Connect with us

ព័ត៌មានអន្ដរជាតិ

តុលាការ អង់គ្លេស ទាត់ចោលបទចោទលើសកម្មជនវ័យក្មេង Greta Thunberg ជុំវិញការតវ៉ាឆ្នាំមុន

បានផុស

នៅ

ចៅក្រមតុលាការអង់គ្លេសកាលពីថ្ងៃសុក្របានទាត់ចោលការចោទប្រកាន់ពីបទរំលោភលើសណ្ដាប់ធ្នាប់សាធារណៈប្រឆាំងនឹងសកម្មជនបរិស្ថានវ័យក្មេងនាង Greta Thunberg ដោយលើកឡើងពីអង្គហេតុថា “គ្មានព័ស្តុតាងច្បាស់លាស់” ដែលថានាងបានចូលរួមក្នុងការតវ៉ាដោយខុសច្បាប់កាលពីខែតុលា ឆ្នាំ២០២៣ ។ នេះបើយោងតាមការចុះផ្សាយដោយទីភ្នាក់ងារព័ត៌មានអាមេរិក UPI កាលពីថ្ងៃទី២ ខែកុម្ភៈកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅក្រម John Law បានទាត់ចោលករណីនេះកាលពីថ្ងៃសុក្រ ដោយសារតែលក្ខខណ្ឌរបស់ប៉ូលិសដែលដាក់ប្រឆាំងនឹងក្រុមអ្នកតវ៉ា គឺ “មិនមានអង្គហេតុច្បាស់លាស់ និងមិនត្រូវតាមច្បាប់” ហើយលោកមេធាវីថែមទាំងបញ្ជាក់ទៀតថា “ជនណាដែលមិនមានសកម្មភាពពាក់ព័ន្ធទាំងនេះ គឺពិតជាមិនមានបទល្មើស” នោះឡើយ ។

នាង Thunberg និងសកម្មជនបរិស្ថាន ៤ នាក់ផ្សេងទៀតដូចជា Christofer Kebbon, Joshua James Unwin, Jeff Rice និង Peter Barker ត្រូវបានចាប់ខ្លួនកាលពីថ្ងៃទី១៧ ខែតុលា ឆ្នាំ២០២៣ ពីបទរំលោភលើមាត្រាទី ១៤ នៃច្បាប់សណ្តាប់ធ្នាប់សាធារណៈរបស់ចក្រភពអង់គ្លេស បន្ទាប់ពីការតវ៉ា និងរារាំងនាយកប្រតិបត្តិកំពូលមួយចំនួនមិនឲ្យដើរចូលទៅកាន់សណ្ឋាគារ InterContinental ក្នុងទីក្រុងឡុងដ៍ដើម្បីអង្គុយប្រជុំក្នុងវេទិកាថាមពល ។

ពាក់ព័ន្ធនឹងបញ្ហានេះដែរ មន្ត្រីសមត្ថកិច្ចដែល​ចាប់ខ្លួនសកម្មជនបរិស្ថានវ័យ ២១ ឆ្នាំរូបនេះ​បាន​អះអាង​ថា ​ក្រុម​អ្នក​តវ៉ាមានចេតនាប៉ុនប៉ង​រារាំង​នាយកប្រតិបត្តិប្រេងឥន្ធនៈ និងមន្ត្រីរដ្ឋាភិបាលមិនឲ្យចូលប្រជុំនៅខាងក្រៅសណ្ឋាគារ InterContinental ខណៈមេប៉ូលិសលោក Matt Cox បានប្រាប់តុលាការថា ប្រតិភូមិនអាចចូលសណ្ឋាគារបានឡើយ ដោយសារតែបាតុកម្ម ។

ប៉ុន្តែលោកមេធាវី Law បានឆ្លើយតបវិញថា “មានច្រកចូលច្រើនណាស់ដែលគណៈប្រតិភូអាចដើរចូលទៅបាន ចុះហេតុអ្វីបានជាចាំបាច់ត្រូវចាប់ខ្លួនចុងចោទ ដោយសារតែឈរនៅជ្រុងម្ខាងបែបនេះ ។ ការតវ៉ានេះគឺ ពេញដោយសន្តិភាព និងអហិង្សា ហើយបានរកឃើញថា មិនមានព័ស្តុតាងនៃយានយន្តណាមួយដាក់បាំងផ្លូវ ឬបង្កគ្រោះថ្នាក់ដល់អាយុជីវិតមនុស្សឡើយ ។ វា​គួរ​ឲ្យ​ភ្ញាក់​ផ្អើល​ណាស់​សម្រាប់​ខ្ញុំ​ដែល​មិន​ឮពាក្យសម្ដីណាមួយនិយាយពីរឿងនេះ ចេញពីមាត់​សាក្សី​ប្រហែល ១,០០០ នាក់ក្នុង​សណ្ឋាគារដែលរៀបចំកិច្ចប្រជុំនោះ​” ។

ចំណែកមេធាវីរបស់នាង Thunberg គឺលោក Raj Chada បាននិយាយថា “ការទាត់ចោលបណ្ដឹងនេះគឺជារឿងត្រឹមត្រូវ ហើយលក្ខខណ្ឌដែលដាក់ប្រឆាំងលើក្រុមអ្នកតវ៉ាគឺមិនស្របច្បាប់ឡើយ ជាពិសេសពួកគេថែមទាំងបានជ្រៀតជ្រែកទៅនឹងសិទ្ធិសេរីភាពក្នុងការបញ្ចេញមតិរបស់កូនក្ដីលោកទៀតផង” ។

គួរបញ្ជាក់ថា សកម្មជនវ័យក្មេងនាង Greta Thunberg ចេញមុខកាន់តែច្រើន និងមានភាពលេចធ្លោខ្លាំង បន្ទាប់ពីមានការតវ៉ាប្រចាំសប្តាហ៍នៅខាងក្រៅសភាស៊ុយអែតកាលពីឆ្នាំ ២០១៨ ខណៈក្រោយៗមកទៀតនាងរងក្ដីក្ដាំជាច្រើន មានទាំងការផាកពិន័យពីតុលាការពីបទមិនគោរពប៉ូលិស និងបិទចរាចរណ៍ ក្នុងអំឡុងពេលការតវ៉ាបរិស្ថាននៅឯរោងចក្រប្រេងមួយកន្លែងនៅក្នុងប្រទេសស៊ុយអែត ៕

ដោយ ៖ សុខ ជីវ័ន្ត

ចុចអាន ៖ កម្លាំងរដ្ឋាភិបាលយោធា មីយ៉ាន់ម៉ា របូតបន្ទាយទ័ពមួយទៀតធ្លាក់ទៅ​កណ្ដាប់ដៃក្រុមទ័ពព្រៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៣ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៣ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៣ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៤ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៧ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៦ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៦ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម