Connect with us

ព័ត៌មានអន្ដរជាតិ

កាត់ទោសបុរសម្នាក់ពីបទរំលោភផ្លូវភេទស្ត្រី ៣ រូប ក្នុងរឿងក្ដី Burning Sun ធ្លាប់កក្រើកនៅកូរ៉េ

បានផុស

នៅ

ជនជាប់ចោទ Kim Sang-Kyo អាយុ ៣៤ ឆ្នាំ និងត្រូវបានគេស្គាល់ដំបូងថា ជាអ្នកផ្តល់ព័ត៌មានដំបូងនៅក្នុងរឿងអាស្រូវក្លឹបរាត្រី Burning Sun ត្រូវបានគេរកឃើញថា មានពិរុទ្ធពីបទចោទប្រកាន់បៀតបៀនផ្លូវភេទលើស្រ្តីដល់ទៅ៣រូប នេះយោងតាមការចុះផ្សាយពីប្រភព​​ allkpop ក្នុងប្រទេសកូរ៉េនៅថ្ងៃ២៨ ខែមករានេះ។

ជនជាប់ចោទ Kim Sang-Kyo
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋាន​ឧទ្ទរណ៍​ផ្នែក​ព្រហ្មទណ្ឌ ១-៣ របស់​តុលាការ​ក្រុង​សេអ៊ូល ក្រោម​អធិបតីភាព​ចៅក្រម​ជាន់​ខ្ពស់លោក Kim Hyung-jak, Im Jae-hoon និង Kim Soo-kyung បាន​តម្កល់​សាលក្រម​មុន ហើយថាលោក Kim ត្រូវទទួលទោសជាប់​ពន្ធនាគារ​រយៈពេល​មួយ​ឆ្នាំ​ ដោយ​ព្យួរ​ទោស​រយៈពេល​ពីរ​ឆ្នាំ​ស្រប​នឹង​ការ​សម្រេច​របស់​តុលាការ​ដំបូង។ នេះ​ជា​ការ​សាកល្បង​ជា​មូលដ្ឋាន ដែល​មាន​ន័យ​ថា ​គាត់​នឹង​ជាប់​ពន្ធនាគារ​តែ​១​ឆ្នាំ​ប៉ុណ្ណោះ ប្រសិន​បើ​គាត់​ទម្លាយ​ការ​សាកល្បង​ក្នុង​រយៈពេល​២​ឆ្នាំ។ តុលាការ​ក៏​បាន​បញ្ជាក់​ជាថ្មី​ពី​ការ​តម្រូវ​ឲ្យលោក Kim Sang-Kyo ចូល​រួម​ការ​បង្រៀន​អំពី​អំពើ​ហិង្សា​ផ្លូវ​ភេទ​រយៈពេល ៤០ ម៉ោង និង​បំពេញ​ការ​បម្រើ​សហគមន៍​ចំនួន ៨០ ម៉ោង។

តុលាការ​បាន​បញ្ជាក់​ទៀតថា “ទាក់ទង​នឹង​បទ​ចោទ​ប្រកាន់​ពី​បទ​បៀតបៀន​ផ្លូវ​ភេទ យើង​បញ្ជាក់​ថា សកម្មភាព​របស់​ចុង​ចោទ​មាន​ភស្តុតាង​គ្រប់គ្រាន់ វីដេអូដែលបង្ហាញពីការយាយី បង្ហាញពីការចោទប្រកាន់ទាំងនេះ ធ្វើឲ្យការទាមទារពីជនរងគ្រោះ រហូតមិនអាចទទួលយកបាន”។

លោក Kim Sang-Kyo ត្រូវបានចោទប្រកាន់ពីបទបៀតបៀនផ្លូវភេទស្ត្រី៣នាក់នៅក្លឹប Burning Sun កាលពីថ្ងៃទី២៤ ខែវិច្ឆិកា ឆ្នាំ២០១៨ និងពីបទរារាំងអាជីវកម្មដោយបង្កការរំខាន។ សកម្មភាពរបស់គាត់ទទួលបានការចាប់អារម្មណ៍ក្នុងអំឡុងពេលរឿងអាស្រូវ Burning Sun ដែលពាក់ព័ន្ធនឹងការចោទប្រកាន់ពីការឃុបឃិតរបស់ប៉ូលិសជាមួយក្លឹបរាត្រី។

ការស៊ើបអង្កេត រួមទាំងការវិភាគលើវីដេអូ CCTV និងសេចក្តីថ្លែងការណ៍របស់ជនរងគ្រោះ បាននាំឲ្យមានការចោទប្រកាន់របស់លោក Kim នៅក្នុងខែមករា ឆ្នាំ ២០២០។ ពួកគេបានបញ្ជាក់ពីការយាយីលើស្ត្រីបីនាក់ និងការរារាំងអាជីវកម្ម​ ខណៈពេលដែលការកាត់ក្តីលើកទីមួយបានដោះលែងលោ​ក Kim Sang-Kyo ពីបទបៀតបៀនស្ត្រីពីរនាក់ នោះ បានរកឃើញថា គាត់មានពិរុទ្ធពីបទបៀតបៀនទីបី និងរារាំងប្រតិបត្តិការរបស់ក្លឹបថែមទៀតផង៕

អត្ថបទ៖ សាង ស្រីល័ក្ខ

ចុចអាន៖ឈុតពណ៌មាសរបស់ Lisa លើឆាកប្រគំតន្រ្តីបារាំង ច្នៃម៉ូដដោយបុរសសង្ហាម្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម