ព័ត៌មានអន្ដរជាតិ
ប្រទេសមួយនៅអាមេរិកខាងត្បូង កាត់ផ្តាច់ទំនាក់ទំនងការទូត ជាមួយ អ៊ីស្រាអែល
រដ្ឋាភិបាលនៃប្រទេសបូលីវី បានប្រកាសនៅថ្ងៃពុធទី១ខែវិច្ឆិកាថា ខ្លួនបានកាត់ផ្តាច់ទំនាក់ទំនងការទូតជាមួយអ៊ីស្រាអែលហើយ ដោយសារតែប្រតិបត្តិការយោធានៅតំបន់ហ្គាហ្សា និងការចោទប្រកាន់ឧក្រិដ្ឋកម្មសង្គ្រាមប្រឆាំងប៉ាឡេស្ទីន។
![](https://www.kampucheathmey.com/wp-content/uploads/2023/11/image-7-1024x617.png)
អនុរដ្ឋមន្ត្រីការបរទេសលោក Freddy Mamani បាននិយាយក្នុងសន្និសីទសារព័ត៌មានមួយថា “ប្រទេសបូលីវី បានសម្រេចចិត្តផ្តាច់ទំនាក់ទំនងការទូតជាមួយរដ្ឋអ៊ីស្រាអែល ជាការជំទាស់ និងថ្កោលទោស ចំពោះការវាយលុកយ៉ាងគឃ្លើននិងមិនសមាមាត្ររបស់យោធាអ៊ីស្រាអែល នៅតំបន់ហ្គាហ្សាស្ទ្រីប”។
ទន្ទឹមនោះ រដ្ឋមន្ត្រីការបរទេសស្តីទីលោកស្រី Maria Nela Prada បានចោទប្រកាន់អ៊ីស្រាអែលថា “ប្រព្រឹត្តឧក្រិដ្ឋកម្មមនុស្សជាតិ” ប្រឆាំងនឹងប៉ាឡេស្ទីននៅតំបន់ហ្គាហ្សា ហើយអំពាវនាវឲ្យរដ្ឋាភិបាលអ៊ីស្រាអែល បញ្ឈប់ការវាយប្រហារនៅតំបន់ហ្គាហ្សា ដែលបណ្តាលឲ្យជនស៊ីវិលរាប់ពាន់នាក់បាត់បង់ជីវិត និងការជម្លៀសប្រជាជនប៉ាឡេស្ទីនដោយបង្ខំ។
![](https://www.kampucheathmey.com/wp-content/uploads/2023/11/image-8-1024x678.png)
លោកស្រី ក៏បានទាមទារឲ្យអ៊ីស្រាអែល បញ្ចប់ការបិទខ្ទប់តំបន់ហ្គាហ្សាផងដែរ ព្រោះការរារាំងជំនួយស្បៀងអាហារ ទឹក និងធាតុសំខាន់ៗផ្សេងទៀតសម្រាប់ជីវិត គឺជាការបំពានលើច្បាប់មនុស្សធម៌អន្តរជាតិ។
សូមបញ្ជាក់ថា បូលីវី បានកាត់ផ្តាច់ទំនាក់ទំនងជាមួយអ៊ីស្រាអែល ដោយសារតំបន់ហ្គាហ្សាម្តងរួចមកហើយកាលពីឆ្នាំ ២០០៩ ក្រោមការគ្រប់គ្រងរបស់ប្រធានាធិបតី Evo Morales។
ទំនាក់ទំនងការទូត ក៏បានស្តារឡើងវិញដោយរដ្ឋាភិបាលគាំទ្រសហរដ្ឋអាមេរិក ដែលបានបណ្តេញលោក Morales ក្នុងឆ្នាំ ២០១៩ ហើយនៅតែរក្សាចំណងនេះ ទោះក្រោយពេលគណបក្សរបស់អតីតប្រធានាធិបតីដែលដឹកនាំដោយលោក Luis Arce វិលចូលកាន់អំណាចវិញនៅចុងឆ្នាំ២០២០ក៏ដោយ៕
ប្រែសម្រួល៖ Vann Vann
ប្រភព៖ RT
ចុចអាន៖ ទីបំផុត ភាគីមួយទៀត ចូលរួមជាផ្លូវការក្នុងសង្គ្រាម អ៊ីស្រាអែល-ហាម៉ាស់
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម២២ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់