ព័ត៌មានអន្ដរជាតិ
ក្រុមហ៊ុនអាកាសចរណ៍ធំមួយរបស់កូរ៉េខាងត្បូង តម្រូវឲ្យអ្នកដំណើរថ្លឹងទម្ងន់សិន មុនឡើងយន្តហោះ
កាសែត The Straits Times បានចុះផ្សាយនៅថ្ងៃចន្ទទី២២ខែមករាថា ក្រុមហ៊ុនអាកាសចរណ៍ Asiana Airlines បានចាប់ផ្តើមថ្លឹងទម្ងន់អ្នកដំណើរតាមជើងហោះហើរអន្តរជាតិរបស់ខ្លួន នៅពេលពួកគេចេញដំណើរពីអាកាសយានដ្ឋានអន្តរជាតិ Gimpo ក្នុងទីក្រុងសេអ៊ូល។
តាមការឲ្យដឹងពីក្រុមហ៊ុនដឹកជញ្ជូនធំលំដាប់ទីពីររបស់ប្រទេសកូរ៉េខាងត្បូងមួយនេះ, ខ្លួនចាប់ផ្តើមថ្លឹងទម្ងន់អ្នកដំណើរជាប្រចាំ រួមទាំងអីវ៉ាន់តាមខ្លួនផងដែរ ដើម្បីគណនាទម្ងន់ជាមធ្យមចាប់ពីថ្ងៃទី២២ដល់ថ្ងៃទី៣១ខែមករា។
ទោះបីជាយ៉ាងណាក៏ដោយ ក្រុមហ៊ុនអះអាងថា ទិន្នន័យនឹងមិនយកទៅប្រើសម្រាប់គោលបំណងផ្សេង ក្រៅតែពីការគណនាទម្ងន់អ្នកដំណើរជាមធ្យមនោះឡើយ។ អ្នកដំណើរ នឹងត្រូវបានស្នើសុំឲ្យឈរនៅលើជញ្ជីង ទាំងដែលមិនចាំបាច់ប្តូរសម្លៀកបំពាក់ និងទុកកាបូប។
ដោយឡែក យោងតាមទីភ្នាក់ងារសារព័ត៌មាន Yonhap, ទម្ងន់ស្តង់ដារ នឹងអាចជួយសម្រួលដល់ទម្ងន់របស់យន្តហោះ និងបង្កើនសុវត្ថិភាពហោះហើរ ហើយទិន្នន័យនេះ នឹងផ្តល់ព័ត៌មានដល់ក្រុមហ៊ុនថាតើពួកគេគួរចាក់ប្រេងប៉ុន្មានដល់យន្តហោះ។
Asiana Airlines ត្រូវបានបង្កើតឡើងក្នុងឆ្នាំ១៩៨៨ ដែលមានទីស្នាក់ការកណ្តាលនៅទីក្រុងសេអ៊ូល។ ក្នុងឆ្នាំ២០១៩ ក្រុមហ៊ុននេះជួយរួមចំណែក ២៥% នៃទីផ្សារអាកាសចរណ៍អន្តរជាតិរបស់កូរ៉េខាងត្បូង និង២០% នៃទីផ្សារក្នុងស្រុករបស់ខ្លួន។
ក្រុមហ៊ុននេះ មានជើងហោះហើរអន្តរជាតិចំនួន៩០ និងក្នុងស្រុកចំនួន១៤ រួមទាំងជើងហោះហើរដឹកទំនិញចំនួន២៧នៅទូទាំងអាស៊ី អឺរ៉ុប អាមេរិកខាងជើង និងអូសេអានី ហើយគិតត្រឹមខែធ្នូឆ្នាំ២០១៤ ក្រុមហ៊ុននេះមានបុគ្គលិកចំនួន១០១៨៣នាក់។
សូមបញ្ជាក់ នេះមិនមែនជាលើកដំបូងទេដែលក្រុមហ៊ុនអាកាសចរណ៍ ថ្លឹងទម្ងន់ ពោលគឺមុននេះក្រុមហ៊ុន Korean Air និង Air New Zealand ក៏បានថ្លឹងទម្ងន់អ្នកដំណើរដែរក្នុងឆ្នាំ២០២៣៕
អត្ថបទ៖ សុខ សុវណ្ណ
ចុចអាន៖ រកឃើញ ក្រុមហ៊ុនអាកាសចរណ៍មានសុវត្ថិភាពបំផុតលើលោក សម្រាប់ឆ្នាំ២០២៤
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១១ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ១២ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ជីវិតកម្សាន្ដ១៦ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ