ភ្ញៀវ​ទេសចរ ៥ ប្រទេស​ ​ កម្រធ្វើដំណើរមកទស្សនាប្រទេស​ថៃ

ទិន្នន័យខាងក្រោមនេះ បានមកពីខាងផ្នែកសេដ្ឋកិច្ច ទេសចរណ៍ និងកីឡារបស់ប្រទេសថៃផ្ទាល់តែម្ដង ដោយបានចេញរបាយការណ៍ពីខែមករា ដល់ខែសីហាឆ្នាំ ២០២៣។

ក្នុងនោះផងដែរ ក្រសួងទេសចរណ៍បានបញ្ចាក់ថា ក្នុងឆ្នាំ២០២៣នេះមានភ្ញៀវទេសចរ៥ប្រទេសប៉ុណ្ណោះ ដែលកម្រឬអាចថាមិនសូវជាធ្វើដំណើរកម្សាន្តមកកាន់ប្រទេសថៃឡើយ។

១ កូរ៉េខាងជើង (North Korea)

ចំនួន​ភ្ញៀវ​ទេសចរ​ចូល​ទៅ​ក្នុង​ប្រទេស​ថៃមានត្រឹមតែ ៤​នាក់ប៉ុណ្ណោះ! ហើយខែដែលមានអ្នកទេសចរកូរ៉េខាងជើងច្រើនជាងគេ ខែសីហាមានចំនួន១០នាក់ និងតិចបំផុតក្នុងខែមីនា ១ នាក់ សម្រាប់រយៈពេល ៦ ខែដែលនៅសល់មិនមានអ្នកទេសចរសូម្បីតែម្នាក់។

២ ស៊ីប (Cyprus)

ចំនួន​ភ្ញៀវ​ទេសចរ​ចូល​មក​ប្រទេស​ថៃមានចំនួន ១ ៩៣២​នាក់ ខែ​ដែល​មាន​ភ្ញៀវ​ទេសចរ​ច្រើន​ជាង​គេ គឺ​ខែ​សីហា ៥១១​នាក់។ តិចបំផុតគឺនៅក្នុងខែឧសភា ដោយមានភ្ញៀវទេសចរណ៍ចំនួន ១៣៨ នាក់ចូលមក។

៣ លីបង់ (Lebanon)

ចំនួន​ភ្ញៀវ​ទេសចរ​ចូល​មក​ប្រទេស​ថៃ ២ ១៧១​នាក់ ច្រើន​បំផុត​បាន​មក​ក្នុង​ខែ​កក្កដា​​ចំនួន ៣៣២ នាក់។ ចំនួន​ទាប​បំផុត​ក្នុង​ខែ​មករា​គឺ ១៦៩​នាក់។

៤ អ៊ីរ៉ាក់ (Iraq)

ចំនួន​ភ្ញៀវ​ទេសចរ​ចូល​ទៅ​ក្នុង​ប្រទេស​ថៃ ២៣៣២​នាក់ មានភ្ញៀវច្រើន​ជាង​គេ​មក​ក្នុង​ខែ​សីហា គឺ ​៤០៥​នាក់ ហើយ​តិច​ជាង​គេក្នុងខែមេសា មានចំនួន ២២២នាក់។

៥ អ៊ុយរូហ្គាយ (Uruguay)

ចំនួន​ភ្ញៀវ​ទេសចរ​ចូល​ទៅ​ក្នុង​ប្រទេស​ថៃ​ ២​​ ៤៨៥​នាក់ ខែដែលមកច្រើនជាងគេ គឺខែមេសា មានចំនួន ៨១៥ នាក់។ចំនួន​ទាប​បំផុត​ក្នុង​ខែ​សីហា​គឺ ៤៨​នាក់។

​ទោះយ៉ាងណា ត្បិតថាមាន៥ប្រទេសនេះធ្វើដំណើរមកកាន់ប្រទេសថៃតិចក៏ពិតមែន! ប៉ុន្តែក្នុងមួយឆ្នាំៗថៃនៅតែទទួលបានភ្ញៀវទេសចរច្រើនបំផុតសម្រាប់ប្រទេសពួកគេ។ បើទោះបីជាធ្លាប់មានឧប្បត្តិហេតុបាញ់ប្រហារនៅផ្សារទំនើប Paragon យ៉ាងណាក្ដី៕

ប្រែសម្រួល៖ សាង ស្រីល័ក្ខ

ប្រភព៖(20+) Facebook

ចុចអាន៖ អាហារចម្លែកលើលោកទាំង ១០ បរទេសឃើញហើយខ្លាចរអា