ព័ត៌មានអន្ដរជាតិ
ត្រឹមឆ្នាំ២០៥០ រលកកម្តៅ នឹងសម្លាប់មនុស្ស លើសអត្រាបច្ចុប្បន្នដល់ទៅ ៣ដង
ក្រុមអ្នកជំនាញសុខភាពអន្តរជាតិ បាននិយាយកាលពីថ្ងៃពុធទី១៥ខែវិច្ឆិកាថា ជំងឺនិងការស្លាប់ ដែលទាក់ទងនឹងកម្តៅ កំពុងកើនឡើង ហើយតាមការព្យាករ តួលេខអ្នកស្លាប់ប្រចាំឆ្នាំដោយសារកម្តៅ នឹងកើនឡើង ៣៧០ ភាគរយនៅត្រឹមពាក់កណ្តាលសតវត្សរ៍នេះ ប្រសិនបើកម្តៅពិភពលោក ស្ថិតនៅ២អង្សាសេលើសកម្រិតមុនឧស្សាហកម្ម។
ទន្ទឹមនោះ ការឡើងកម្តៅ ១.១ អង្សាសេបានបណ្តាលឲ្យមនុស្សជួបប្រទះសីតុណ្ហភាពខ្ពស់ និងគំរាមកំហែងដល់សុខភាពអស់រយៈពេល ៨៦ ថ្ងៃរួចទៅហើយកាលពីឆ្នាំ ២០២២ ។ នេះបើតាមរបាយការណ៍ពីទស្សនាវដ្តីវេជ្ជសាស្ត្រ Lancet។
មនុស្សដែលមានអាយុលើស៦៥ឆ្នាំ គឺជាអ្នកដែលងាយរងគ្រោះបំផុតចំពោះការកើនឡើងនៃសីតុណ្ហភាព ពោលគឺការស្លាប់ដោយសារឡើងកម្តៅក្នុងក្រុមអាយុនេះ បានកើនឡើង ៤៧ ភាគរយនៅទសវត្សរ៍កន្លងមក បើធៀបនឹងតួលេខមនុស្សស្លាប់ក្នុងអំឡុងឆ្នាំ ១៩៩១ ដល់ឆ្នាំ ២០០០ ។
ការរកឃើញ ដែលប្រមូលដោយអ្នកជំនាញជាង១០០នាក់ មកពីស្ថាប័នស្រាវជ្រាវចំនួន៥២ផ្សេងៗគ្នា និងទីភ្នាក់ងារអង្គការសហប្រជាជាតិ រួមទាំងអង្គការសុខភាពពិភពលោកផងដែរនោះ បានបង្កឲ្យមានក្តីព្រួយបារម្ភកាន់តែខ្លាំង អំពីផលប៉ះពាល់សុខភាព ដែលបណ្តាលមកពីកម្តៅ។
ដោយឡែក ការសិក្សាមួយកាលពីដើមឆ្នាំនេះ បានបង្ហាញថា មនុស្សប្រហែល ៦១,០០០ នាក់ទំនងជាបាត់បង់ជីវិត ក្នុងអំឡុងរលកកម្តៅវាយប្រហារទ្វីបអឺរ៉ុប ក្នុងរដូវក្តៅឆ្នាំ២០២២ ។
មិនត្រឹមប៉ុណ្ណឹង របាយការណ៍របស់ Lancet ក៏រកឃើញផងដែរថា កម្តៅអាចនាំឲ្យខាតបង់ម៉ោងការងារចំនួន ៤៩០ ពាន់លានម៉ោងនៅឆ្នាំ ២០២២ ដោយកើនឡើងជិត ៤២ ភាគរយ បើធៀបនឹងឆ្នាំ ១៩៩១ ដល់ឆ្នាំ ២០០០ ។
រលកកម្តៅញឹកញាប់ជាងនេះ ក៏អាចបណ្តាលឲ្យមានបញ្ហាអសន្តិសុខស្បៀងអាហារ សម្រាប់មនុស្ស ៥២៥ លាននាក់បន្ថែមទៀតផងដែរ នៅពាក់កណ្តាលសតវត្សរ៍នេះ ៕
ប្រែសម្រួល៖ Vann Vann
ប្រភព៖ Reuters
ចុចអាន៖ រលកកម្តៅ ជា “ឃាតកលាក់មុខ” សម្លាប់មនុស្សបន្តបន្ទាប់ នៅអឺរ៉ុប
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង