អ៊ីស្រាអែល បញ្ចេញឈ្មោះអ្នកទោសប៉ាឡេស្ទីន៣០០នាក់ ដែលនឹងត្រូវដោះលែង ក្រោមកិច្ចព្រមព្រៀងជាមួយក្រុម ហាម៉ាស

ប្រទេសអ៊ីស្រាអែល ទើបតែបញ្ចេញបញ្ជីឈ្មោះជនជាតិប៉ាឡេស្ទីនចំនួន៣០០នាក់ ដែលអាចនឹងដោះលែងក្រោមកិច្ចព្រមព្រៀង ធ្វើឡើងរវាងទីក្រុងហ្ស៊េរុយសាឡិមនិងក្រុមហាម៉ាស។

បញ្ជីដែលបង្ហោះលើគេហទំព័រក្រសួងយុត្តិធម៌របស់អ៊ីស្រាអែល រួមមានទាំងឈ្មោះ អាយុ និងបទល្មើសរបស់អ្នកដែលនឹងត្រូវដោះលែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ មានអ្នក​ជាប់​ឃុំ​តែ​១៥០​នាក់​ប៉ុណ្ណោះ​ ដែលគេ​រំពឹង​ថា ​នឹង​ត្រូវ​ដោះ​លែង​ក្នុងដំណាក់កាលដំបូងនេះ។

នៅថ្ងៃពុធ ទី២២ខែវិច្ឆិកាថា គណៈរដ្ឋមន្ត្រី​របស់​អ៊ីស្រាអែល ​បាន​អនុម័តក្នុងសំឡេងភាគច្រើនលើ​កិច្ចព្រមព្រៀង​មួយ ​ដែល​នឹងនាំឲ្យ​មាន​ការ​ដោះលែង​ចំណាប់ខ្មាំង​ខ្លះ​ពី​តំបន់​ហ្គាហ្សា។

គណៈរដ្ឋមន្ត្រីអ៊ីស្រាអែល បានបោះឆ្នោតលើផែនការ ដែលនឹងផ្អាកការវាយលុករបស់ខ្លួននៅហ្គាហ្សា រយៈពេលច្រើនថ្ងៃ ជាថ្នូរនឹងការដោះលែងចំណាប់ខ្មាំង ដែលកំពុងស្ថិតនៅក្នុងដៃក្រុមហាម៉ាស៕

ចុចទីនេះ ដើម្បីចូលទៅកាន់គេហទំព័ររបស់រដ្ឋាភិបាលអ៊ីស្រាអែល មើលឈ្មោះជនជាតិប៉ាឡេស្ទីនទាំង៣០០នាក់ ដែលស្ថិតក្នុងបញ្ជីដោះលែង។

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ីស្រាអែល អនុម័ត កិច្ចព្រមព្រៀងដោះលែងចំណាប់ខ្មាំង ជាមួយក្រុម ហាម៉ាស