ព័ត៌មានអន្ដរជាតិ
ថៃ អនុញ្ញាតឲ្យបើកក្លឹបកម្សាន្ត និងបាររាត្រីរហូតដល់ម៉ោង ៤ ទៀបភ្លឺ
ខុទ្ទកាល័យរបស់នាយករដ្ឋមន្ត្រីថៃបានអនុម័តសេចក្ដីសម្រេចបន្ថែមពេល ២ ម៉ោងទៀតដល់ក្លឹបកម្សាន្ត បាររាត្រី រួមជាមួយខារ៉ាអូខេនៅតំបន់ទេសចរណ៍សំខាន់ៗដូចជា បាងកក ភូកេត ប៉ាតាយ៉ា ឈៀងម៉ៃ និងសាមុយ ឲ្យបើកបានរហូតដល់ម៉ោង ៤ ទៀបភ្លឺ ។
![](https://www.kampucheathmey.com/wp-content/uploads/2023/11/1f323c65-3d11-43ab-bf96-ed8a091aff79.webp)
ពាក់ព័ន្ធនឹងបញ្ហានេះដែរ លោកនាយករដ្ឋមន្ត្រីថៃ សេដ្ឋា ថាវីស៊ីន បញ្ជាក់ថា ច្បាប់ថ្មីនេះនឹងចូលជាធរមានចាប់ពីថ្ងៃទី ១៥ ខែធ្នូតទៅ ដោយសារតែឧស្សាហកម្មទេសចរណ៍ គឺជាកត្តាជំរុញដ៏សំខាន់នៃសេដ្ឋកិច្ចរបស់ថៃ ស្របពេលបច្ចុប្បន្នប្រទេសមួយនេះកំពុងមានកំណើនយឺតជាងគេ បើប្រៀបធៀបនឹងដៃគូក្នុងតំបន់ ។
ទន្ទឹមនោះ ការសម្រេចចិត្តអនុញ្ញាតឲ្យកន្លែងកម្សាន្តបើកបានយូរជាងមុននេះ គឺជាជំហានចុងក្រោយបង្អស់របស់រដ្ឋាភិបាលក្នុងការជំរុញការមកដល់របស់ជនបរទេស បន្ទាប់កាលពីខែកញ្ញា ថៃបានលើកលែងតម្រូវការទិដ្ឋាការសម្រាប់ភ្ញៀវទេសចរចិន រួមជាមួយប្រទេសមួយចំនួនផ្សេងទៀត ។
![](https://www.kampucheathmey.com/wp-content/uploads/2023/11/bar-goto-nyc-bar-interior-Alex-lau-1024x576.webp)
ចាប់តាំងពីដើមឆ្នាំរហូតមកដល់ពេលនេះ ថៃបានស្វាគមន៍ភ្ញៀវទេសចរណ៍បរទេសចំនួន ២៤.៥ លាននាក់ ខណៈតាមគោលដៅកំណត់មានរហូតដល់ ២៨ លាននាក់សម្រាប់រយៈពេលពេញមួយឆ្នាំ ។
គួរបញ្ចាក់ថា នៅមុនពេលជំងឺរាតត្បាត ប្រទេសថៃបានកត់ត្រាចំនួនភ្ញៀវទេសចរជិត ៤០ លាននាក់ ដោយក្នុងនោះមាន ១១ លាននាក់មកពីប្រទេសចិន ខណៈនៅឆ្នាំនេះ រដ្ឋាភិបាលរំពឹងនឹងមានភ្ញៀវមកពីប្រទេសចិនត្រឹមតែ ៣.៥ លាននាក់ប៉ុណ្ណោះ ៕
ប្រែសម្រួល៖ នាង រតនៈ
ប្រភព៖ MSN
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ