Connect with us

ព័ត៌មានអន្ដរជាតិ

លោក ពូទីន សួរ អ៊ុយក្រែន ថា បាញ់ទម្លាក់យន្តហោះឈ្លើយសឹកថ្ងៃមុនជា​ចេតនា ឬច្រឡំដៃ

បានផុស

នៅ

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយកាលពីថ្ងៃសុក្រថា យន្តហោះយោធារុស្ស៊ីដែលធ្លាក់នៅជិតតំបន់ព្រំដែនជាមួយអ៊ុយក្រែន ត្រូវបានបាញ់ទម្លាក់ដោយប្រព័ន្ធខែលការពារដែនអាកាសរបស់អ៊ុយក្រែន ទោះជាចេតនា ឬច្រឡំដៃក៏ដោយ ។ នេះបើយោងតាមការចុះផ្សាយដោយទីភ្នាក់ងារព័ត៌មាន Reuters នៅថ្ងៃទី២៧ ខែមករានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បាននិយាយនៅក្នុងការអត្ថាធិប្បាយតាមទូរទស្សន៍ជាលើកដំបូង ក្រោយការធ្លាក់យន្តហោះនោះថា “ខ្ញុំមិនដឹងថា អ៊ុយក្រែនបាញ់ទម្លាក់យន្តហោះដោយចេតនា ឬច្រឡំដៃនោះទេ ប៉ុន្តែវាច្បាស់ណាស់ ពួកគេបានបាញ់ទម្លាក់វារួចទៅហើយ ប៉ុន្តែក្នុងករណីណាក៏ដោយ អ្វីដែលបានកើតឡើងគឺជាបទឧក្រិដ្ឋ” ។

បុរសខ្លាំងរបស់រុស្ស៊ីរូបនេះបានលើកឡើងទៀតថា យន្តហោះនេះមិនអាចត្រូវបានបាញ់ទម្លាក់ដោយមីស៊ីលអន់ៗនោះ ដោយសារតែប្រព័ន្ធខែលការពារដែនអាកាសរបស់ខ្លួនមានសមត្ថភាពការពារយ៉ាងតឹងណែនដើម្បីទប់ស្កាត់ការវាយប្រហារមកលើយន្តហោះ ហើយមីស៊ីលដែលបាញ់ទម្លាក់យន្តហោះដឹកឈ្លើយសឹកនេះទំនងជារបស់អាមេរិក ឬបារាំង ប៉ុន្តែយ៉ាងណាយើងស្ថិតក្នុងដំណាក់កាលស៊ើបអង្កេតនៅឡើយ” ។

ទីក្រុងមូស្គូបានចោទប្រកាន់ទីក្រុងកៀវថាបានបាញ់ទម្លាក់យន្តហោះ Ilyushin Il-76 នៅក្នុងតំបន់ Belgorod របស់ប្រទេសរុស្ស៊ីកាលពីថ្ងៃពុធ ទី២៤ ខែមករា និងបានសម្លាប់មនុស្សចំនួន ៧៤ នាក់នៅលើយន្តហោះ រួមទាំងឈ្លើយសឹកអ៊ុយក្រែន ៦៥ នាក់ផងដែរ អំឡុងពេលហោះហើរទៅដោះដូរអ្នកទោសសង្គ្រាមជាមួយរុស្ស៊ី ។

ទោះយ៉ាងណា អ៊ុយក្រែន​មិន​បាន​បញ្ជាក់ពីការ​បាញ់​ទម្លាក់​យន្តហោះនេះនោះ​ទេ ប៉ុន្តែបានទាត់ចោលការលើកឡើងរបស់ទី​ក្រុងមូស្គូ​ថា មានឈ្លើយសឹកមួយចំនួន​ជិះលើ​យន្តហោះ ហើយអ៊ុយក្រែនថែមទាំងចោទទៅរុស្ស៊ីវិញផងដែរថា គ្មានការប្រាប់ឲ្យដឹងជាមុននៅពេលនោះទេថា នឹងមានយន្តហោះដឹកឈ្លើយសឹកអ៊ុយក្រែនហោះហើរពីលើតំបន់ Belgorod ភាគនិរតីនៃប្រទេសរុស្ស៊ី ។

ពាក់ព័ន្ធនឹងបញ្ហានេះទៀតសោត ទីប្រឹក្សាប្រធានាធិបតីអ៊ុយក្រែន លោក Volodymyr Zelensky បាននិយាយថា ការលើកឡើងរបស់លោក ពូទីន គឺស្មើនឹងយុទ្ធនាការឃោសនា “ព័ត៌មានមិនពិត” ក្នុងគោលបំណងដាក់មុខព្រួញដកសិទ្ធិលែងឲ្យទីក្រុងកៀវទទួលបានកាំជ្រួចមីស៊ីលការពារដែនអាកាសពីដៃគូសម្ព័ន្ធមិត្តរបស់ខ្លួន ៕

ដោយ ៖ សុខ ជីវ័ន្ត

ចុចអាន ៖ មានប្រទេសចេញមុខបញ្ចប់ភ្លើងសង្គ្រាមបង្ហូរឈាមនៅតំបន់ ហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៩ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ៣៥ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម