ចិន បញ្ជាក់ថា ការកើនឡើងនៃករណីជំងឺផ្លូវដង្ហើម ត្រូវបានគ្រប់គ្រងទាំងស្រុងហើយ

រដ្ឋមន្ត្រីការបរទេសចិន លោក Wang Yi បាននិយាយកាលពីថ្ងៃពុធ ទី២៩ ខែវិច្ឆិកា ថា ការកើនឡើងនៃករណីជំងឺផ្លូវដង្ហើមនៅក្នុងប្រទេសចិន គឺជាបញ្ហាទូទៅដែលប្រទេសទាំងអស់ប្រឈមមុខ ហើយអាជ្ញាធរចិន បានគ្រប់គ្រងបញ្ហានេះប្រកបដោយប្រសិទ្ធភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គការសុខភាពពិភពលោក (WHO) កាលពីសប្តាហ៍មុន បានស្នើឲ្យប្រទេសចិន ផ្តល់ព័ត៌មានលម្អិតអំពីការកើនឡើងនៃជំងឺផ្លូវដង្ហើម និងបានរាយការណ៍ពីចង្កោមនៃជំងឺរលាកសួតចំពោះកុមារ។

ប៉ុន្តែមន្ត្រីអង្គការ WHO បាននិយាយកាលពីថ្ងៃចន្ទថា ការកើនឡើងនៃជំងឺនៅក្នុងប្រទេសចិនគឺមិនខ្ពស់ដូចមុនការរាតត្បាតនៃជំងឺកូវីដ១៩នោះទេ ហើយបញ្ជាក់ជាថ្មីថា ខ្លួនមិនបានរកឃើញមេរោគថ្មី ឬមិនធម្មតាណាមួយ នៅក្នុងករណីថ្មីៗឡើយ។

លោក Wang បានប្រាប់អ្នកយកព័ត៌មាននៅ UN ថា “ថ្មីៗនេះ យើងបានឃើញករណីជំងឺគ្រុនផ្តាសាយមួយចំនួន ក្នុងចំណោមកុមារនៅតំបន់ខ្លះនៃប្រទេសចិន។ ជាការពិត នោះគឺជាបាតុភូតទូទៅមួយក្នុងប្រទេសជាច្រើន ហើយនៅចិន បញ្ហានេះបានស្ថិតក្រោមការគ្រប់គ្រងប្រកបដោយប្រសិទ្ធភាពទាំងស្រុង”។

លោកបន្តថា “អន្តរកម្មរបស់ប្រទេសចិនជាមួយសហគមន៍អន្តរជាតិ នឹងមិនរងផលប៉ះពាល់ដោយកត្តាណាមួយឡើយ ហើយយើងស្វាគមន៍ការមកទស្សនាកាន់តែច្រើន ពីមិត្តភក្តិមកពីជុំវិញពិភពលោក”។

សូមបញ្ជាក់ថា ទាំងប្រទេសចិន និង WHO បានប្រឈមមុខនឹងសំណួរ អំពីតម្លាភាពនៃសេចក្តីរាយការណ៍អំពីករណីជំងឺកូវីដ១៩ ដែលលេចឡើងដំបូងបំផុត នៅទីក្រុង Wuhan ប្រទេសចិននាចុងឆ្នាំ២០១៩ ៕

ប្រែសម្រួល៖ Vann Vann

ប្រភព៖ CNA

ចុចអាន៖ លោក Wang Yi ប្រាប់ទៅពិភពអារ៉ាប់ និងឥស្លាមថា ចិន គាំទ្រពេញទំហឹង ដល់ប្រជាជន ប៉ាឡេស្ទីន