ព័ត៌មានអន្ដរជាតិ

សង្គ្រាមចូលឆ្នាំទី២ លោក Zelenskiy ថា អ៊ុយក្រែនកាន់តែខ្លាំងជាងមុន

បានផុស

៣ years មុន

នៅ

ថ្ងៃចន្ទ ១ មករា ២០២៤

ដោយ

លោកប្រធានាធិបតី Volodymyr Zelenskiy បានអះអាងពីប្រទេសអ៊ុយក្រែនរបស់ខ្លួនកាន់តែខ្លាំងជាងមុនដើម្បីបោះជំហានឆ្ពោះទៅឆ្នាំទី២នៃសង្គ្រាមជាមួយប្រទេសរុស្ស៊ី។

ក្នុងវីដេអូរយៈពេល២០នាទីនៃការថ្លែងសុន្ទរកថាដើម្បីអបអរសាទរឆ្នាំ២០២៤នាព្រឹកថ្ងៃចន្ទ ទី១ ខែមករា ស្ទើរតែមិនបានលើកឡើងពាក់ព័ន្ធផ្ទាល់ទៅនឹងស្ថានភាពជួរមុខដែលមានចម្ងាយប្រមាណ១ពាន់គីឡូម៉ែត្រ ឬក៏ជោគជ័យមានកម្រិតពីការវាយប្រហារដែលបានចាប់ផ្តើមកាពីខែមិថុនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមតែប៉ុណ្ណោះលោកប្រធានាធិបតីមិនបានលើកឡើងពីការលំបាកផ្នែកនយោបាយ និងការទូតក្នុងការធានាបន្តប្រតិបត្តិការយោធា ក៏ដូចជាជំនួយពីសហរដ្ឋអាមេរិក និងសហភាពអឺរ៉ុបឡើយ។

លោក Zelenskiy បាននិយាយថា សង្គ្រាមបានបង្រៀនប្រជាជនអ៊ុយក្រែនឲ្យក្រោកឈរតស៊ូពីការវាយប្រហាររបស់រុស្ស៊ី និងសម្របខ្លួនទៅក្នុងស្ថានភាពលំបាក រួមទាំងការដាច់ភ្លើង ប្រតិបត្តិការឧស្សាហ៍កម្ម និងការគំរាមកំហែងក្នុងការដឹកជញ្ជូនទំនិញតាមផ្លូវទឹក។

«លទ្ធផលធំនៃឆ្នាំកន្លងទៅ ជោគជ័យចម្បងរបស់យើងគឺ អ៊ុយក្រែនកាន់តែរឹងមាំ។ ប្រជាជនអ៊ុយក្រែនកាន់តែរឹងមាំខ្លាំងឡើង»។ លោក Zelenskiy មានប្រសាសន៍ក្នុងវីដេអូសុន្ទរកថាដែលមានរំលេចរូបភាពពីទីក្រុងស្ថិតក្រោមការវាយប្រហារ ក៏ដូចជាជំនួបជាមួយមេដឹកនាំនៃសម្ព័ន្ធមិត្តអឺរ៉ុប។

លោកបន្តថា ៖«នៅពេល ការចាប់ផ្តើមឆ្នាំ២០២៣ យើងបានឆ្លងកាត់ដោយគ្មានការបំភ្លើស។ ក្នុងរដូវរងាគឺជាពេលវេលាលំបាកបំផុតក្នុងប្រវត្តិសាស្ត្ររបស់ពួកយើង។ នៅពេលយើងបញ្ជាក់ថា ពលរដ្ឋអ៊ុយក្រែនរឹងមាំជាងត្រជាក់ និងភាពងងិត។ ខ្លាំងជាងការដាច់ភ្លើង និងខ្លាំងជាងការគំរាមកំហែងដាច់ភ្លើង។ ពលរដ្ឋអ៊ុយក្រែនខ្លាំងជាងការបិទផ្លូវ ខ្លាំងជាងវេតូ ការមិនជឿជាក់ ឬការសង្ស័យ»៕

ប្រែសម្រួល៖ វីរបុត្រ
ប្រភព៖ theguardian