ព័ត៌មានអន្ដរជាតិ
លោក Netanyahu ច្រានចោលលក្ខខណ្ឌបទឈប់បាញ់ ៣ដំណាក់កាល របស់ក្រុម ហាម៉ាស
តាមការចុះផ្សាយរបស់ Reuters នៅថ្ងៃព្រហស្បតិ៍ទី៨ខែកុម្ភៈ នាយករដ្ឋមន្ត្រីអ៊ីស្រាអែលលោក Benjamin Netanyahu បានច្រានចោលលក្ខខណ្ឌបទឈប់បាញ់ ដែលក្រុមហាម៉ាសស្នើឡើង ដោយនិយាយថា ប៉ុន្មានខែទៀត អ៊ីស្រាអែល នឹងយកបានជ័យជម្នះទាំងស្រុងហើយ នៅក្នុងតំបន់ហ្គាហ្សា។
ក្រោយក្រុមហាម៉ាស ដាក់ចេញលក្ខខណ្ឌជាបន្តបន្ទាប់ ដើម្បីឆ្លើយតបទៅនឹងសំណើបទឈប់បាញ់ដែលគាំទ្រដោយអ៊ីស្រាអែល លោក Netanyahu និយាយថា ការចរចាជាមួយក្រុមនេះ ទៅមុខមិនរួចទេ ហើយចាត់ទុកលក្ខខណ្ឌរបស់ពួកគេថា “ចម្លែក”។
ដំបូងឡើយគេសង្ឃឹមថា អ៊ីស្រាអែល នឹងផ្តល់ភាពវិជ្ជមានចំពោះសំណើនេះ ប៉ុន្តែឥឡូវគេមើលឃើញថា ការឆ្លើយតបនេះគឺជាការស្តីបន្ទោសចំៗ ហើយមន្ត្រីអ៊ីស្រាអែលយល់ឃើញយ៉ាងច្បាស់ថា កិច្ចខិតខំរបស់ហាម៉ាស ដើម្បីបញ្ចប់សង្រ្គាមផ្អែកលើលក្ខខណ្ឌរបស់ខ្លួន គឺមិនអាចទទួលយកបានទាំងស្រុង។
ទោះបីជាយ៉ាងណាក៏ដោយ មន្ត្រីជាន់ខ្ពស់ក្រុមហាម៉ាស លោក Sami Abu Zuhri បានប្រាប់ទីភ្នាក់ងារសារព័ត៌មាន Reuters ថា ការលើកឡើងរបស់លោក Netanyahu គឺបង្ហាញថា គាត់មានបំណងបន្តជម្លោះនៅក្នុងតំបន់។
តាមសេចក្តីព្រាងនៃឯកសាររបស់ក្រុមហាម៉ាស ដែលឃើញដោយ Reuters បានបង្ហាញលម្អិតអំពីលក្ខខណ្ឌទាំងនេះមានដូចជា៖
• ដំណាក់កាលទី១៖ ត្រូវផ្អាកការប្រយុទ្ធគ្នារយៈពេល៤៥ថ្ងៃ ដោយក្នុងអំឡុងពេលនោះ ចំណាប់ខ្មាំងជាស្ត្រីជនជាតិអ៊ីស្រាអែលទាំងអស់ ហើយបុរសអាយុក្រោម១៩ឆ្នាំ មនុស្សចាស់ជរា ក៏ដូចជាអ្នកជំងឺ ត្រូវដោះដូរជាមួយស្ត្រីនិងកុមារប៉ាឡេស្ទីន ដែលជាប់ឃុំខ្លួននៅក្នុងពន្ធនាគារអ៊ីស្រាអែល។ ម្យ៉ាងទៀត កងកម្លាំងអ៊ីស្រាអែល ត្រូវដកខ្លួនចេញពីតំបន់ដែលមានប្រជាជនរស់នៅច្រើនក្នុងតំបន់ហ្គាហ្សា ហើយចាប់ផ្តើមកសាងមន្ទីរពេទ្យនិងជំរំជនភៀសខ្លួនឡើងវិញ។
• ដំណាក់កាលទី២៖ ចំណាប់ខ្មាំងជនជាតិអ៊ីស្រាអែលដែលនៅសេសសល់ នឹងត្រូវដោះដូរជាមួយអ្នកទោសប៉ាឡេស្ទីន ហើយកងកម្លាំងអ៊ីស្រាអែល ត្រូវចាកចេញពីតំបនហ្គាហ្សាទាំងអស់។
• ដំណាក់កាលទីបី៖ ភាគីទាំងពីរ នឹងដោះដូរសាកសពគ្នា។
លើសពីនេះ កិច្ចព្រមព្រៀងដែលបានស្នើឡើង ក៏ទាមទារឲ្យមានការផ្តល់ស្បៀងអាហារ និងជំនួយផ្សេងទៀតចូលដល់តំបន់ហ្គាហ្សា កាន់តែច្រើនផងដែរ។
សូមបញ្ជាក់ជាថ្មី ក្រុមហាម៉ាស បានបើកការវាយប្រហារយ៉ាងភ្ញាក់ផ្អើល លើភាគខាងត្បូងប្រទេសអ៊ីស្រាអែលកាលពីថ្ងៃទី៧ខែតុលាឆ្នាំមុន ដោយសម្លាប់មនុស្សប្រហែល១៣០០នាក់។
ជាការសងសឹក អ៊ីស្រាអែល បានសម្លាប់ជនជាតិប៉ាឡេស្ទីន វិញជាង ២៧៧០០ នាក់ និងយ៉ាងតិច ៦៥០០០ នាក់រងរបួស៕
អត្ថបទ៖ សុខ សុវណ្ណ
ចុចអាន៖ កាតា ថា ក្រុមហាម៉ាស ឆ្លើយតបវិជ្ជមានចំពោះសំណើបទឈប់បាញ់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ