សហរដ្ឋអាមេរិកដាក់ទណ្ឌកម្មមន្ត្រីយោធាមីយ៉ាន់ម៉ា ១០ រូបពីបទធ្វើរដ្ឋប្រហារ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

សហរដ្ឋអាមេរិកដាក់ទណ្ឌកម្មមន្ត្រីយោធាមីយ៉ាន់ម៉ា ១០ រូបពីបទធ្វើរដ្ឋប្រហារ

Published

on

សហរដ្ឋអាមេរិកបានដាក់ទណ្ឌកម្មដល់មន្ត្រីយោធាមីយ៉ាន់ម៉ាចំនួន ១០ រូបកាលពីថ្ងៃព្រហស្បតិ៍ចំពោះតួនាទីរបស់ពួកគេក្នុងការផ្តួលរំលំរដ្ឋាភិបាលស៊ីវិលរបស់ប្រទេសអាគ្នេយ៍មួយនេះ ។

ក្នុងចំណោមអ្នកដែលត្រូវបានដាក់ទណ្ឌកម្មមានអគ្គមេបញ្ជាការ Min Aung Hlaing និងអនុសេនីរបស់គាត់គឺលោក Soe Win ។ អ្នកទាំងពីរក៏ធ្លាប់ត្រូវបានដាក់ទណ្ឌកម្មនៅក្នុងឆ្នាំ ២០១៩ ចំពោះការរំលោភសិទ្ធិមនុស្សទាក់ទងនឹងការបង្ក្រាបដោយអំពើហិង្សារបស់យោធាទៅលើជនភៀសខ្លួនរ៉ូហ៊ីងយ៉ាដែលជាជនជាតិភាគតិចមូស្លីមរបស់ប្រទេស ។

លើសពីនេះទៅទៀតលោក Myint Swe អតីតមន្រ្តីយោធាដែលបច្ចុប្បន្នជាអនុប្រធានាធិបតីទី ១ របស់មីយ៉ាន់ម៉ា និងឧត្តមសេនីយទោ ៣ រូបទៀតត្រូវបានបញ្ចូលទៅក្នុងបញ្ជីខ្មៅសហរដ្ឋអាមេរិក ។

ទន្ទឹមនោះក្រុមហ៊ុនចំនួន ៣ ដែលជាប់ទាក់ទងទៅនឹងយោធារបស់ប្រទេសមីយ៉ាន់ម៉ាដូចជា ក្រុមហ៊ុនសហគ្រាស Myanmar Ruby Enterprise ក្រុមហ៊ុន Myanmar Imperial Jade Co.,LTD និងក្រុមហ៊ុនត្បូង និងគ្រឿងអលង្ការ Cancri Co., LTD ក៏ត្រូវបានដាក់ទណ្ឌកម្មផងដែរ ។

សេតវិមានបាននិយាយថា ការដាក់ទណ្ឌកម្មនេះគឺអំពាវនាវដល់កងទ័ព Tatmadaw ដែលយោធារបស់ប្រទេសមីយ៉ាន់ម៉ាត្រូវបានគេស្គាល់ជាផ្លូវការឲ្យប្រគល់អំណាចដល់មេដឹកនាំដែលបានជាប់ឆ្នោត បញ្ចប់ការដាក់ប្រទេសក្នុងស្ថានភាពអាសន្ន និងដោះលែងអ្នកដែលត្រូវបានចាប់ឃុំខ្លួន ។

សេតវិមានបាននិយាយនៅក្នុងសេចក្តីថ្លែងការណ៍មួយថា “លទ្ធផលនៃការបោះឆ្នោតនៅភូមានៅថ្ងៃទី ៨ ខែវិច្ឆិកា ឆ្នាំ ២០២១ ត្រូវតែគោរព ហើយសភាគួរតែត្រូវបានកោះប្រជុំ” ។

សេតវិមានបន្ថែមថា “សហរដ្ឋអាមេរិកនឹងបន្តធ្វើការជាមួយសម្ព័ន្ធមិត្ត ដៃគូ និងអង្គការអន្តរជាតិរបស់យើង នៅពេលដែលយើងថ្កោលទោសចំពោះសកម្មភាពរបស់យោធាភូមា និងអំពាវនាវឲ្យមានការស្តារលទ្ធិប្រជាធិបតេយ្យឡើងវិញជាបន្ទាន់” ។

បន្ថែមលើការដាក់ទណ្ឌកម្ម សហរដ្ឋអាមេរិកកំពុងដាក់ការត្រួតពិនិត្យការនាំចេញលើទំនិញរសើបទៅក្រសួងការពារជាតិមីយ៉ាន់ម៉ា ក្រសួងមហាផ្ទៃ កងកម្លាំងប្រដាប់អាវុធ និងសេវាកម្មសន្តិសុខ ។

បន្ថែមពីនេះថវិការដ្ឋាភិបាលរបស់មីយ៉ាន់ម៉ាប្រហែលជា ១ ពាន់លានដុល្លារស្ថិតនៅក្រោមយុត្តាធិការរបស់សហរដ្ឋអាមេរិកក៏ត្រូវបានបង្កកផងដែរ ។

សកម្មភាពនេះធ្វើឡើង បន្ទាប់ពីយោធាមីយ៉ាន់ម៉ាបានចាប់ឃុំខ្លួនសមាជិកជាន់ខ្ពស់ជាច្រើននាក់របស់គណបក្សលោកស្រី អ៊ុងសាន ស៊ូជី ក៏ដូចជាក្នុងរលកថ្មីនៃការចាប់ខ្លួនឥស្សរជនជាន់ខ្ពស់កាលពីល្ងាចថ្ងៃពុធ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ វីដេអូស្តែងៗ ថតជាប់បាតុករមីយ៉ាន់ម៉ា ត្រូវប៉ូលិសបាញ់គ្រាប់ពិតចំក្បាល

ចុចអាន ៖ គណៈកម្មាធិការតំណាងសភាមីយ៉ាន់ម៉ាចាត់វិធានការប្រឆាំងប៉ូលិសបាញ់គ្រាប់ពិតចំក្បាលបាតុករ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ6 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ6 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ7 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ8 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ9 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services