ព័ត៌មានអន្ដរជាតិ
លោក Medvedev៖ សាកបាញ់ទីតាំងមីស៊ីលរបស់រុស្ស៊ីមើល នុយក្លេអ៊ែរនឹងហោះទៅអ៊ុយក្រែនភ្លាម!
ឆ្លើយតបទៅនឹងការដែលគេអំពាវនាវឲ្យអ៊ុយក្រែនវាយប្រហារលើទីតាំងបាញ់មីស៊ីលរបស់រុស្ស៊ី, អតីតប្រធានាធិបតីរុស្ស៊ីនិងបច្ចុប្បន្នជាអនុប្រធានក្រុមប្រឹក្សាសន្តិសុខជាតិ លោក Dmitry Medvedev បានគំរាមថា “សាកបាញ់មើល! នុយក្លេអ៊ែរនឹងហោះទៅអ៊ុយក្រែនភ្លាម មិនខាន”។ នេះបើតាមការចុះផ្សាយរបស់ RT កាលពីថ្ងៃព្រហស្បតិ៍ទី១១ខែមករា។
![](https://www.kampucheathmey.com/wp-content/uploads/2024/01/image-718.png)
ក្នុងសារលើឆានែលតេឡេក្រាម លោក Medvedev សរសេរថា “មានអ្នកឈ្លក់វង្វេងនឹងសង្គ្រាមនៅអ៊ុយក្រែន បានឲ្យយោបល់ថា វិធីសាស្រ្តប្រយុទ្ធជាមួយរុស្ស៊ី គឺត្រូវប្រើមីស៊ីលរយៈចម្ងាយឆ្ងាយដែលផ្តល់ដោយលោកខាងលិច យកទៅកម្ទេចទីតាំងបាញ់បង្ហោះមីស៊ីលរបស់ទីក្រុងមូស្គូតែម្តង។ សាកធ្វើអ៊ីចឹងមើល! ផលវិបាកតែមួយគត់គឺ នឹងបង្កឲ្យមានការឆ្លើយតបដោយអាវុធនុយក្លេអ៊ែរ ជាក់ជាមិនខាន”។
លោកបន្តថា “នេះមិនមែនជាសិទ្ធិការពារខ្លួនទេ ប៉ុន្តែជាមូលដ្ឋានផ្ទាល់និងជាក់ស្តែង សម្រាប់យើងក្នុងការប្រើប្រាស់អាវុធនុយក្លេអ៊ែររបស់ខ្លួន ប្រឆាំងនឹងរដ្ឋបែបនេះ។ គោលការណ៍យោធារបស់រុស្ស៊ី អនុញ្ញាតឲ្យខ្លួនបាញ់នុយក្លេអ៊ែរយុទ្ធសាស្ត្រ ទៅលើប្រទេសណា ដែលដាក់ភាពជារដ្ឋរបស់រុស្ស៊ីស្ថិតក្នុងហានិភ័យ សូម្បីតែតាមរយៈការប្រើប្រាស់អាវុធធម្មតាក៏ដោយ”។
ការគំរាមរបស់លោក Medvedev កើតឡើង បន្ទាប់ពីអ្នកនាំពាក្យកងទ័ពអាកាសអ៊ុយក្រែន លោក Yury Ignat ថ្លែងតាមទូរទស្សន៍ជាតិថា ទីក្រុងកៀវ គ្មានលទ្ធភាពបាញ់ទម្លាក់មីស៊ីល S-300 រាប់ពាន់ដែលរក្សាទុកនៅក្នុងឃ្លាំងរបស់រុស្ស៊ី ហើយត្រូវយកមកបាញ់លើអ៊ុយក្រែនបានទេ។ លោកផ្តល់យោបល់ថា “វិធីសាស្ត្រល្អបំផុត ដើម្បីទប់ស្កាត់ការវាយប្រហារបែបនេះ គឺត្រូវបំផ្លាញជើងទម្របាញ់មីស៊ីលដែលមានទីតាំងនៅលើទឹកដីរុស្ស៊ី ហើយដើម្បីសម្រេចកិច្ចការនេះ ទីក្រុងកៀវ ត្រូវប្រើអាវុធទំនើប ដែលមានសមត្ថភាពបាញ់ចំគោលដៅជាក់លាក់”។
![](https://www.kampucheathmey.com/wp-content/uploads/2024/01/image-719-1024x576.png)
នេះមិនមែនជាលើកទី១ទេ ដែលលោក Medvedev គំរាមបាញ់អាវុធនុយក្លេអ៊ែរ។ ជាច្រើនលើកច្រើនសាមកហើយ លោកតែងតែព្រមានបែបនេះ ហើយមិនមែនគំរាមបាញ់ត្រឹមអ៊ុយក្រែនទេ ពោលគឺដល់ថ្នាក់គំរាមបាញ់ទៅប្រទេសលោកខាងលិចទៀតផង។
សូមបញ្ជាក់ជាថ្មីថា នៅថ្ងៃទី២៤ខែកុម្ភៈឆ្នាំ២០២២ រុស្ស៊ី បានបើកប្រតិបត្តិការយោធាពិសេសក្នុងប្រទេសអ៊ុយក្រែន ក្នុងគោលបំណងរំដោះតំបន់ Donbass ព្រោះថាបើយោងតាមភាគីរុស្ស៊ី, នៅទីនោះប្រជាជននៃសាធារណរដ្ឋ Donetsk និង Lugansk បានរស់នៅក្រោមគ្រាប់ផ្លោងរបស់កងកម្លាំងទីក្រុងកៀវ សឹងរាល់ថ្ងៃ។ មិនត្រឹមប៉ុណ្ណឹង ទីក្រុងមូស្គូថែមទាំងអះអាងដែរថា ខ្លួនចង់លុបបំបាត់មនោគមវិជ្ជាណាស៊ី ក៏ដូចជាភាពគ្មានយោធារបស់អ៊ុយក្រែន ទៀតផង៕
អត្ថបទ៖ សុខ សុវណ្ណ
ចុចអាន៖ ក្រោយលោក Zelensky ថា សង្រ្គាមវិលត្រលប់ទៅរុស្ស៊ីវិញ ស្រាប់តែលោក Medvedev គំរាមបាញ់នុយក្លេអ៊ែរ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ