ព័ត៌មានអន្ដរជាតិ
អ៊ីស្រាអែល ចោទបុគ្គលិក UN ១៩០នាក់ ថា ចូលដៃជាមួយក្រុម ហាម៉ាស
ឯកសារចារកម្មអ៊ីស្រាអែល ចោទប្រកាន់ថា បុគ្គលិក UN ប្រហែល១៩០នាក់ បានចូលរួមក្នុងប្រតិបត្តិការចាប់មនុស្សជាចំណាប់ខ្មាំង និងសម្លាប់ជនស៊ីវិល ក្នុងអំឡុងការវាយឆ្មក់កាលពីថ្ងៃទី៧ខែតុលា ដែលបង្កឲ្យមានសង្រ្គាមនៅតំបន់ហ្គាហ្សា។
![](https://www.kampucheathmey.com/wp-content/uploads/2024/01/image-1783.png)
ឯកសារកម្រាស់ប្រាំមួយទំព័រ ដែលឃើញដោយ Reuters នៅថ្ងៃអង្គារទី៣០ខែមករា បានចោទប្រកាន់ថា បុគ្គលិកទីភ្នាក់ងារជំនួយប៉ាឡេស្ទីន (UNRWA) រួមទាំងគ្រូបង្រៀនផងដែរ បានចូលដៃចូលជើងជាមួយក្រុមហាម៉ាស។
ទោះបីជាយ៉ាងណាក៏ដោយ ប៉ាឡេស្ទីនបានប្រតិកម្មភ្លាមៗ ដោយចោទអ៊ីស្រាអែលថា កំពុងក្លែងបន្លំព័ត៌មានដើម្បីមួលបង្កាច់ UNRWA។
យោងតាមឯកសាររបស់អ៊ីស្រាអែល, ម្នាក់ក្នុងចំណោម១១នាក់ គឺជាគ្រូបង្រៀនដែលជួយកូនប្រុសរបស់គាត់ ដើម្បីចាប់ខ្លួនស្រ្តីម្នាក់យកទៅធ្វើជាចំណាប់ខ្មាំង អំឡុងពេលនោះ ហើយបុគ្គលិកសង្គមរបស់ UNRWA ម្នាក់ ត្រូវបានចោទថា ចូលដៃជួយបញ្ជូនសាកសពទាហានអ៊ីស្រាអែលទៅហ្គាហ្សា និងជួយសម្រួលចរាចរណ៍ឲ្យរថយន្តភីកអាប់របស់ក្រុមហាម៉ាស បើកមកវាយប្រហារ និងផ្គត់ផ្គង់អាវុធថែមទៀត។
![](https://www.kampucheathmey.com/wp-content/uploads/2024/01/image-1785-1024x596.png)
ដោយសារតែការចោទប្រកាន់លើបុគ្គលិករបស់ UNRWA នេះហើយ ទើបធ្វើឲ្យប្រទេសជាម្ចាស់ជំនួយយ៉ាងច្រើន សម្រេចចិត្តផ្អាកការផ្តល់មូលនិធិសម្រាប់ទីភ្នាក់ងារនេះ។
UNRWA បានផ្តល់ជំនួយប្រចាំថ្ងៃដ៏សំខាន់ដល់ជនជាតិប៉ាឡេស្ទីន ២.៣លាននាក់នៅតំបន់ហ្គាហ្សា ដែលកំពុងប្រឹងឆ្លងកាត់មហន្តរាយមនុស្សធម៌ដ៏ធ្ងន់ធ្ងរ ចំពេលអ៊ីស្រាអែល វាយប្រហារមិនប្រណីដៃ។
ទីភ្នាក់ងារនេះ បញ្ជាក់កាលពីថ្ងៃចន្ទថា ខ្លួនច្បាស់ជាមិនអាចបន្តប្រតិបត្តិការនៅហ្គាហ្សា និងទូទាំងតំបន់ ហួសពីចុងខែកុម្ភៈបានទេ ប្រសិនបើគ្មានមូលនិធិផ្តល់ឲ្យ។
![](https://www.kampucheathmey.com/wp-content/uploads/2024/01/image-1784-1024x640.png)
ពាក់ព័ន្ធបញ្ហាខាងលើ អគ្គលេខាធិការ UN លោក Antonio Guterres បានជួបពិភាក្សាជាមួយប្រមុខក្រុមស៊ើបអង្កេត ដើម្បីស៊ើបនិងដោះស្រាយបញ្ហានេះឲ្យបានលឿនតាមដែលអាចធ្វើទៅបាន។
ក្រុមហាម៉ាស បានបើកការវាយប្រហារដ៏គួរឲ្យភ្ញាក់ផ្អើលនៅភាគខាងត្បូងប្រទេសអ៊ីស្រាអែល កាលពីថ្ងៃទី៧ខែតុលា ដោយសម្លាប់មនុស្សយ៉ាងតិច១១៣៩នាក់ និងចាប់២៤០នាក់ទៀតជាចំណាប់ខ្មាំង។ ភ្លាមៗ អ៊ីស្រាអែល ក៏ឆ្លើយតបវិញដោយការទម្លាក់គ្រាប់បែកស្រោចដូចគ្រាប់ភ្លៀង ការឡោមព័ទ្ធ និងលុកលុយទឹកដីហ្គាហ្សា។ យោងតាមអាជ្ញាធរប៉ាឡេស្ទីនបានឲ្យដឹងថា មនុស្សជាង ២៦៦០០នាក់ ត្រូវសម្លាប់ ហើយតំបន់នេះត្រូវកម្ទេចរាបដូចកន្ទេល៕
អត្ថបទ៖ សុខ សុវណ្ណ
ចុចអាន៖ មានប្រទេសចេញមុខបញ្ចប់ភ្លើងសង្គ្រាមបង្ហូរឈាមនៅតំបន់ ហ្គាហ្សា
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៣ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៤ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម២ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៤ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សន្តិសុខសង្គម៧ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៧ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
-
ព័ត៌មានអន្ដរជាតិ៥ ថ្ងៃ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ៧ ថ្ងៃ ago
សម្ដេចព្រះសង្ឃនាយកស្ដីទី ផ្ដាំមន្ត្រីសង្ឃឱ្យជឿទុកចិត្តលើរដ្ឋាភិបាល ដើម្បីបន្តអភិវឌ្ឍជាតិឱ្យរីកចម្រើន