ព័ត៌មានអន្ដរជាតិ
បេក្ខជន១៦រូប ដាក់ពាក្យឈរឈ្មោះបោះឆ្នោត ប្រជែងតំណែងប្រធានាធិបតីរុស្ស៊ី
គណៈកម្មាធិការរៀបចំការបោះឆ្នោតរុស្ស៊ី (CEC) បានប្រកាសកាលពីថ្ងៃពុធទី២០ខែធ្នូថា ខ្លួនបានទទួលពាក្យពីបេក្ខជនចំនួន១៦រូប សម្រាប់ការឈរឈ្មោះបោះឆ្នោតប្រធានាធិបតី នៅខែមីនាឆ្នាំ២០២៤។
CEC បានប្រកាសពីនីតិវិធីរៀបចំការបោះឆ្នោតប្រធានាធិបតីនៅខែមីនាឆ្នាំ២០២៤ ដោយបញ្ជាក់ថា គណៈកម្មាធិការនឹងបង្កើតការិយាល័យបោះឆ្នោតនៅក្នុងខេត្តចំនួន៤ដែលកាត់យកពីអ៊ុយក្រែនដូចជា Donetsk, Lugansk, Zaporizhzhia និង Kherson។
ម្នាក់ក្នុងចំណោមបេក្ខជនទាំង១៦រូប គឺជាអតីតអ្នកកាសែតទូរទស្សន៍រុស្ស៊ីលោកស្រី Yekaterina Duntsova អាយុ៤០។ កាលពីខែមុន លោកស្រីបានអំពាវនាវឲ្យបញ្ចប់ជម្លោះក្នុងប្រទេសអ៊ុយក្រែន និងដោះលែងសកម្មជននានា រួមទាំងមេដឹកនាំប្រឆាំងរុស្ស៊ីលោក Alexei Navalny ផងដែរ។
លោកស្រី Duntsova គឺជាបេក្ខជនឯករាជ្យ ដូចនេះហើយទើប CEC តម្រូវឲ្យប្រមូលហត្ថលេខាឲ្យបាន៣០០០០០នៅទូទាំងប្រទេសរុស្ស៊ី ដើម្បីគាំទ្របេក្ខភាពរបស់លោកស្រីមុនថ្ងៃទី៣១ខែមករា ផ្ទុយពីបេក្ខជនប្រធានាធិបតីដែលគាំទ្រដោយគណបក្សនយោបាយរុស្ស៊ី ដែលតម្រូវឲ្យប្រមូលហត្ថលេខាគាំទ្រ ត្រឹម១០០០០០ប៉ុណ្ណោះ។
ដោយឡែក កាលពីថ្ងៃទី១៩ខែធ្នូ គណបក្សប្រជាធិបតេយ្យសេរីរុស្ស៊ី (LDPR) បានជ្រើសតាំងមេដឹកនាំឈ្មោះ Leonid Slutsky អាយុ៥៥ឆ្នាំ ធ្វើជាបេក្ខជនឈរឈ្មោះប្រជែងតំណែងប្រធានាធិបតី។ លោក Slutsky បញ្ជាក់ថា ច្បាស់ណាស់ វត្តមានរបស់លោក នឹងក្លាយជាឧបសគ្គដ៏ធំចំពោះលោក វ្ល៉ាឌីមៀរ ពូទីន។
យោងតាមច្បាប់បោះឆ្នោតរុស្ស៊ី បេក្ខជនប្រធានាធិបតីដែលឈរឈ្មោះសម្រាប់ការបោះឆ្នោតនៅខែមីនាឆ្នាំក្រោយ គឺត្រូវដាក់ពាក្យសុំចុះឈ្មោះឲ្យបានមុនថ្ងៃទី២៧ខែធ្នូ ហើយបន្ទាប់មកត្រូវប្រមូលហត្ថលេខាគាំទ្រឲ្យបានគ្រប់គ្រាន់តាមបទប្បញ្ញត្តិ ដើម្បីសិទ្ធិបញ្ចូលឈ្មោះទៅក្នុងបញ្ជីបោះឆ្នោត។
ការបោះឆ្នោតប្រធានាធិបតីរុស្ស៊ីគ្រោងប្រព្រឹត្តទៅនៅថ្ងៃទី ១៥ដល់១៧ ខែមីនាឆ្នាំក្រោយ ខណៈអ្នកឈ្នះនឹង ត្រូវស្បថចូលកាន់តំណែងនៅខែឧសភាឆ្នាំ ២០២៤។
លោកប្រធានាធិបតី ពូទីន អាយុ៧១ឆ្នាំ បានប្រកាសថាលោកនឹងឈរឈ្មោះជាប្រធានាធិបតីជាបេក្ខជនឯករាជ្យ ហើយប្រសិនបើលោកឈ្នះឆ្នោតមែន ប្រធានាធិបតីរូបនេះ នឹងបន្តកាន់អំណាចរហូតដល់ឆ្នាំ២០៣០ ហើយនៅតែអាចឈរឈ្មោះសម្រាប់ការបោះឆ្នោតអាណត្តិបន្ទាប់៦ឆ្នាំទៀត៕
ប្រែសម្រួល៖ Vann Vann
ប្រភព៖ VN Express
ចុចអាន៖ លោក ពូទីន ចាត់វិធានការឆ្លើយតបទៅ ហ្វាំងឡង់ ចំពោះការចូលអង្គការណាតូ
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ