មេដឹកនាំរបបយោធាមីយ៉ាន់ម៉ាស្នើសមភាគីថៃជួយគាំទ្រលទ្ធិប្រជាធិបតេយ្យ

នាយករដ្ឋមន្រ្តីថៃលោក ប្រាយុទ្ធ ចាន់អូចា ដែលបានដណ្តើមអំណាចជាលើកដំបូងនៅក្នុងរដ្ឋប្រហារបាននិយាយនៅថ្ងៃពុធ ទី១០ ខែកុម្ភៈ នេះថា លោកបានទទួលលិខិតពីមេដឹកនាំរបបយោធាថ្មីរបស់មីយ៉ាន់ម៉ា ស្នើសុំឲ្យជួយគាំទ្រលទ្ធិប្រជាធិបតេយ្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប្រាយុទ្ធ ដែលបានផ្តួលរំលំនាយករដ្ឋមន្រ្តីជាប់ឆ្នោតកាលពីឆ្នាំ ២០១៤ និងបានចូលកាន់តំណែង បន្ទាប់ពីការបោះឆ្នោតឆ្នាំ ២០១៩ បានប្រាប់អ្នកសារព័ត៌មាននៅទីក្រុងបាងកកថា លោកតែងតែគាំទ្រលទ្ធិប្រជាធិបតេយ្យនៅក្នុងប្រទេសជិតខាង ។

លោក ប្រាយុទ្ធ បាននិយាយថា “យើងគាំទ្រដំណើរការប្រជាធិបតេយ្យនៅក្នុងប្រទេសមីយ៉ាន់ម៉ា ប៉ុន្តែអ្វីដែលសំខាន់បំផុតនៅថ្ងៃនេះគឺរក្សាទំនាក់ទំនងល្អ ពីព្រោះវាជះឥទ្ធិពលដល់ប្រជាជន សេដ្ឋកិច្ចពាណិជ្ជកម្មព្រំដែន ជាពិសេសស្ថានភាពនៅពេលនេះ” ។

ចាប់តាំងពីរដ្ឋប្រហារ ប្រទេសមីយ៉ាន់ម៉ាត្រូវបានជំរុញដោយបាតុកម្មធំបំផុតក្នុងរយៈពេលជាងមួយទសវត្សរ៍ ខណៈក្រុមអ្នកគាំទ្រលោកស្រី អ៊ុងសាន ស៊ូជី បានប្រឆាំងនឹងរដ្ឋប្រហារដែលបានបញ្ឈប់ការផ្លាស់ប្តូរទៅរកលទ្ធិប្រជាធិបតេយ្យក្នុងរយៈពេលមួយទសវត្សរ៍ ។

កងទ័ពរបស់លោក Min Aung Hlaing បានផ្តួលរំលំមេដឹកនាំស៊ីវិលដែលបានជាប់ឆ្នោតលោកស្រី អ៊ុងសាន ស៊ូជី កាលពីថ្ងៃទី ១ ខែកុម្ភៈ និងបានចាប់ឃុំខ្លួនលោកស្រីដោយចោទប្រកាន់ពីបទក្លែងបន្លំនៅក្នុងការបោះឆ្នោតកាលពីឆ្នាំមុនដែលគណបក្សរបស់លោកស្រីបានឈ្នះយ៉ាងភ្លូកទឹកភ្លូកដី ខណៈគណៈកម្មការបោះឆ្នោតបានច្រានចោលការអះអាងរបស់កងទ័ព ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ក្រុមប្រឹក្សាសិទ្ធិមនុស្ស UN នឹងបើកសម័យប្រជុំពិសេសស្តីពីស្ថានភាព មីយ៉ាន់ម៉ា

ចុចអាន ៖ បាតុកម្មប្រឆាំងរដ្ឋប្រហារមីយ៉ាន់ម៉ានៅតែបន្តទោះមានការបង្ហូរឈាម