Connect with us

ព័ត៌មានអន្ដរជាតិ

អ៊ីស្រាអែលប្រកាសថា ប្រទេសណាមិនគាំទ្រខ្លួន ប្រទេសនោះគឺនៅខាងក្រុមហាម៉ាស

បានផុស

នៅ

ក្រសួងការបរទេសអ៊ីស្រាអែលប្រកាសថា ប្រទេសណាដែលមិនគាំទ្រការឆ្លើយតបរបស់ខ្លួន ចំពោះអំពើឃោរឃៅដែលប្រព្រឹត្តដោយក្រុមហាម៉ាសកាលពីថ្ងៃទី៧ខែតុលា គឺជាអ្នកខាងក្រុមសកម្មប្រយុទ្ធនេះ។ អ្នក​នាំពាក្យ​ក្រសួងបញ្ជាក់ថា ​មិន​អាច​មាន​អព្យាក្រឹតភាព​ក្នុងជម្លោះ​នេះបាន​ទេ។

សកម្មប្រយុទ្ធក្រុមហាម៉ាស (រូបថត៖ PBS)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទសារព័ត៌មានកាលពីថ្ងៃសុក្រទី៣ខែវិច្ឆិកា លោក Lior Hayat ចាត់ទុកចេតនារបស់អ៊ីស្រាអែល ក្នុងការលុបបំបាត់ក្រុមហាម៉ាស ថាជាគោលដៅអត្ថិភាព។ លោក​អះអាង​ថា ​ក្រុម​នេះ ​កំពុង​រៀបចំ​ផែនការ​សម្លាប់​រង្គាលដូច​ថ្ងៃ​ទី៧តុលា​ ម្តងហើយម្តងទៀត។

លោក Hayat និយាយថា “អ៊ីស្រាអែលបានទទួលការគាំទ្រពីអន្តរជាតិមិនធ្លាប់មានពីមុនមក ក្រោយការវាយប្រហារ ដោយសារតែគ្មាននរណាម្នាក់ អាចឃើញអំពើឃោរឃៅទាំងនេះ ហើយមិនយល់ពីអ្វីដែលយើងកំពុងដោះស្រាយនោះទេ។ ខ្ញុំចង់ផ្ញើសារយ៉ាងមួយទៅកាន់សហគមន៍អន្តរជាតិ៖ បើ​អ្នក​មិន​ថ្កោលទោស​ក្រុម​ហាម៉ាស​ទេ បើ​អ្នក​មិន​គាំទ្រ​សិទ្ធិ​ការពារ​ខ្លួន​របស់​អ៊ីស្រាអែល​ទេ នោះ​អ្នក​កំពុង​តែ​គាំទ្រ​ក្រុម​ហាម៉ាសហើយ”។

លោក Lior Hayat (រូបថត៖ HES Press)

កាលពីថ្ងៃទី៧ខែតុលា យុទ្ធជនក្រុមហាម៉ាស បានសម្រុកចូលទឹកដីអ៊ីស្រាអែល ពីតំបន់ហ្គាហ្សា ហើយបើកការវាយឆ្មក់ទីក្រុងនិងមូលដ្ឋានយោធានៅក្បែរនោះ ដោយសម្លាប់ជនស៊ីវិលរាប់រយនាក់ ព្រមទាំងចាប់ចំណាប់ខ្មាំងជាង២០០នាក់ទៀតផង។

អ៊ីស្រាអែល​បាន​ឆ្លើយ​តបទៅវិញ ​ដោយ​ការ​ឡោមព័ទ្ធ​តំបន់​ប៉ាឡេស្ទីន ​និងទម្លាក់គ្រាប់បែកយ៉ាងសន្ធាប់លើជ្រោយហ្គាហ្សា មុនពេលបើកការវាយលុកជើងគោក។

ថ្វីបើសហរដ្ឋអាមេរិកបានសន្យាគាំទ្រដោយឥតងាករេ ចំពោះសកម្មភាពរបស់អ៊ីស្រាអែលក៏ដោយ ប៉ុន្តែមានប្រទេសជាច្រើនបានរិះគន់ការឆ្លើយតបនេះថាមិនសមហេតុផល៕

ប្រែសម្រួល៖ Vann Vann

ប្រភព៖ RT

ចុចអាន៖ អាមេរិក ដាច់ចិត្តសារភាពថា ខ្លួនពិតជាបង្ហោះដ្រូន លើតំបន់ ហ្គាហ្សា មែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម