក់ទងនឹងអ្នកដែលរត់គេចពីការកែនទាហាន។

ទោះបីជាយ៉ាងណាក៏ដោយ លោក Demchenko និយាយថា អ្នកដែលប៉ុនប៉ងប្រើប្រាស់ឯកសារក្លែងក្លាយ ដើម្បីឆ្លងកាត់ព្រំដែននៅប៉ុស្តិ៍ត្រួតពិនិត្យហាក់ដូចជាមិនមានច្រើនដូចមុនទេ ប្រហែលជាដោយសារតែការទទួលបានឯកសារក្លែងក្លាយ កាន់តែពិបាក។

ដោយឡែកកាលពីថ្ងៃអង្គារ សេវាសន្តិសុខ SBU របស់អ៊ុយក្រែន រាយការណ៍ថា ខ្លួនបានបំបែកសម្បុកជនខិលខូចចំនួន៣ក្រុម ដែលរៀបចំឯកសារក្លែងក្លាយ ជួយនាំជនជាតិអ៊ុយក្រែនឲ្យចេញផុតពីប្រទេស។

SBU បញ្ជាក់ថា ប្រជាជនអ៊ុយក្រែន ត្រូវបង់ប្រាក់ពី១០០០ទៅ៨០០០ដុល្លារ សម្រាប់សេវាកម្មខុសច្បាប់ ដើម្បីរត់ចេញពីប្រទេស៕

ប្រែសម្រួល៖ Vann Vann

ប្រភព៖ RT

ចុចអាន៖ អ៊ុយក្រែន ទទួលស្គាល់ថា លោកខាងលិច កំពុងហត់នឿយជាមួយខ្លួន