ព័ត៌មានអន្ដរជាតិ
អ្នកវិទ្យាសាស្រ្តព្រមានថា ឆ្នាំនេះ ពិភពលោកនឹងជួបគ្រោះធម្មជាតិ សាហាវៗជាងឆ្នាំមុនទៅទៀត
ត្បិត២០២៣ ជាប់ជាឆ្នាំក្តៅបំផុតក្នុងប្រវត្តិសាស្រ្តក៏ពិតមែន ប៉ុន្តែពេលនេះ អ្នកជំនាញមួយចំនួនបានព្រមានថា ឆ្នាំ២០២៤ នឹងក្តៅជាងឆ្នាំមុនទៅទៀត ហើយពោរពេញទៅដោយគ្រោះធម្មជាតិ ដែលកាន់តែកាចសាហាវឡើងៗ។
ជាការពិត អាកាសធាតុសកលលោកឡើងក្តៅលើសកម្រិតមធ្យម គឺជាចម្បងបណ្តាលមកពី ការដុតឥន្ធនៈហ្វូស៊ីល ធ្វើឲ្យបរិមាណឧស្ម័នផ្ទះកញ្ចក់នៅក្នុងបរិយាកាស កើនឡើង។
ក្នុងឆ្នាំ២០២៣ សីតុណ្ហភាពជាមធ្យមគឺប្រហែល១.៤អង្សាសេ ហើយឥឡូវ ក្រុមអ្នកវិទ្យាសាស្រ្តប៉ាន់ស្មានថា សីតុណ្ហភាពជាមធ្យមក្នុងឆ្នាំ២០២៤នេះ នឹងអាចឈានដល់១.៦អង្សាសេឯណោះ។
កត្តាដែលនាំឲ្យអ្នកវិទ្យាសាស្រ្តព្រមានបែបនេះគឺ ពាក់ព័ន្ធទៅនឹងបាតុភូត El Niño។ El Niño ត្រូវបានកំណត់លក្ខណៈដោយសីតុណ្ហភាពទឹកសមុទ្រក្តៅ នៅតំបន់ត្រូពិកប៉ាស៊ីហ្វិក ខុសពី La Niña ដែលត្រូវបានកំណត់លក្ខណៈដោយសីតុណ្ហភាពទឹកសមុទ្រត្រជាក់។
នៅពេលសីតុណ្ហភាពលើផ្ទៃសមុទ្រឡើងកម្តៅក្នុងអំឡុងពេល El Niño, ខ្យល់ខាងលើទឹកក៏ក្តៅដូចគ្នាដែរ ដោយសារតែការផ្លាស់ប្តូរចរន្តទឹកសមុទ្រ និងលំនាំអាកាសធាតុ។
លោកស្រី Ulla Heede អ្នកវិទ្យាសាស្ត្រនៅអង្គការមិនរកប្រាក់ចំណេញ [C]Worthy បានបញ្ជាក់ថា កត្តាជាច្រើនបូករួមទាំងចរន្តខ្យល់ក្តៅនៅលើផ្ទៃមហាសមុទ្រ ជាហេតុបង្កឲ្យមានគំរូអាកាសធាតុផ្សេងៗ។ ម្យ៉ាងវិញទៀត តាមធម្មតា បើ El Niño ចូលដល់ឆ្នាំទី២ នោះវាតែងតែក្តៅជាងឆ្នាំទី១ ហើយបង្កើតបានជាគ្រោះធម្មតជាតិកាន់តែកាចសាហាវ ដូចជាទឹកជំនន់ រលកកម្តៅ ភ្លើងឆេះព្រៃ ព្យុះ និងគ្រោះរាំងស្ងួតជាដើម។ នេះមានន័យថា ឆ្នាំ២០២៤ ពិភពលោកនឹងជួបគ្រោះធម្មជាតិ សាហាវៗជាងឆ្នាំ២០២៣ទៅទៀត។
សូមបញ្ជាក់ កាលពីឆ្នាំ២០២៣, កក្កដា គឺជាខែដែលក្តៅបំផុត ចំណែកថ្ងៃទី៦ខែកក្កដា គឺជាថ្ងៃដែលក្តៅបំផុត ហើយអ្នកវិទ្យាសាស្រ្តបានព្រមានឲ្យយើងគ្រប់គ្នា គួរតែត្រៀមខ្លួនឲ្យបានគ្រប់គ្រាន់ ដើម្បីទប់ទល់នឹងគ្រោះធម្មជាតិណាមួយក្នុងឆ្នាំ២០២៤នេះ៕
ប្រែសម្រួល៖ Vann Vann
ប្រភព៖ Straits Times
ចុចអាន៖ សោកនាដកម្មគ្រោះធម្មជាតិ ឆក់យកជីវិតមនុស្សជាង ២ម៉ឺននាក់ ត្រឹមប៉ុន្មានថ្ងៃ នៅប្រទេស២ ក្នុងទ្វីបតែមួយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ