ព័ត៌មានអន្ដរជាតិ
ស្តេចប្រេងអាស៊ី ចូលរួមក្នុងក្រុម BRICS ជាផ្លូវការ
ទីបំផុត ក្រោយការចរចារាប់ខែ ពេលនេះ ស្តេចប្រេងអាស៊ី គឺប្រទេសអារ៉ាប៊ីសាអូឌីត បានប្រកាសជាផ្លូវការថា ខ្លួនចូលរួមជាមួយក្រុម BRICS ហើយ។
![](https://www.kampucheathmey.com/wp-content/uploads/2024/01/image-126.png)
រដ្ឋាភិបាលទីក្រុងរីយ៉ាដ បានដុតដៃដុតជើងខ្លាំងណាស់ ដើម្បីចូលជាសមាជិករបស់ក្រុមនេះ ហើយកាលពីខែសីហាឆ្នាំ២០២៣ រដ្ឋមន្ត្រីការបរទេសគឺព្រះអង្គម្ចាស់ Faisal bin Farhan មានបន្ទូលថា ព័ត៌មានលម្អិតទាំងអស់នឹងត្រូវបានវាយតម្លៃ មុនធ្វើការសម្រេចចិត្តណាមួយ ហើយនៅពេលនោះ ព្រះអង្គក៏មានបន្ទូលដែរថា ក្រុម BRICS គឺជា បណ្តាញដ៏មានអត្ថប្រយោជន៍និងសំខាន់ សម្រាប់ការជំរុញកិច្ចសហប្រតិបត្តិការសេដ្ឋកិច្ចរវាងប្រទេសជាសមាជិក។
![](https://www.kampucheathmey.com/wp-content/uploads/2024/01/image-127-1024x657.png)
គិតត្រឹមចុងឆ្នាំ២០២៣ BRICS មានសមាជិកតែ៥ប្រទេសប៉ុណ្ណោះដូចជាប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង ប៉ុន្តែឥឡូវមិនមែនមានតែអារ៉ាប៊ីសាអូឌីតទេ ដែលបានប្រកាសចូលជាសមាជិកថ្មី ពោលគឺគ្រាន់តែចូលឆ្នាំ២០២៤ភ្លាមនៅមានប្រទេសចំនួន៤ទៀតដែលចូលក្រុមនេះ ដូចជាអេហ្ស៊ីប អេត្យូពី អ៊ីរ៉ង់ និងអារ៉ាប់រួម នាំឲ្យ BRICS កើនសមាជិកដល់ ១០ប្រទេសហើយ។
លើសពីនេះ BRICS ត្រូវបានគេរំពឹងថា នឹងកើនសមាជិកថែមនៅចុងឆ្នាំ២០២៤ ដោយប្រទេសវេណេស៊ុយអេឡា ចង់ក្លាយជាសមាជិកអចិន្ត្រៃយ៍ ក្នុងកិច្ចប្រជុំកំពូលលើកក្រោយនៅប្រទេសរុស្ស៊ី នាខែតុលាឆ្នាំ២០២៤។
![](https://www.kampucheathmey.com/wp-content/uploads/2024/01/image-125.png)
ឆ្នាំនេះ រុស្ស៊ីបានកាន់តំណែងជាប្រធានប្តូរវេន ដោយលោកប្រធានាធិបតី វ្ល៉ាឌីមៀរ ពូទីន បានប្តេជ្ញាសម្របសម្រួលការធ្វើសមាហរណកម្មប្រកបដោយសុខដុមរមនាជាមួយដៃគូថ្មី។ លើសពីនេះ លោកពូទីនបានបញ្ជាក់ថា ប្រទេសចំនួន៣០ផ្សេងទៀត ក៏មានបំណងចូលរួមក្នុងសកម្មភាពរបស់ក្រុមនេះផងដែរ។
យោងតាមតួលេខរបស់មូលនិធិរូបិយវត្ថុអន្តរជាតិ (IMF), ពេលនេះ ក្រុម BRICS បានវ៉ាដាច់ក្រុមប្រទេសអ្នកមាន G7 ហើយ បើគិតពី GDP សកលពោលគឺស្មើនឹង ៣៦% នៃចំនួនសរុបពិភពលោក៕
ប្រែសម្រួល៖ Vann Vann
ប្រភព៖ RT
ចុចអាន៖ មេដឹកនាំ BRICS យល់ព្រមពង្រីក សមាជិកភាពនៅក្នុងកិច្ចប្រជុំកំពូល
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ