ទ័ពជើងគោកអ៊ីស្រាអែលចូលដល់មាត់ទ្វារក្រុងហ្គាហ្សា ក្រោយទម្លុះខែលការពារជួរមុខ

រថក្រោះ និងកងទ័ពអ៊ីស្រាអែលបានឆ្ពោះទៅដល់មាត់ទ្វារទីក្រុងហ្គាហ្សា នៅថ្ងៃព្រហស្បតិ៍នេះ ប៉ុន្តែការលុកលុយទៅដល់ខាងក្នុងនៅមិនទាន់បានសម្រេចទេ ដោយសារសកម្មប្រយុទ្ធហាម៉ាស់កំពុងតស៊ូយ៉ាងស្វិតស្វាញ ដោយប្រើកាំភ្លើងត្បាល់ និងការវាយប្រហារពីផ្លូវរូងក្រោមដី។

ឧត្តមសេនីយទោ Itzik Cohen មេបញ្ជាការយោធាអ៊ីស្រាអែលនិយាយថា “យើងកំពុងនៅច្រកទ្វារនៃទីក្រុងហ្គាហ្សា” ហើយលោកបាន​ប្រាប់​ប្រជាជន​ឱ្យ​ជម្លៀស​ចេញបន្ទាន់ មុនយោធារបស់ខ្លួននឹង​​បំផ្លាញ​ក្រុម​អ៊ីស្លាមហាម៉ាស់។

អ្នកស្រុកបាននិយាយថា សកម្មប្រយុទ្ធនៃក្រុមហាម៉ាស់ និងសម្ព័ន្ធមិត្តអ៊ីស្លាមជីហាតបានងើបចេញពីផ្លូវរូងក្រោមដីដើម្បីបាញ់រថក្រោះអ៊ីស្រាអែល ប៉ុន្តែហាក់មិនទទួលជោគជ័យឡើយ ព្រោះបន្ទាប់ពីនោះពួកគេបានបាត់ខ្លួនចូលទៅក្នុងវិញ ខណៈកងទ័ពសត្រូវកំពុងមានប្រៀបជាង។

បុរស​ម្នាក់​ដែល​រស់​នៅ​ទីនោះ​បាន​និយាយ​ប្រាប់អ្នកសារព័ត៌មានដោយ​សុំ​មិន​បញ្ចេញ​ឈ្មោះ​ថា​ ការ​ទម្លាក់​គ្រាប់បែក​នៅ​ក្រុងហ្គាហ្សា បានបន្តពេញ​មួយ​យប់​ លុះព្រឹកឡើង កងកម្លាំងអ៊ីស្រាអែលបានព័ទ្ធនៅក្រៅទីក្រុងទៅហើយ៕

ប្រែសម្រួល៖ សន្យា

ប្រភព៖ Reuters

ចុចអាន៖ ប្រភពយោធា៖ អ៊ីស្រាអែល បុកទម្លាយខែលការពារជួរមុខរបស់ក្រុមហាម៉ាស់ បានសម្រេចហើយ

ចុចអាន៖ យេម៉ែន បាញ់បង្ហោះដ្រូនផ្ទុកគ្រឿងផ្ទុះជាច្រើន កម្ទេចទីតាំងអ៊ីស្រាអែល ដើម្បីជួយប៉ាឡេស្ទីន