មីយ៉ាន់ម៉ា-រុស្ស៊ី ធ្វើសមយុទ្ធដែនសមុទ្ររួមគ្នា ដើម្បីពង្រឹងទំនាក់ទំនងយោធា

ប្រភពព័ត៌មានបានឱ្យដឹងថា កងទ័ពជើងទឹកមីយ៉ាន់ម៉ា និងរុស្ស៊ី ធ្វើសមយុទ្ធយោធារួមគ្នានៅសមុទ្រ Andaman ដើម្បីពង្រឹងទំនាក់ទំនងយោធារវាងប្រទេសទាំងពីរ។

ទីភ្នាក់ងារសារព័ត៌មានអន្តរជាតិរាយការណ៍ពីមីយ៉ាន់ម៉ាកាលពីថ្ងៃទី៧ ខែវិច្ឆិកាថា លោកឧត្តមសេនីយ៍ មីន អ៊ុងឡាំង អគ្គមេបញ្ជាការកងទ័ព និងជាមេដឹកនាំរដ្ឋាភិបាលយោធាមីយ៉ាន់ម៉ា និងលោកឧត្តមនាវីឯក Nikolai Yevmenov មេបញ្ជាការកងទ័ពជើងទឹករុស្ស៊ី បានធ្វើជាសហប្រធានក្នុងពិធីបើកសមយុទ្ធយោធាដែនសមុទ្ររួមគ្នានៅកំពង់ផែមួយនៅជាយក្រុងយ៉ាំងហ្គោនកាលពីថ្ងៃអង្គារ។ ដោយការធ្វើសមយុទ្ធនេះនឹងធ្វើជាបន្តបន្ទាប់នៅតំបន់សមុទ្រ Andaman រហូតដល់ថ្ងៃទី៩ ខែវិច្ឆិកា ឆ្នាំ២០២៣។

ប្រព័ន្ធផ្សព្វផ្សាយក្នុងស្រុក The Global New Light of Myanmar បានរាយការណ៍ថា យន្តហោះ និងនាវាចម្បាំងរបស់កងទ័ពជើងទឹកនៃប្រទេសទាំងពីរ បានធ្វើសមយុទ្ធរួមគ្នា (បែបស្ថានការណ៍ចម្លង) ដើម្បីត្រៀមបង្ការក្នុងការគ្រោះថ្នាក់ ទាំងលើអាកាស លើផ្ទៃទឹក និងបាតសមុទ្រ ស្របតាមស្តង់ដារសុវត្ថិភាពដែនសមុទ្រ៕

ប្រែសម្រួល៖ គង់ សំអាន

ប្រភព៖ dailynews

ចុចអាន៖ ទឹកជំនន់នៅអាហ្វ្រិក សម្លាប់ប្រជាជនសូម៉ាលី ២៩នាក់