Connect with us

ព័ត៌មានអន្ដរជាតិ

ប៉ាឡេស្ទីន ឲ្យតុលាការឧក្រិដ្ឋកម្មអន្តរជាតិ ICC ចេញដីកាចាប់ខ្លួនមន្ត្រី អ៊ីស្រាអែល ជុំវិញជម្លោះនៅហ្គាហ្សា

បានផុស

នៅ

នាយករដ្ឋមន្ត្រីប៉ាឡេស្ទីនលោក Mohammad Shtayyeh កាលពីថ្ងៃចន្ទបានអំពាវនាវទៅដល់តុលាការឧក្រិដ្ឋកម្មអន្តរជាតិ (ICC) ឲ្យចេញដីកាចាប់ខ្លួនមន្ត្រីអ៊ីស្រាអែលដែលជាប់ពាក់ព័ន្ធទៅនឹងជម្លោះដ៏ក្ដៅគគុកនៅតំបន់ហ្គាហ្សាស្ទ្រីប ។

លោក Mohammad Shtayyeh

ថ្លែងក្នុងពិធីបើកកិច្ចប្រជុំគណៈរដ្ឋមន្ត្រីនៅទីក្រុង Ramallah របស់តំបន់ West Bank, លោក Shtayyeh បានលើកឡើងថា “តុលាការឧក្រិដ្ឋកម្មអន្តរជាតិ (ICC) ត្រូវតែចេញដីកាចាប់ខ្លួនឧក្រិដ្ឋជនអ៊ីស្រាអែលទៅតាមជំហានដោយប្រុងប្រយ័ត្ន ដើម្បីបញ្ឈប់ការសម្លាប់រង្គាលមកលើប្រជាជនរបស់យើង” ។

លោកនាយករដ្ឋមន្ត្រីបានបន្ថែមថា “លោកនឹងរង់ចាំមើលប្រទេសបញ្ជូនសំណុំរឿងក្ដីពាក់ព័ន្ធទៅកាន់តុលាការឧក្រិដ្ឋកម្មអន្តរជាតិ (ICC) ដើម្បីកាត់ទោសឧក្រិដ្ឋជនអ៊ីស្រាអែលតាមផ្លូវច្បាប់ ហើយលោកនៅតែបន្តអំពាវនាវឲ្យមានសកម្មភាពបញ្ឈប់ការវាយលុករបស់អ៊ីស្រាអែល ដែលបានប្រែក្លាយតំបន់ហ្គាហ្សាស្ទ្រីបទៅជាជ្រលងថ្លុកឈាម” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពតានតឹងថ្មី ក៏ដូចជាការសម្លាប់រង្គាលបានផ្ទុះឡើង ក្រោយពេលដែលកងទ័ពអ៊ីស្រាអែលបើកការវាយបកតាមផ្លូវអាកាស និងជើងគោកលើតំបន់ហ្គាហ្សាស្ទ្រីប បន្ទាប់ពីការវាយឆ្មក់ឆ្លងព្រំដែនពីសំណាក់ក្រុមហាម៉ាសកាលពីថ្ងៃទី៧ ខែតុលា ដែលរហូតមកដល់ពេលនេះបានអូសបន្លាយពេល ១ ខែហើយ ។

ក្នុងការវាយប្រហារនោះដែរ យ៉ាងហោចណាស់មានជនជាតិប៉ាឡេស្ទីនជិត ១ ម៉ឺននាក់ រួមទាំងកុមារ ៤,៨០០ នាក់ និងស្ត្រី ២,៥៥០ នាក់ត្រូវបានសម្លាប់ ដោយសារតែការទម្លាក់គ្រាប់បែករបស់អ៊ីស្រាអែលទៅលើតំបន់ហ្គាហ្សាស្ទ្រីប ខណៈយោងតាមតួលេខផ្លូវការ ចំនួនអ្នកស្លាប់ខាងអ៊ីស្រាអែលវិញគឺមានជិត ១,៦០០ នាក់ ។

ក្រៅ​ពី​ចំនួន​អ្នក​ស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជាង ២៥,០០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អ៊ីស្រាអែល មានផែនការទម្លាក់គ្រាប់បែកនុយក្លេអ៊ែរលើតំបន់ហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម