ព័ត៌មានអន្ដរជាតិ
កងទ័ពមីយ៉ាន់ម៉ា ដាក់ទោសពលរដ្ឋណាដែលមិនរាយការណ៍អ្នកមកផ្ទះខ្លួនពេលយប់ទៅអាជ្ញាធរ
កងទ័ពមីយ៉ាន់ម៉ាបានយកមកប្រើវិញនូវច្បាប់មួយ ដែលតម្រូវឲ្យប្រជាជនរាយការណ៍ពីអ្នកដែលទៅផ្ទះរបស់ពួកគេនាពេលយប់ ខណៈប៉ូលិសតាមប្រមាញ់អ្នកគាំទ្របាតុកម្មដែលបានអង្រួនប្រទេសនេះចាប់តាំងពីការធ្វើរដ្ឋប្រហារយោធាកាលពីថ្ងៃទី១ខែកុម្ភៈមក។
ការធ្វើវិសោធនកម្មច្បាប់រដ្ឋបាលភូមិ បានប្រកាសកាលពីល្ងាចថ្ងៃសៅរ៍ទី១៣ខែកុម្ភៈនៅលើទំព័រ Facebook ដែលគ្រប់គ្រងដោយយោធា គឺជាវិធានការផ្លូវច្បាប់ចុងក្រោយបង្អស់ដែលត្រូវបានណែនាំដោយកងទ័ព។
អតីតរដ្ឋាភិបាលស៊ីវិលដឹកនាំដោយលោកស្រី អ៊ុងសាន ស៊ូជី បានលុបចោលច្បាប់នេះ ដែលប្រើប្រាស់ក្រោមការដឹកនាំដោយយោធាអស់រយៈពេលជាច្រើនទសវត្សរ៍។
ក្រោមការធ្វើវិសោធនកម្មនេះ ប្រជាពលរដ្ឋត្រូវប្រឈមនឹងការផាកពិន័យឬដាក់ពន្ធនាគារ ប្រសិនបើពួកគេមិនរាយការណ៍ពីអ្នកទៅផ្ទះរបស់ខ្លួនទៅកាន់អាជ្ញាធរមូលដ្ឋាន។
នៅពេលបាតុកម្មប្រឆាំងរដ្ឋប្រហារកាន់តែពុះកញ្ជ្រោលក្នុងទីក្រុងធំបំផុត យ៉ាំងហ្គោន, រដ្ឋធានី ណៃពិដោនិងកន្លែងផ្សេងទៀតកាលពីថ្ងៃសៅរ៍ កងទ័ពបាននិយាយថា ដីកាចាប់ខ្លួនត្រូវបានចេញសម្រាប់អ្នករិះគន់ការគ្រប់គ្រងយោធាចំនួន៧នាក់ ពាក់ព័ន្ធការអត្ថាធិប្បាយរបស់ពួកគេនៅលើបណ្តាញសង្គម។
ក្រុមព័ត៌មាន True News របស់កងទ័ពបាននិយាយនៅក្នុងសេចក្តីថ្លែងការណ៍មួយថា ប្រជាជនគួរតែជូនដំណឹងដល់ប៉ូលិសប្រសិនបើពួកគេបានឃើញឈ្មោះណាមួយហើយនឹងត្រូវទទួលទណ្ឌកម្មប្រសិនបើពួកគេព្យាយាមលាក់បាំង។
សមាគមជំនួយសម្រាប់អតីតអ្នកទោសនយោបាយដែលជាក្រុមឃ្លាំមើលមីយ៉ាន់ម៉ាបាននិយាយថា មនុស្សយ៉ាងតិច៣៨៤នាក់ត្រូវបានឃុំខ្លួនទូទាំងប្រទេស ចាប់តាំងពីរដ្ឋប្រហារមក ដោយភាគច្រើនត្រូវចាប់ខ្លួននៅក្នុងការវាយឆ្មក់ពេលយប់៕
ប្រែសម្រួលដោយ៖ Vann Vann
ប្រភព៖ CNA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ